1 โครินธ์ 4:12 - พระคริสตธรรมคัมภีร ภาคพันธสัญญาใหม

¹² เฮา​เยียะ​ก๋าน​เอา​แฮง​เข้า​ตุ๊บ​เข้า​ต๋ำ​เปื้อ​หากิ๋น เมื่อ​ใผ​แจ้งด่า​เฮา เฮา​ก็​ปั๋น​ปอน​หื้อ​เขา เมื่อ​ถูก​ค่ำ​เฮา​ก็​อด​เอา

1 โครินธ์ 4:12 Iomraidhean Croise

มัทธิว 5:11

“เมื่อ​ใด​หมู่​ต้าน​โดน​ดู​ถูก​ดู​แควน โดน​ค่ำ ถูก​ใส่ฮ้าย​ตี้​บ่เป๋น​เรื่อง​แต๊ ย้อน​ติดต๋าม​ตวย​เฮา พระเจ้า​โผด​หื้อ​หมู่​ต้าน​เป๋น​สุข

มัทธิว 5:44

แต่​เฮา​บอก​ต้าน​ตังหลาย​ว่า​จง​ฮัก​ศัตรู๋​ของ​ต้าน หื้อ​อธิษฐาน​เผื่อ​คน​ตี้​ค่ำ​หมู่​ต้าน​ตวย

ลูก๋า 23:34

พระเยซู​อธิษฐาน​ว่า “พระบิดา​เจ้า​ข้า ขอ​ยก​โต้ษ​หื้อ​หมู่​เขา​ตวย ย้อน​หมู่​เขา​บ่ฮู้​ว่า​ก่ำลัง​เยียะ​อะหยัง” หมู่​ทหาร​เอา​เสื้อผ้า​ของ​พระองค์​มา​จก​เบอร์​แบ่ง​กั๋น

ลูก๋า 6:28

จง​ปั๋น​ปอน​คน​ตี้​แจ้งด่า​ต้าน จง​อธิษฐาน​เผื่อ​คน​ตี้​เยียะ​ฮ้าย​ต่อ​ต้าน

ยอห์น 15:20

หมู่​ต้าน​จ๋ำ​กำ​ตี้​เฮา​เกย​บอก​ไว้​ได้​ก่อ​ว่า ‘คน​ฮับใจ๊​บ่ใหญ่​เหลือ​เจ้านาย​ของ​เขา’ ถ้า​หมู่​เขา​ค่ำ​เฮา หมู่​เขา​ก็​จะ​ค่ำ​หมู่​ต้าน​ตวย ถ้า​หมู่​เขา​เยียะ​ต๋าม​กำ​สั่ง​สอน​ของ​เฮา หมู่​เขา​ก็​จะ​เยียะ​ต๋าม​กำ​สั่ง​สอน​ของ​หมู่​ต้าน​เหมือน​กั๋น

กิจก๋าน 18:3

แล้ว​อยู่​กับ​หมู่​เขา​กับ​เยียะ​ก๋าน​ตวย​กั๋น​ย้อน​ว่า​เปาโล​เป๋น​สล่า​แป๋ง​เต็นท์​เหมือน​กั๋น

กิจก๋าน 20:34

หมู่​ต้าน​ก็​ฮู้​ดี​อยู่​แล้ว​ว่า ข้าพเจ้า​เซาะ​ว่า​หากิ๋น​ด้วย​มือ​ของ​ข้าพเจ้า​คน​เดียว เปื้อ​เลี้ยง​ตั๋ว​เก่า​กับ​คน​ตี้​อยู่​ตวย​ข้าพเจ้า

กิจก๋าน 7:60

แล้ว​สเทเฟน​ก็​คุก​เข่า​ฮ้อง​ออก​ปาก​เสียง​ดัง​ว่า “พระองค์​เจ้าข้า ห้าม​เอา​โต้ษ​หมู่​เขา​เน่อ ตี้​หมู่​เขา​ปา​กั๋น​เยียะ​บาป​นี้” เมื่อ​อู้​จบ​แล้ว​สเทเฟน​ก็​ต๋าย

โรม 12:14

หื้อ​ขอ​พระเจ้า​ปั๋น​ปอน​คน​ตี้​ค่ำ​หมู่​ต้าน หื้อ​พระองค์​ปั๋น​ปอน​เขา​เต๊อะ บ่ดี​ขอ​หื้อ​พระเจ้า​แจ้ง​สาป​เขา

โรม 12:20

แต่​หื้อ​เยียะ​เหมือน​ตี้​มี​เขียน​ไว้​ใน​พระคัมภีร์​ว่า “ถ้า​ศัตรู๋​ของ​ต้าน​ใค่​อยาก​กิ๋น​ข้าว ก็​หื้อ​เอา​ข้าว​หื้อ​เขา​กิ๋น ถ้า​อยาก​กิ๋น​น้ำ ก็​หื้อ​เอา​น้ำ​หื้อ​เขา​กิ๋น ก๋าน​เยียะ​จาอี้​จะ​เยียะ​หื้อ​เขา​ละอาย​ใจ๋”

โรม 8:35

อะหยัง​จะ​มา​แยก​หมู่​เฮา​ออก​จาก​ความ​ฮัก​ของ​พระคริสต์​ตี้​มี​หื้อ​หมู่​เฮา​ได้ จะ​เป๋น​ความ​ตุ๊ก ความ​ยาก​ลำบาก ก๋าน​ค่ำ ความ​อดอยาก ความ​จ๋น ภัย​อันตราย กาว่า​ก๋าน​ถูก​ฆ่า​ต๋าย​กา สิ่ง​หมู่​นี้​ตึงหมด​บ่สามารถ​แยก​หมู่​เฮา​ออก​ได้​เน่อ

