San Mateo 8:4 - Wounaan Meu

⁴ Magbaadeewai chi Jesuu irig, —Pʉch mʉgbarm oob chikhamnag jawamgui ajim anʉm. Magju khãai nacha Jerusalén mawia Aai i jeeujem degam phadeg pʉch mor oopibaimá. Maimuan chad pʉch chadcha monaau sĩsim thumaam khʉʉnag khap amkhĩir, Moiseeu iek phã pʉarr gaai jaau simjo nemchaain ofrendakha deebá ajim anʉm.

Woun Meu

⁴ Magbaadeewai chi Jesuu hirig, —Pʌch mʌgbarm hoob chik'amnag jawamgui hajim hanʌm. Magju k'ãai nacha Jerusalén mawia Haai hi jëeujem degam p'adëg pʌch mor hoopibaimá. Maimuan chad pʌch chadcha monaau sĩsim t'umaam k'ʌʌnag k'ap hamk'ĩir, Moiseeu hiek p'ã pʌarr gaai jaau simjö nemchaain ofrendak'a deebá hajim hanʌm.

San Mateo 8:4 Iomraidhean Croise

San Mateo 10:18

Mʉ gaaimua pãar khaibag waumkhĩir, õrau pãar gobernadornaan aarjã arrnaa reinaan aarjã aharr aju. Pari mag chi thethemnaan aar pãach arrwai, ʉu pãrau amag ũrmkhĩir mʉ jaaunaa sĩi judionaan khabam khʉʉnagjã mʉ jaaujurau.

San Mateo 16:20

Mamʉ Jesuu mag ich chadcha ich Ẽwandamau jʉr auwia pʉitarrkha simjã bʉ̃ʉrjã õrag jaaupiba jaaujim marag.

San Mateo 17:9

Maimua deeu jerag beejierram aajem. Mag ʉʉrbagkha wedurumua chi Jesuu amag, —Mʉg pãachdeu ootarr oob deeum khʉʉnag jaaumiet. Ya mʉch chi Emkhooi Iewaa meewia deeu phiidʉbaawain chadau jaaubat ajim aajem.

San Mateo 3:15

Magbaawai Jesuu, —Ideu magma ajim anʉm. Ichiita maadeu Ẽwandamau jaau simjo i ipierr thumaa nem wauju aai naabahab ajim anʉm. Magbaawai Juanau, —Magan chadau ajim aajem.

San Mateo 5:17

’Oob pãrau mua mag Moiseeu ley phã pʉatarr warre isegpäain wa sĩi warrgar Ẽwandam i jaaujerr khʉʉnau nem jaaujerr khãijã isegpäainta beejim amiet ajim anʉm Jesuu. Magju khãai muan warag chadcha ag gaai jaau sim thumaa wawaanta beejim.

San Mateo 6:1

’Sĩi pãach o wajaug phemkhĩirpai chan oob chikham dakhĩir nem waumiet ajim anʉm. Bigaaum khʉʉnag magamkhĩirpaita pãrau mag nem wau nʉm paar chan, maach Aai ʉ̃gthar simua pãar wajapha ig iyʉʉ abaju, ya mʉig eegarwe õrau pãar wajapha ig iyʉʉ nʉmua ya amau pãrag phag nʉmjota naawai.

San Mateo 9:30

Mag chadcha irua magbarm bʉrre amach numwe sĩi daujã wajappha aphobaadejim. Maimua Jesuu amag bʉ̃ʉrjã bithurgam khʉʉnag jaaupibajim mag amach dau monaaubarm.

San Marcos 13:9

’Pãach mordam wir aig ʉʉrkhabathʉ̃. Thethem khʉʉnag pãar pʉr deewi judionaan Ẽwandam iek jaaujem degjã pãar gaai amau mas deemaju. Mʉ gaaimua pãar khaibag waumkhĩir amau pãar gobernadornaan aarjã warrwi reinaan aarjã warrmaju. Mamʉ magʉm khʉʉn aar pãar warrwaita warag pãrau mʉ iek jaauwímʉcha amag jaaujugui ajim anʉm.

San Marcos 3:12

Mamʉ Jesuu chi mepeenag meeurrau sĩiujeejim anaabá, thumaam khʉʉn jʉ̃gdaar mag ich jaau wenʉrram ugua.

San Marcos 5:43

Mag phiriu auwi chi chaairag thachdam deepi jaaujim anʉm, khomkhĩir. Mamʉ mag daupeerdam ichdeu phiriu autarr chan bʉ̃ʉrjã aig narr khʉʉnag jaaupibajim aajem.

