1 โครินธ์ 1:20 - พระคริสตธรรมคัมภีร ภาคพันธสัญญาใหม

²⁰ ไหน​หมู่​คน​หลวก ไหน​หมู่​ธรรมาจ๋ารย์ ไหน​หมู่​นัก​ปราชญ์​สมัย​นี้ พระเจ้า​เยียะ​หื้อ​หัน​แล้ว​บ่ใจ้​กา ว่า​ปั๋ญญา​ของ​โลก​นี้​มัน​ง่าว

1 โครินธ์ 1:20 Iomraidhean Croise

มัทธิว 13:22

เม็ด​ตี้​ตก​ก๋าง​ป่า​หนาม​นั้น ก็​เหมือน​คน​ตี้​ได้​ฟัง​ถ้อยกำ​แล้ว แต่​ยัง​เป๋น​ห่วง​เรื่อง​ต่างๆ เกี่ยว​กับ​จีวิต​ใน​โลก​นี้ กับ​หลง​มัว​เมา​ข้าว​ของ​เงิน​คำ สิ่ง​หมู่​นี้​ก็​มา​งำ​ถ้อยกำ​ไว้ เยียะ​หื้อ​ถ้อยกำ​นั้น​บ่เกิด​ผล​ใน​จีวิต

ยอห์น 12:31

เถิง​เวลา​ตี้​จะ​ตัดสิน​ลงโต้ษ​โลก​แล้ว ผู้​ปกครอง​แห่ง​โลก​นี้​ก็​จะ​โดน​ไล่​ออก​ไป

กิจก๋าน 17:18

มี​นัก​ปราชญ์​ใน​หมู่​ของ​เอปิคูเรียน​กับ​หมู่​สโตอิก​บาง​คน​มา​เถียง​กับ​เปาโล บาง​คน​ก็​อู้​ว่า “คน​เก็บ​ขี้ซาก​ความ​ฮู้​ตี้​บ่มี​สาระ​จะ​เอา​อะหยัง​มา​อู้​หื้อ​เฮา​ฟัง” บาง​คน​ก็​อู้​ว่า “ฟัง​ผ่อ​เหมือน​ว่า​เขา​บอก​เถิง​เทพเจ้า​ต่าง​ประเทศ” หมู่​เขา​อู้​จาอี้​ก็​ย้อน​ว่า​เปาโล​ก่ำลัง​สอน​เรื่อง​พระเยซู​กับ​ก๋าน​เป๋น​ขึ้น​จาก​ความ​ต๋าย

โรม 1:20

ย้อน​ตั้งแต่​พระเจ้า​ได้​สร้าง​โลก​มา​แล้ว หมู่​เขา​ก็​ได้​ฮับฮู้​สภาพ​ของ​พระเจ้า​ตี้​ผ่อ​หัน​บ่ได้ คือ​ฤทธิ์​อำนาจ​ของ​พระองค์​ตี้​บ่มี​วัน​เสื่อม​กับ​ความ​เป๋น​พระเจ้า​อย่าง​แจ่มแจ้ง​จาก​สิ่ง​ตี้​พระองค์​สร้าง​มา​แล้ว ย้อนจาอั้น​มนุษย์​จึง​แก้​ตั๋ว​บ่ได้​เลย

โรม 1:22

เขา​อ้าง​ว่า​เป๋น​คน​มี​ปั๋ญญา แต่​แต๊ๆ แล้ว​เขา​เป๋น​คน​ง่าว

1 โครินธ์ 1:19

อย่าง​ตี้​มี​เขียน​ไว้​ใน​พระคัมภีร์​ว่า “เฮา​จะ​ทำลาย​ปั๋ญญา​ของ​คน​หลวก เฮา​จะ​เยียะ​หื้อ​ความ​เข้าใจ๋​ของ​ผู้​มี​ความ​ฮู้​นัก​เสีย​ไป”

1 โครินธ์ 1:26

ผ่อ​เต๊อะ​ปี้น้อง​ตังหลาย เมื่อ​พระเจ้า​ฮ้อง​หมู่​ต้าน​มา​นั้น หมู่​ต้าน​เป๋น​คน​จาใด​กั๋น มี​บ่กี่​คน​ตี้​เป๋น​คน​หลวก​ต๋าม​ปั๋ญญา​ของ​โลก มี​บ่กี่​คน​ตี้​เป๋น​ผู้​มี​อำนาจ กับ​มี​บ่กี่​คน​ตี้​มา​จาก​ผะกุ๋น​ตี้​สูง

