1 โครินธ์ 15:4 - พระคริสตธรรมคัมภีร ภาคพันธสัญญาใหม

⁴ เขา​ฝัง​พระองค์​ไว้ แล้ว​ใน​วัน​ตี้​สาม​พระเจ้า​ก็​เยียะ​หื้อ​พระองค์​เป๋น​ขึ้น​มา​ใหม่ ต๋าม​ตี้​มี​เขียน​ไว้​ใน​พระคัมภีร์

1 โครินธ์ 15:4 Iomraidhean Croise

มัทธิว 12:40

คือ​โยนาห์​อยู่​ใน​ต๊อง​ป๋า​ตั๋ว​ใหญ่​เถิง​สาม​วัน​สาม​คืน​จาใด บุตรมนุษย์​ก็​จะ​อยู่​ใต้​ผืน​แผ่นดิน​โลก​เป๋น​เวลา​สาม​วัน​สาม​คืน​จาอั้น​เหมือน​กั๋น

มัทธิว 16:21

ตั้งแต่​นั้น​เป๋น​ต้น​มา​พระเยซู​อธิบาย​หื้อ​หมู่​สาวก​ของ​พระองค์​ฟัง​ว่า พระองค์​จะ​ต้อง​ไป​กรุง​เยรูซาเล็ม แล้ว​จะ​ต้อง​ฮับ​ความ​ตุ๊ก​ทรมาน​หลาย​อย่าง​จาก​หมู่​คน​เฒ่า​คน​แก่​กับ​หมู่​หัวหน้า​ปุโรหิต​ตึง​หมู่​ธรรมาจ๋ารย์ ใน​ตี้​สุด​พระองค์​จะ​ถูก​ฆ่า​ต๋าย แต่​หลัง​จาก​นั้น​แหม​สาม​วัน พระเจ้า​จะ​เยียะ​หื้อ​เป๋น​ขึ้น​จาก​ความ​ต๋าย

มัทธิว 20:19

แล้ว​จะ​มอบ​ต้าน​หื้อ​กับ​คน​ต่างจ้าด​เฆี่ยน​ตี๋​กับ​เยาะเย้ย แล้ว​ก็​ปา​ไป​เขิง​ตี้​ไม้​ก๋าง​เขน​จ๋น​ต๋าย แต่​ใน​วัน​ตี้​สาม​พระเจ้า​จะ​เยียะ​หื้อ​เป๋น​ขึ้น​จาก​ความ​ต๋าย”

มาระโก 9:31

ย้อน​ว่า​ต๋อน​นั้น​พระเยซู​ก่ำลัง​สอน​หมู่​สาวก พระองค์​บอก​หมู่​เขา​ว่า “จะ​มี​คน​หักหลัง​บุตรมนุษย์ แล้ว​มอบ​พระองค์​หื้อ​อยู่​ใน​อำนาจ​ของ​คน แล้ว​หมู่​เขา​จะ​ฆ่า​พระองค์​หื้อ​ต๋าย แต่​เมื่อ​ต๋าย​ได้​สาม​วัน พระองค์​จะ​เป๋น​ขึ้น​จาก​ความ​ต๋าย”

ลูก๋า 24:26

จ๋ำ​เป๋น​ตี้​พระคริสต์​จะ​ต้อง​ทน​ตุ๊ก​ทรมาน​จาอั้น แล้ว​จึง​จะ​ได้ฮับ​เกียรติ​บ่ใจ้​กา”

ลูก๋า 24:46

พระองค์​บอก​หมู่​เขา​ว่า “มี​เขียน​ไว้​ว่า จ๋ำเป๋น​ตี้​พระคริสต์​จะ​ต้อง​ทน​ตุ๊ก​ทรมาน​จ๋น​ต๋าย แล้ว​ใน​วัน​ตี้​สาม​จะ​เป๋น​ขึ้น​จาก​ความ​ต๋าย

ลูก๋า 9:22

แล้ว​บอก​หมู่​เขา​ว่า “บุตรมนุษย์​จะ​ต้อง​ได้​ฮับ​ความ​ตุ๊ก​ทรมาน​หลาย​อย่าง หมู่​คน​เฒ่า​คน​แก่ หมู่​หัวหน้า​ปุโรหิต กับ​หมู่​ธรรมาจ๋ารย์​จะ​บ่ยอมฮับ​พระองค์ ใน​ตี้​สุด​พระองค์​จะ​ถูก​ฆ่า​ต๋าย แต่​หลัง​จาก​นั้น​แหม​สาม​วัน พระเจ้า​จะ​เยียะ​หื้อ​เป๋น​ขึ้น​จาก​ความ​ต๋าย”