1 โครินธ์ 9:6

กาว่า​มี​ก้า​ข้าพเจ้า​กับ​บารนาบัส​เต้าอั้น ตี้​ต้อง​เยียะ​ก๋าน​เปื้อ​หา​เลี้ยง​ตั๋วเก่า

2 โครินธ์ 11:8

บาง​คน​อาจ​จะ​ว่า ข้าพเจ้า​ปล้น​คริสตจักร​อื่นๆ โดย​ก๋าน​ฮับ​สตางค์​บริจาค​จาก​หมู่​เขา เปื้อ​เอา​มา​ฮับใจ๊​หมู่​ต้าน

เอเฟซัส 4:28

คน​ขี้ลัก​ขี้จก​ก็​หื้อ​ย้าง​เหีย หื้อ​ฮิ​หา​เอา​คน​เดียว​โดย​สอง​มือ​ของ​ตั๋ว​เก่า เปื้อ​ว่า​จะ​มี​สิ่ง​ของ​ตี้​จะ​แบ่งปั๋น​จ้วยเหลือ​คน​ยากจ๋น

1 เธสะโลนิก๋า 2:9

ปี้น้อง​ตังหลาย​จ๋ำ​ได้​แน่นอน​แล้ว​ว่า ใน​ต๋อน​ตี้​เฮา​บอก​ข่าวดี​ของ​พระเจ้า​หื้อ​ฟัง​นั้น หมู่​เฮา​เยียะ​ก๋าน​หนัก​มอกใด​ต้ามก๋าง​ต้าน หมู่​เฮา​เยียะ​ก๋าน​วัน​ค่ำ​คืน​ฮุ่ง​เปื้อ​เฮา​จะ​บ่เป๋น​ภาระ​ต่อ​หมู่​ต้าน​สัก​คน​เดียว

2 เธสะโลนิก๋า 3:8

หมู่​เฮา​บ่กิ๋น​อาหาร​บ่ดายๆ จาก​ใผ​สัก​คน​เลย แต่​หมู่​เฮา​หมั่น​เยียะ​ก๋าน​หนัก​ตึง​เมื่อวัน​เมื่อคืน เปื้อ​บ่เป๋น​ภาระ​กับ​ใผ

1 ทิโมธี 4:10

ย้อนจาอั้น​หมู่​เฮา​จึง​อดทน​เยียะ​ก๋าน​หนัก ก็​ย้อน​ว่า​เฮา​มี​ความ​หวัง​ใน​พระเจ้า​ผู้​มี​จีวิต​อยู่ ตี้​เป๋น​พระ​ผู้จ้วย​ของ​คน​ตังหลาย​หื้อ​รอด​ป๊น​บาป​โต้ษ โดย​เฉพาะ​คน​ตี้​เป๋น​ผู้เจื้อ

1 เปโตร 2:23

เมื่อ​มี​ใผ​อู้​ดู​แควน​พระองค์ พระองค์​ก็​บ่เกย​ตอบโต้​หมู่​เขา เมื่อ​พระองค์​ได้ฮับ​ความ​ตุ๊ก พระองค์​ก็​บ่เกย​ขู่​ว่า​จะ​แก้แค้น​ใผ แต่​พระองค์​ได้​มอบ​กู้​เรื่อง​ไว้​หื้อ​กับ​พระเจ้า​ผู้​ตี้​ตัดสิน​อย่าง​ยุติธรรม

1 เปโตร 3:14

แต่​ถ้า​หมู่​ต้าน​จะ​ต้อง​โดน​ค่ำ ย้อน​เยียะ​ต๋าม​ใจ๋​พระเจ้า ต้าน​ก็​เป๋น​สุข​แต๊ๆ บ่ต้อง​กั๋ว​หมู่​เขา​กับ​บ่ต้อง​กึ๊ด​นัก​เน่อ

1 เปโตร 3:9

ถ้า​ใผ​เยียะ​บ่ดี​ต่อ​ต้าน​ก็​ห้าม​เยียะ​บ่ดี​ตอบ​เขา กาว่า​ด่า​คน​ตี้​ด่า​ต้าน แต่​หื้อ​ปั๋น​ปอน​หมู่​เขา​แตน ย้อน​ว่า​พระเจ้า​ต้องก๋าน​หื้อ​หมู่​ต้าน​เยียะ​จาอี้ แล้ว​พระองค์​จะ​ได้​ปั๋น​ปอน​หื้อ​หมู่​ต้าน

1 เปโตร 4:19

จาอั้น คน​ตี้​ต้อง​ปะ​กับ​ความ​ตุ๊กยาก​ย้อน​เป๋น​ความ​ต้องก๋าน​ของ​พระเจ้า ก็​หื้อ​ฝาก​จิตวิญญาณ​ของ​ตั๋ว​ไว้​กับ​พระเจ้า​ผู้​สร้าง​ตี้​สัตย์ซื่อ กับ​หื้อ​เยียะ​ดี​ต่อ​ไป

ยูดา 1:9

แม้แต่​มีคาเอล​ตี้​เป๋น​หัวหน้า​ทูตสวรรค์ เมื่อ​ต้าน​เถียง​กับ​มาร​ว่า​ใผ​จะ​ได้​ศพ​ของ​โมเสส​ไป ต้าน​ยัง​บ่อู้​ดู​แควน​มาร​เลย แต่​ต้าน​อู้​ก้า​ว่า “หื้อ​องค์​พระ​ผู้​เป๋น​เจ้า​ว่า​หื้อ​เจ้า​เอา​เต๊อะ”