San Mateo 8:3 - Wounaan Meu

³ Magbaa Jesuu i gaai pʉrnaa, —Mua pʉ monaaupʉim khõsi chirʉm; monaau chirsí magan ajim anʉm irig. Magbarm bʉrre chi phĩe kha dodos chirarr monaau sĩsiewai mor wajappha aadejim anaabá.

Woun Meu

³ Magbaa Jesuu hi gaai pʌrnaa, —Mua pʌ monaaupʌ̈im k'õsi chirʌm; monaau chirsí magan hajim hanʌm hirig. Magbarm bʌ̈rre chi p'ĩe k'a dodos chirarr monaau sĩsiewai mor wajapp'a haadëjim hanaabá.

San Mateo 8:3 Iomraidhean Croise

San Mateo 12:13

Magnaa ich Jesuupai chi woun mag jua jʉser khitarragta, —Dayag jua ʉabá ajim. Magbaa chadcha jua ʉabaa jua monakkha warm chi wajapha sĩerr dʉi ãba sĩsijim.

San Marcos 1:41

Magbaa Jesuu i dau aug khaugwi i gaai pʉrnaa irig, —Mua pʉ monaaupʉim khõsi chirʉm. Monaau chirsí magan ajim anʉm irig.

San Marcos 4:39

Magbaa Jesús phiidʉwia mag phũ theeg thʉnʉmʉg meeurrau sĩunaa ĩchab phũas meeukha thʉnʉmʉgjã “Thumbabaad” abaawai, warre dojã meuu sĩsijim anaabá.

San Marcos 5:41

Mag chi binaandam aar dubwi, i juadam gaai pʉr aunaa irig, —Talita, kum ajim anʉm. (Mag sim aiguin maach meúan, “Ʉʉikhaardam, phiidʉbaad” a simʉu.)

San Marcos 7:34

Maimua ʉ̃gthaag eerpanaa, jãpho duraa ʉ̃inaa chi wounag, “¡Efata!” ajim anʉm. Mag sim aiguin maach meúan “¡Kach aardʉbaad!” a sim ajim anaabá.

San Marcos 9:25

Mag nʉm ee Jesuu oowai ich aig õor pom biirdʉdʉkham oobaawai chi chaai mor ee mepeer simʉgta meeurrau aadewi, —Mepeer, pʉchdeuta mʉg chaai jãg kach khĩsunaa meu meraa wai simgui ajim anʉm. Magnaa, Mʉ iekhau jopai chaai mor eemua oberbaad, maimua tag i mor ee dubaag khabamgui ajim anʉm.

San Lucas 4:27

Ĩchab khĩir eyaa abat: Israel durr Ẽwandam iek jaaumie Eliseo khararr monakha aawai ĩchab õor kokobé beneu bar sĩsidʉm khapaana thʉnaajim. Mamʉ mag thʉnarr khʉʉn iwiir ãbjã Ẽwandamau irig monaaupi jaauba, ãba Siria durr woun Naamán aajerr appaita monaaupijim. ¿Jãgwi? Ẽwandamau oowai amach israelnaan eepai pʉimuan, amach eempai aawai bʉ̃ʉrjã amach khamor machag monaauju khĩirjubaju ich Ẽwandamau khaphʉ sĩerr aawaima ajim anʉm ich Jesuu.

San Lucas 5:13

Magbaawai Jesuu i gaai pʉrnaa, —Mua pʉ monaaum khõsi chirʉm; monaau chirsí magan ajim anʉm. Magbarm bʉrre chi phĩe kha dodos chirarr monaau sĩsiewai mor ajappha sĩsijim anaabá.

San Lucas 7:14

Magnaa warag aig beewia chi binaan arrum pa gaai pʉrbaicheewai chi arrmaa arr khʉʉn dʉnʉisijierram aajem. Magbaawai chi binaan ẽwan sĩerrag, —Mʉ iekhau phiidʉbaad ajim anʉm.

San Juan 11:43

Mag iekhawia deeu ichdeupai jũrr mag chi meem jẽb deg sĩerragta i thʉ̃rcha thʉ̃rthʉ̃rnaa thet, —Lázaro, dawag oberbaiche ajim.

San Juan 15:24

Õrau ag na wauba aajem nempa mua am dakhĩir waujimgui ajim, magʉm gaaimua khãijã ʉkhamkhĩir. Mua mag wauba arr akhiin, amachdeu mʉ isegtarr gaaimua chadcha am Ẽwandam dʉi iekkhõr chukhu naakham. Pari ya amach daúacha mag ootarrjã ʉkhabanaa warag mʉ oomap nʉm aig, ich chi mʉ pʉitarrpata oomapha nʉmgui ajim.

San Juan 5:21

Ich jãg chi Ayaujã õor mee nʉm khʉʉnjã phiriutkha auwia ich mag ich dʉi wai sĩejemjo, mʉch chi Chaairaujã mʉchdeu magam khõsim khʉʉn dʉin ich agjo ajugui ajim.