ยอห์น 19:38

หลังจาก​นั้น​โยเซฟ​จาว​อาริมาเธีย​ตี้​เป๋น​สาวก​ลับๆ ของ​พระเยซู ย้อน​กั๋ว​หมู่​ผู้นำ​จาว​ยิว ก็​มา​ขอ​ปีลาต​เอา​ศพ​พระเยซู​ไป ปีลาต​ก็​ยอม​หื้อ โยเซฟ​ก็​มา​เอา​ศพ​พระองค์​ไป

กิจก๋าน 1:3

ใน​เวลา​สี่​สิบ​วัน​หลัง​ก๋าน​ทน​ตุ๊ก​ทรมาน​จ๋น​ต๋าย​แล้ว พระองค์​ป๋ากฏ​หื้อ​หมู่​เขา​หัน​แหม​หลาย​เตื้อ ตึง​เยียะ​สิ่ง​อัน​เป๋น​ก๋าน​พิสูจน์​หลาย​อย่าง ตี้​ยืนยัน​ว่า​พระองค์​เป๋น​ขึ้น​จาก​ความ​ต๋าย​แต๊ๆ ตึง​ได้​อู้​เถิง​เรื่อง​แผ่นดิน​ของ​พระเจ้า​ตวย

กิจก๋าน 17:31

ย้อน​พระองค์​ก๋ำหนด​วัน​นึ่ง​ไว้​แล้ว​เป๋น​วัน​ตี้​พระองค์​จะ​ตัดสิน​กู้​คน​ใน​โลก​นี้​อย่าง​ยุติธรรม โดย​ป้อจาย​คน​นึ่ง​ตี้​พระองค์​แต่งตั้ง​ไว้ พระองค์​ก็​พิสูจน์​เรื่อง​นี้​หื้อ​กู้​คน​ฮู้ โดย​หื้อ​คน​นั้น​เป๋น​ขึ้น​จาก​ความ​ต๋าย”

โรม 6:4

ย้อน​จาอั้น​โดย​ก๋าน​ฮับ​บัพติศมา​เข้า​ฮ่วม​ใน​ก๋าน​ต๋าย​ของ​พระองค์​นั้น ก็​เหมือน​ว่า​หมู่​เฮา​ถูก​ฝัง​ตวย​พระองค์ เมื่อ​พระเจ้า​ใจ๊​ฤทธิ์​อำนาจ​อัน​ยิ่งใหญ่​เยียะ​หื้อ​พระเยซู​คริสต์​เป๋น​ขึ้น​จาก​ความ​ต๋าย​แล้ว หมู่​เฮา​ก็​มี​วิถี​จีวิต​ใหม่​ตวย​เหมือน​กั๋น

โคโลสี 2:12

เมื่อ​ต้าน​ฮับ​บัพติศมา​ก็​เหมือน​ถูก​ฝัง​ไว้​กับ​พระคริสต์​แล้ว กับ​พระเจ้า​เยียะ​หื้อ​เป๋น​ขึ้น​จาก​ความ​ต๋าย​ฮ่วม​กับ​พระคริสต์ ย้อน​ต้าน​ได้​เจื้อ​ใน​อำนาจ​ของ​พระเจ้า​ผู้​ได้​เยียะ​หื้อ​พระองค์​เป๋น​ขึ้น​จาก​ความ​ต๋าย

ฮีบรู 13:20

ขอ​พระเจ้า​ผู้​หื้อ​สันติสุข ผู้​ตี้​เยียะ​หื้อ​ผู้​เลี้ยง​แกะ​ตี้​ยิ่งใหญ่ คือ​พระเยซู องค์​พระผู้เป๋นเจ้า​ของ​เฮา​เป๋น​ขึ้น​จาก​ความ​ต๋าย โดย​เลือด​แห่ง​พันธสัญญา​ตี้​เป๋น​นิรันดร์

1 เปโตร 1:11

พระวิญญาณ​ของ​พระคริสต์​ตี้​อยู่​ใน​ตั๋ว​หมู่​เขา​บอก​หมู่​เขา​ไว้​ล่วงหน้า​ว่า พระคริสต์​จะ​มี​ความ​ตุ๊ก​ทรมาน แล้ว​ปาย​หลัง​พระองค์​จะ​ได้​ฮับ​เกียรติ หมู่​เขา​อยาก​จะ​ฮู้​ว่า​เรื่อง​นี้​จะ​เกิด​ขึ้น​จาใด แล้ว​เวลา​นั้น​จะ​เกิด​ขึ้น​เมื่อ​ใด