1 โครินธ์ 16:6 - พระคริสตธรรมคัมภีร ภาคพันธสัญญาใหม

⁶ ข้าพเจ้า​อาจ​จะ​ย้าง​อยู่​กับ​หมู่​ต้าน​สัก​หว่าง​นึ่ง อาจ​จะ​อยู่​จ๋น​เสี้ยง​หน้า​หนาว​ก็​ได้ เปื้อ​ว่า​หมู่​ต้าน​จะ​ได้​จ้วย​สนับ​สนุน​ข้าพเจ้า​หื้อ​เตียวตาง​ต่อไป

1 โครินธ์ 16:6 Iomraidhean Croise

กิจก๋าน 15:3

คริสตจักร​ก็​ส่ง​คน​หมู่​นี้​ออก​เตียวตาง​ไป เมื่อ​ผ่าน​แคว้น​ฟีนิเซีย​กับ​แคว้น​สะมาเรีย หมู่​ต้าน​ก็​เล่า​เรื่อง​ว่า​คน​ต่างจ้าด​เข้า​มา​ฮับเจื้อ​พระเจ้า หมู่​ปี้น้อง​ผู้เจื้อ​ตี้​หั้น​ฟัง​จาอั้น​ก็​ปา​กั๋น​ดีใจ๋​ขนาด

กิจก๋าน 17:15

หมู่​คน​ตี้​ปา​เปาโล​ไป​ส่ง​นั้น​ก็​ปา​ต้าน​ลง​เฮือ​ไป​แผว​เมือง​เอเธนส์ เปาโล​ฝาก​กำ​สั่ง​หื้อ​คน​หมู่​นั้น​ไป​บอก​สิลาส​กับ​ทิโมธี​ว่า หื้อ​ตึง​สอง​คน​ขะใจ๋​มา​ตวย​หา​เปาโล​เวยๆ เมื่อ​หมู่​เขา​ฮับ​กำ​แล้ว​ก็​ปา​กั๋น​ปิ๊ก​ไป​เมือง​เบโรอา

กิจก๋าน 20:38

ตี้​เยียะ​หื้อ​หมู่​เขา​เป๋น​ตุ๊ก​นัก​เหลือ​เปิ้น​ก็​คือ​กำ​อู้​ของ​เปาโล​ต๋อน​ตี้​ว่า ต่อไป​นี้​หมู่​เขา​จะ​บ่หัน​หน้า​ต้าน​แหม​แล้ว จาก​นั้น​หมู่​เขา​ก็​ปา​กั๋น​มา​ส่ง​เปาโล​ตี้​เฮือ

กิจก๋าน 21:5

แต่​ว่า​เมื่อ​เถิง​เวลา​ตี้​หมู่​เฮา​จะ​ต้อง​เตียวตาง​ต่อไป หมู่​เขา​ตึงหมด​ตึง​ลูก​ตึง​เมีย​ก็​มา​ส่ง​หมู่​เฮา​ตี้​นอก​เมือง เมื่อ​มา​แผว​ฮิม​ทะเล หมู่​เฮา​ก็​ปา​กั๋น​คุก​เข่า​อธิษฐาน​ตี้​หั้น

กิจก๋าน 27:12

ย้อน​ต้าเฮือ​นี้​บ่เหมาะ​ตี้​จะ​จอด​เฮือ​จ๋น​ยาม​ฝน​ผ่าน​ไป​แล้ว คน​ส่วน​ใหญ่​จึง​ตกลง​กั๋น​ตี้​จะ​แล่น​เฮือ​จาก​ตี้​หั้น หมู่​เขา​ฮิ​จะ​ไป​หื้อ​แผว​เมือง​ฟีนิกส์ แล้ว​จะ​จอด​เฮือ​ไว้​ตี้​หั้น ฟีนิกส์​เป๋น​เมืองต้า​ของ​เกาะ​ครีต เป๋น​ต้าเฮือ​ตี้​บิ่นหน้า​ไป​ตัง​วันตก​แจ่ง​ใต้​กับ​ตัง​วันตก​แจ่ง​เหนือ

กิจก๋าน 28:11

เป๋น​เวลา​สาม​เดือน​นับ​จาก​เฮือ​แตก หมู่​เฮา​ลง​เฮือ​แหม​ลำ​นึ่ง​ตี้​มา​จอด​ย้าง​ตลอด​ยาม​หนาว​ตี้​เกาะ​นั้น เป๋น​เฮือ​ตี้​มา​จาก​เมือง​อเล็กซานเดรีย ตี้​หัวเฮือ​มี​ฮูป​แกะสลัก​พระแฝด​ติด​ไว้สอง​องค์​จื้อ​แคสเตอร์​กับ​พอลลักซ์

โรม 15:24

ข้าพเจ้า​จึง​กึ๊ด​ว่า​จะ​แว่​ไป​แอ่ว​หา​หมู่​ต้าน​ต๋อน​เมื่อ​จะ​ไป​ประเทศ​สเปน แล้ว​หลัง​จาก​ตี้​ได้​อยู่​กับ​หมู่​ต้าน​สัก​หว่าง​นึ่ง​แล้ว ข้าพเจ้า​ก็​หวัง​ว่า​หมู่​ต้าน​จะ​จ้วย​ข้าพเจ้า​เตียว​ตาง​ต่อ​ไป​จ๋น​เถิง​สเปน

1 โครินธ์ 16:11

จาอั้น​ห้าม​หื้อ​ใผ​ดู​แควน​เขา แต่​หื้อ​จ้วย​เขา​เตียวตาง​ต่อ​ไป​อย่าง​สันติสุข เปื้อ​เขา​จะ​ปิ๊ก​มา​หา​ข้าพเจ้า ย้อน​ข้าพเจ้า​ก่ำลัง​กอย​ถ้า​เขา​กับ​หมู่​ปี้น้อง​คน​อื่นๆ อยู่

2 โครินธ์ 1:16

ข้าพเจ้า​จะ​แว่​ไป​แอ่ว​หา​หมู่​ต้าน​ต๋อน​ตี้​ก่ำลัง​เตียวตาง​ไป​แคว้น​มาซิโดเนีย กับ​จะ​แว่​แอ่ว​หา​แหม​เตื้อ​ต๋อน​ขา​ปิ๊ก​จาก​แคว้น​มาซิโดเนีย เปื้อ​จะ​ขอ​หื้อ​หมู่​ต้าน​จ้วย​ข้าพเจ้า​เตียวตาง​ไป​แคว้น​ยูเดีย​ต่อไป

ทิตัส 3:12

เมื่อ​ข้าพเจ้า​ส่ง​อารเทมาส​กาว่า​ทีคิกัส​มา​หา​ต้าน​นั้น หื้อ​พยายาม​อย่าง​เต๋มตี้​มา​หา​ข้าพเจ้า​ตี้​เมือง​นิโคบุรี​เน่อ ย้อน​ว่า​ข้าพเจ้า​ตัดสิน​ใจ๋​จะ​อยู่​ตี้​เมือง​นี้​จ๋น​เสี้ยง​หน้าหนาว​นี้​เต้าอั้น