1 โครินธ์ 1:27

แต่​พระเจ้า​ได้​เลือก​หมู่​ตี้​โลก​หัน​ว่า​ง่าว เปื้อ​เยียะ​หื้อ​หมู่​ตี้​หลวก​ขาย​ขี้หน้า กับ​เลือก​หมู่​ตี้​โลก​ถือ​ว่า​ขี้เปี้ย​เปื้อ​เยียะ​หื้อ​หมู่​ตี้​มี​ก๋ำลัง​ได้​อาย

1 โครินธ์ 1:28

พระเจ้า​ได้​เลือก​หมู่​ตี้​โลก​ถือ​ว่า​ต่ำต้อย กับ​หมู่​คน​ตี้​โดน​ดูถูก​ดู​แควน​กับ​หัน​ว่า​บ่สำคัญ เปื้อ​เยียะ​หื้อ​สิ่ง​ตี้​โลก​ถือ​ว่า​สำคัญ เป๋น​สิ่ง​บ่สำคัญ

1 โครินธ์ 11:32

ต๋อน​ตี้​เฮา​โดน​ลงโต้ษ​นั้น พระองค์​ก่ำลัง​ตี๋​สอน​เฮา เปื้อ​บ่หื้อ​เฮา​ถูก​ตัดสิน​ลงโต้ษ​บาป​ฮ่วม​กับ​คน​ใน​โลก​นี้

1 โครินธ์ 2:6

จาใด​ก็​ดี​หมู่​เฮา​อู้​เถิง​ปั๋ญญา​ใน​หมู่​คน​ตี้​เติบใหญ่​ใน​ความ​เจื้อ​แล้ว เซิ่ง​บ่ใจ้​ปั๋ญญา​ตี้​มา​จาก​โลก​นี้​กาว่า​มา​จาก​ผู้​ปกครอง​โลก​นี้​ตี้​ก่ำลัง​จะ​เสี้ยง​อำนาจ​ไป

1 โครินธ์ 2:8

บ่มี​ผู้​ปกครอง​คน​ใด​ใน​โลก​นี้​ฮู้จัก​ปั๋ญญา​นี้ ย้อน​ถ้า​ฮู้จัก​ก็​คง​บ่มี​ใผ​เอา​องค์​พระผู้เป๋นเจ้า​ผู้​ยิ่งใหญ่​ไป​เขิง​บน​ไม้​ก๋าง​เขน

1 โครินธ์ 3:18

บ่ดี​จุ​ตั๋ว​เก่า​เน่อ ถ้า​ใผ​คน​ใด​ใน​หมู่​ต้าน​กึ๊ด​ว่า​ตั๋ว​เป๋น​คน​หลวก​ต๋าม​ตาง​ของ​โลก​นี้ ก็​หื้อ​คน​นั้น​ถือ​ว่า​ตั๋ว​เป๋น​คน​ง่าว​เหีย เปื้อ​จะ​ได้​เป๋น​คน​หลวก​แต๊ๆ

1 โครินธ์ 3:19

ย้อน​ว่า​สิ่ง​ตี้​คน​ถือ​ว่า​หลวก​นั้น พระเจ้า​หัน​ว่า​เป๋น​ความ​ง่าว อย่าง​ตี้​พระคัมภีร์​มี​เขียน​ไว้​ว่า “พระเจ้า​ใจ๊​ปั๋ญญา​ของ​คน​หลวก​เป๋น​กับดัก​มัด​ตั๋ว​เขา​เอง”

1 โครินธ์ 6:2

หมู่​ต้าน​บ่ฮู้​กา ว่า​คน​ของ​พระเจ้า​จะ​เป๋น​ผู้​ตัดสิน​คน​ใน​โลก จาอั้น ถ้า​หมู่​ต้าน​จะ​เป๋น​ผู้​ตัดสิน​คน​ใน​โลก​นี้ แล้ว​เป๋น​จาใด​เถิง​ตัดสิน​เรื่อง​หน้อยๆ จาอี้​บ่ได้

ยากอบ 4:4

หมู่​คน​บ่ซื่อสัตย์ ต้าน​ตังหลาย​บ่ฮู้​กา ว่า​ก๋าน​เป๋น​เปื้อน​กับ​โลก​นี้​ก็​เต้า​กับ​เป๋น​ศัตรู๋​ของ​พระเจ้า จาอั้น​ใผ​ตี้​ใค่​อยาก​เป๋น​เปื้อน​กับ​โลก ก็​ตั้ง​ตั๋ว​เป๋น​ศัตรู๋​ของ​พระเจ้า