San Marcos 6:11

Degolp khãijã õrau amach deg pãach dubpiba abaawai, wa pãachdeu amachig Ẽwandam iek jaau nʉm khãijã ũrba abaawai, warre amach dakhĩirwe pãach bʉ gayam jẽb ʉʉrphe ʉʉrphenaa pãachta ereubaadet ajim anʉm. Pãrau magmʉn magbarmuapai amag, “Pãach jãg Ẽwandam iek ũrba abarm gaaimua ich dʉita khĩir khaphʉ abat” anʉmʉugui ajim anʉm.

San Marcos 7:36

Magbaawai õor aig narr khʉʉnag, —Mʉg mua jãg woun monaaubarm oob chikhamnag jaaumiet ajim anʉm ich Jesuu. Mamʉ mag amachig jaaupiba arr ãba, warag amachdeu jaaum aig jaaujeejim anaabá.

San Marcos 8:30

Mamʉ Pedroou ichig magbaawai, —Chadcha pua ag eyaa jaaubapʉim, mamʉ oob bʉ̃ʉrjã chikhamnag jawam ajim anʉm. Warm khʉʉnagjã jaaupibajim aajem.

San Marcos 9:9

Mag durrsĩe naawia jerag wedurumua Jesuu mag ich khapeen thãrjup ich dʉi arrtarr khʉʉnag amachdeu ootarrjã deeum khʉʉnag jaaupiba, sĩi amach thãar eepaita khaphʉ apijim aajem, ich chi Emkhooi Iewaa meewia deeu iiu phiidʉ nʉm ora.

San Lucas 17:14

Ichig dau aphʉʉ mag durrum oobaawai amag, —Jerusalenag ereuwia Aai i jeeujem deg phadnaanag pãach kha theerhʉ̃chpibat ajim anʉm. Amachig magbaa chadcha i ipierr ereubaadejim aajem. Mag wetumua agtha barba nʉm ee, amach mor oowai kha ajapha magʉm ben chukhu narrjo naajim anaabá.

San Lucas 21:13

Mamʉ magʉm aar mag pãar arrwaita ante pãrau amag mʉ iek jaauwímʉcha jaaujugui ajim anʉm.

San Lucas 4:41

Mag pʉr oomamua õor mor ee ben paraa arrpa jẽu werpmajim anaabá. Chi mepeenaujã Ẽwandamau i pʉitarr khaphʉ narr aawai, “Pʉʉn Ẽwandam Iewaau” a ähäag oberdʉtkha maajeejim anʉm. Mamʉ Jesuu tag amag iekhapiba meeurrau sĩumajim aajem, õrag ich jaaum ugua.

San Lucas 5:14

Mag ya monaau sĩsiewai, Jesuu irig magjim anʉm: —Pʉch mʉgbarm oob chikhamnag jawam. Magju khãyau nacha Jerusalén mawia Aai i jeeujem degam phadeg pʉch mor oopibaimá. Maimua Moiseeu iek phãtarr gaai jaau simjo pʉch monaaubarm paar nemchaain ofrendakha deebá ajim anʉm, pʉch mʉg monaau sĩsim õrag khap amkhĩir.

San Lucas 8:56

Mag phiidʉbaadem oobaawai chi dennaan khĩir eu awia warre dauderraa nʉisijim anʉm. Maimua ichdeu magwia aig narr khʉʉnag, —Ĩs pãachdeu mʉg oobarm oob chikhamnag jaaumiet ajim anʉm.

San Lucas 9:21

Pedroou ichig magbaawai, —Chadcha pua ag eyaa jaaubapʉimke ajim anʉm, mamʉ oob bʉ̃ʉrjã chikhamnag jaaum ajim anʉm. Warm khʉʉnagjã jaaupibajim aajem.

San Juan 5:41

’Mua chan mag pãrag sĩi mʉchig ee amkhĩirta nem wauba chirʉmgui ajim.

San Juan 7:18

Sĩi ar amach khĩirjug eemuapai iekha nʉm khʉʉnan sĩi õrag amach tho iekhamkhĩirta iekhaajerramgui ajim. Pari magba ar sĩi dich chogpʉitarrta wajapha ig iyʉʉ amkhĩir nem jaau nʉm khʉʉnan, chadcha ichdeu jaaupitarr iekta ich agpierrpai jaaujemgui ajim.

San Juan 8:50

Mʉ Ayaun chadcha õraujã mʉrʉgta ee apim khõsi sĩeb mamʉ, mʉchdeu chan mʉrʉgta ee abat aba chitʉmgui ajim. Pari jãg pãrau mʉ iseg nʉm paran ichdeuta pãar dʉi ichdeu khap ajugui ajim.