San Mateo 8:2 - Wounaan Meu

² Mag i mamta i khĩirphee woun ãb kokobé beneu bar sim oberchewia i khĩirphee jĩepor phõbkhanaa irig, —Señor, pua khõs chirʉm khai, mʉg phĩedau warre mʉ gaaimua chugpaabapʉi aichejim anaabá.

Woun Meu

² Mag hi mamta hi k'ĩirp'ee woun hãb kokobé bënëu bar sim höbërchëwia hi k'ĩirp'ee jĩepör p'õbk'anaa hirig, —Señor, pua k'õs chirʌm k'ai, mʌg p'ĩedau warre mʌ gaaimua chugpaabapʌ̈i haichëjim hanaabá.

San Mateo 8:2 Iomraidhean Croise

San Mateo 10:8

Magnaa aaunaanjã monaaunaa, kokobé beneu sĩsidʉmjã monaaunaa, õor chi meemjã deeu phiriu aunaa, õor mor eem benjã jẽu werppetat. Pãrag magamkhĩir mua mʉch juapá sĩi parta dee chirʉm aawai pãachdeu õor dʉi mag nʉm paarjã oob jeeumiet ajim marag.

San Mateo 13:58

Mag, warag maig chan Jesuu õor mor masim khʉʉn pom monaaubajim, amachdeu i iek ʉkhamapha narr aawai.

San Mateo 14:33

Mag chi Jesús jap ee pabaadee i khĩirphee kanieu phõbkhanaa, —Chadcha pʉʉta Ẽwandam Iewaau anaajim, marau irig.

San Mateo 15:25

Pari mag nʉm ee, warag i aigcha beenaa kanieu phõbkhanaata, —Señor, mʉ ap ʉrrʉm mʉ chaai monaaubapʉi ajim.

San Mateo 18:26

Magbaawai chi chogau chi rey bʉkhʉrr phõbkhanaa chaigpa jochkherʉmua, “Señor, ideu oo athá. Mua okhar phagmamua pʉ debpaar thum obeerpʉibajupa” aajeejim anaabá.

San Mateo 2:11

Mag barwia, chi chaai kherarr aar dubnaa ooimaawai, chadcha chi chaaidam ich María dʉi ooimajierram anaabá. Magbaawai ag khĩirphee jĩepor phõbkhanaa i ajaug tho iekhajierram aajem, ich reikhaju igwi. Magnaa amach nem wai beetarr eem phĩr maimua incienso mirra dʉi thũpha khitheem aunaa irig deejierram aajem.

San Mateo 20:20

Maimua i iekha obaadem ee, jooi Zebedeo ũan ich chaain dʉi beewi nem inag jewaagpamjo Jesús khĩirphee phõbkha thʉnaaichejim.

San Mateo 26:6

Mag nʉm ee Jesús woundam Simón anʉm di aig sĩejim, Betania phobor ee. Ich mag Simón anʉmpai ibʉʉr wauwi “phĩe paraa khitarr” a thʉ̃ʉrjeejim.

San Mateo 28:17

Maimua mam pawia ya ich Jesús warp urum maachdeu oophobaadeewai Ẽwandam chi Ayagamjo irig jeeu naajim; mamʉ mag irig jeeu nʉm ee, maar khapeen ãaur khʉʉnau ar khabampii naajim.

San Mateo 28:9

Mag am eerpamjo wetumta ich Jesús am khĩirphee oberchewi amag saludaachejim anaabá. Mag amachig iekhabaichee i khaug athaawai i bʉkhʉrr phõbkhanaa i bʉʉta ud athajierram aajem, irig jeeumamua.

San Mateo 4:9

—Pua mʉ bʉkhʉrr phõbkhanaa mʉrʉgta Ẽwandamagamjo jeeumʉn, ar pʉchdeu nem oo sim thumaa mua pʉrʉgta deejugui ajim anaabá, chi dosãt garmua.

San Mateo 8:1

Mag durrsĩ gaai Jesuu õrag jaau sĩi awia ʉʉrbaau, õor pooma i ẽudee wetjim anʉm.

San Mateo 8:25

Magbaawai i khapeen ãaur khʉʉnau i phiriupʉyaan wetwia irig, —Señor, phiidʉbaad. Ya maach khoogpabahaba. Maar khaigper athá ajierram anʉm.

San Mateo 9:18

Mag Jesús agtha Juan por choomieu õor pʉitarr dʉi iyʉʉ dʉnʉm ee, maach meeun eem judío ãb chi porkha sim beewi sĩi i khĩirphee kanieu phõbkhabaichejim. Mag phõbkhachewi irig chaigpamamua, —Chaigpai mʉ khadam chugpajimgui ajim. Pari pua mʉ di aar manaa i gaai pʉrimakhiin, mua khaphʉ chirʉmgui ajim, pua deeu i iiu auju.

San Lucas 4:27

Ĩchab khĩir eyaa abat: Israel durr Ẽwandam iek jaaumie Eliseo khararr monakha aawai ĩchab õor kokobé beneu bar sĩsidʉm khapaana thʉnaajim. Mamʉ mag thʉnarr khʉʉn iwiir ãbjã Ẽwandamau irig monaaupi jaauba, ãba Siria durr woun Naamán aajerr appaita monaaupijim. ¿Jãgwi? Ẽwandamau oowai amach israelnaan eepai pʉimuan, amach eempai aawai bʉ̃ʉrjã amach khamor machag monaauju khĩirjubaju ich Ẽwandamau khaphʉ sĩerr aawaima ajim anʉm ich Jesuu.

San Juan 9:38

Jesuu ichig magbaawai, i khĩirphee thʉkhoonaa irig, —Señor, ĩsin mua chadcha khaphʉ chirʉmgui ajim, pʉʉta ich Ẽwandamau pʉitarrau.

Hechos 10:14

Magbaawai Pedroou irig, —Señor, mua chan mʉg chitʉm aig mʉch erraawe bʉ̃ʉrjã nem parhooba khoba chitʉmgui ajim anʉm. Magʉm jãg maach inaam chará mua khobamgui ajim anʉm, pʉ dau na ãrmaaugau warrgarwe maach jooinau khopiba jaaujerr aawai.

Hechos 10:25

Mag Pedro barbaimaawai Cornelioou i khĩirphee dawag oberwi i bʉkhʉrr jĩeporou phõbkhabaimajim aajem, Ẽwandamagamjo jewaag.

1 Corintios 14:25

Mag amachdeu i oojã ooba aajemta wajapha i oojem khʉʉn denjo ichigcha jaaumam ũrbaawai kanieu thʉkhoonaa, “Chadcha Ẽwandam am dʉi sĩewaita mʉg thʉnʉm” awia, dʉi amach paarmua Ẽwandamag jeeuju.

Apocalipsis 19:10

Mʉchig magbaawai, mua i bʉkhʉrr phõbkhaimajim irigta Ẽwandamagamjo jewaag. Mamʉ mag mua ich bʉkhʉrr phõbkhabaimaawai mʉrʉg, —Ʉ̃hʉ̃, oob jãgam mʉ dʉi. Ẽwandamagta jeeubá ajim. Mʉjã sĩi pʉ dʉi ãba Ẽwandam chog khabahab ajim, pʉ khodnaan ar Jesús iek amachdeu ʉkhatarrta ogdʉba amachdeu ootarrjo jaau durrum khʉʉnjo. Ẽwandamagta jeeubá ajim mʉrʉg.