San Mateo 9:2 - Wounaan Meu

² Mag i barbaichem khaug athaawai woun ãb sĩi khapá jʉser khitʉmta pa bʉʉrkham gaai i aig aibeejierram aajem. Mag ich aig aaunaan wai barbaichem oowia, chi wounaan o akhaar ãba iruata amach aaunaan monaaupʉiju khaphʉ sĩerr aawai, chi khapá jʉser khitʉmʉgta, —Onee abá, pʉ pekau ya thum chugpaa sĩsimgui ajim anʉm.

Woun Meu

² Mag hi barbaichëm k'aug hat'aawai woun hãb sĩi k'apá jʌser k'itʌmta pa bʌʌrk'am gaai hi haig haibëejierram haajem. Mag hich haig haaunaan wai barbaichëm hoowia, chi wounaan hö hak'aar hãba hiruata hamach haaunaan monaaupʌ̈iju k'ap'ʌ sĩerr haawai, chi k'apá jʌser k'itʌmʌgta, —Honee habá, pʌ pekau ya t'um chugpaa sĩsimgui hajim hanʌm.

San Mateo 9:2 Iomraidhean Croise

San Mateo 14:27

Pari magbaawai ich Jesuu, —Keena, oob jãphierrmiet; mʉ khabahab ajim marag.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Mateo 6:12

Ẽwandam, maar pekau thum chugpaabapʉi, maimua ar marau maach dʉi khaigba abarm khʉʉn dʉi tag magʉm iek igba ich mag khĩir okhoopäaijemjo, maar denjã khĩir okhoobapʉi.

San Mateo 8:10

Chi capitanau ich jʉ̃g daar mag iekhabaawai jʉ̃gderraa aademua ich ẽudee wetmarr khʉʉnagta, —Keena, pãade oobat: Mʉg maach israelnaan ee mʉg woun denjo ʉkha nʉm chan mua agtha ooba chitʉmgui ajim anʉm ich Jesuu.

San Mateo 8:16

Maimua ya edau kheubaadem ee, õor dosãt beneu sĩsidʉm khʉʉn khapaana Jesús aig waibeemajierram anʉm. Mag ich aig waibee nʉm khʉʉnan, sĩi par iekhaupai obeerpi jaaubaawai, mag am mor eem ben khaigbamjã obeerpʉinaa sĩi khajapham khamor machgau sĩsidʉmjã monaaupʉi maajeejim aajem.

San Mateo 9:22

Pari mag ich gaai pʉrbaichemjã khaphʉ sĩerr aawai ich chi Jesuu irig ewag phʉʉrba oonaa, —Oob chigaa am; mua pʉch monaauju khaphʉ mʉ gaai pʉrchetarr gaaimua, ʉu pʉ monaauwi peerdʉjã peerdʉ ʉisibahab ajim chi ʉʉirag. Mag, chadcha Jesuu magbarm bʉrre mag ʉʉi monaau sĩsijim.

San Mateo 9:5

¿Wa mag pekau chugpaabarmjã dau daau ooba naawai pãrau khĩirjuawai chadcha phithurg chukhu thumaam khʉʉnau mag iekhaju aai nʉm a nʉwa? Chadcha thumaam khʉʉnau mag iekhaju aaima. Mamʉ mua irig “Phiidʉwi dʉrdʉr abá” akhiin, õrau amach daúacha ooju, i monaau sĩsi wa monaauba khãijã ich mag sĩsim. Magua pãrau cha mua jawaagpamjo chan abaju.

San Mateo 9:6

Mamʉ mʉch chi Emkhooi Iewaata chadcha Ẽwandamau juapá deetarrau mʉig eegar õor pekau chugpaagjã jua theeg chirʉm khap amkhĩir, pãrag oopikhimgui ajim anʉm. Magnaa chi khapá jʉser khitʉmʉgta, —Phiidʉbaad, maimua pʉch put juurwia pʉch diig petá ajim anʉm.

San Marcos 1:32

Maimua ya edau kheubaadem ee, õrau amach aaunaan khamor machag khĩirpierr wai narr khʉʉn dʉi dosãt beneu sĩsidʉmpa Jesús aig waibeemajim aajem.

San Marcos 10:49

Jesuu mag ähäakham ũr athaawai dʉnʉisiwia chi dau khĩsu khitarr awaan mapijim aajem. Magbaawai chadcha i awaan wetwi chi wettarr khʉʉnau irig, —¡Khĩirdam ubʉ phiidʉbaad! Jesuu pʉ thʉ̃r sĩebahab. I aar marrau ajierram anʉm.

San Marcos 5:34

Mag ichig meerba jaaubaawai Jesuu irig, —Mua pʉch monaauju khaphʉ mʉ gaai pʉrchetarr gaaimua, ʉu pʉ monaauwi peerdʉjã peerdʉ ʉisimgui ajim anʉm. Ya pʉ monakha ʉisiewai pʉch diig maju aai ʉmgui ajim anʉm irig.

San Marcos 6:50

Ma chan mag ãbpaimuajã ooba, amach thumaam khʉʉnauta oo narr aawai, amach thumta jãphierr naajim aajem. Pari mag sereubaadem bʉrre ich Jesús garmua amag, —Keena, oob jãphierrmiet; mʉ khabahab ajim anʉm.

San Juan 16:33

Oob khĩirjumiet, mua ag nawe thum pãrag mag jaau chirʉmʉn, pãach warag mʉ denkha wenʉrrʉm gaaimua onee amkhĩraugui ajim. Mʉig eegar nʉweran pãar chadcha dau aphʉʉ wenʉrraju; pari khĩirdam onee abat ajim; mua mʉch garmuata mʉg durr gayam jua theeg thum podpʉiwia pãar eeg oo wai chitajugui ajim.

San Juan 2:25

Pari mag khaug aumamjã õrau ichig jaaubamta sĩi ichdeupaita õor thumaam khʉʉn thãar khaug aumaajeejim.

San Juan 21:5

Mag nʉm ee, maar dohi dakha narr aawai, ich garmuata marag, —Keena, ¿ãwarr thõojierrá? ajim. Magbaawai marau, —Bʉ̃ʉrjã thõoba nʉm perá anaajim jũrr irig.

Hechos 14:9

Ich mag wounau Pablo ijẽjẽbkhamʉg bʉ̃ʉrjã dau thõba ũr oo sĩejim aajem. Pabloou mag khitʉmʉg oowai, ich odegpain “Magʉm Ẽwandamaun chadcha mʉ monaaupʉiju aai sim” a simjoo oobaawai, irig eerpanaa khĩesir,

Hechos 19:12

Mag õor monawaag nem jua theeg sĩewai sĩi i khĩir jãarjem wa irua khajũa jũajem khãijã chi aaunaan aar arrwia, ag ʉ̃r ausĩubarmuapai kha machag chugpaanaa ĩchab mor ee ben khaigbam wai sĩsidʉmjã chadcha obeerpʉi maajeejim aajem.

Hechos 23:11

Mag mam i arrtarr ed edaar maach Por Jesuucha Pablo aig beewia irig, —Pablo, oob jãphierr chiram ajim anʉm. Jãphierrju khãai warag thãar phĩi abá. Pʉchdeu Jerusalén phobor ee õrag mʉ iek jaautarrjo, ich jãg Roma pawiajã pua mʉ iek jaau chitajugui ajim aajem ichigcha.

Romanos 5:11

Pari mag ich aar aujupaijã khabam. Maach Por Jesucristoou Ẽwandam dʉi mag maach khõinaa apitarr paarjã irig ʉu ajim anaa ich Ẽwandamta tho iekhaajem, onee naawai.

Santiago 2:18

Wa ãbmua khãijã, “Mua chan chadcha warm khʉʉn denjo nem ajapham wauba chitab mamʉ, mʉch thãar eepain chadcha ʉkha chitʉm” khãijã aju. Mamʉ mag khabam. Jãga mua khap abarju, chadcha irua mag ʉkha sim, Ẽwandam iek gaai jaau simjo ich khapeenjã dau aug khaugba simta. Ajapcharan Ẽwandamau jaau simjo mʉch khapeen dʉijã ajapha chirʉm gaaimuata mag ʉkha chirʉm aju aai chirʉm.