San Mateo 7:3 - Wounaan Meu3 Mag simta ¿jãgwi pua sĩi pʉch khapeer dau ee pasurdam wai simta eerpa nʉʉ aajẽma, pʉch dau eejã agjo pasur pomkham wai sim khaugba? Maachin nacha dich khĩirjunaata iekha nʉmgui ajim anʉm. Faic an caibideilWoun Meu3 Mag simta ¿jãgwi pua sĩi pʌch k'apeer dau hee pasurdam wai simta heerpa nʌʌ haajẽma, pʌch dau heejã hagjö pasur pömk'am wai sim k'augba? Maachin nacha dich k'ĩirjunaata hiek'a nʌmgui hajim hanʌm. Faic an caibideil |
Chi ajapcha Moiseeu phã pʉatarr iek ʉʉrkhaajemua bʉjãaupai oo dʉnʉmua, Ẽwandamag jeeu nʉm anʉmta, ichpai tho iekhamamua magmajim aajem: “Ẽwandam, pʉrʉg ʉu ajim a chirʉm, ʉuta jãg mʉ chikhamnaanjo khaba chitʉm. Mʉ amjo nem jĩignemjã khaba, pekau pomjã khaba, ni deeum ʉʉinjã wauba chitʉmgui” ajim anʉm. “Mʉ chan gobiernoog õrau debpaar paraa nʉm khʉʉnag jeeujem ar achum simjojã khaba chitʉm” a iekhamajim anʉm, ichdeupai ich ajaug thowia.
Pari ãbmua khãijã, í chan magba chirʉm aju. Mamʉ pua chadcha mag khĩirju chirʉm khai, õor wajapham awiajã, mʉ iek ũrbá pʉrʉg jaaukhim: Pua chikhamnaan jaauwai pʉchpaita dʉi wir aig jaau sĩebahab, amau nem wau nʉmta pʉchdeujã dʉi waaujeewai. Magua pua pod, “Mʉ chan Ẽwandam dau na khaibag chukhu chirʉm” aju khaba sim.
Hermanonaan, pãachdeu oowai ãb khãijã Cristo gaaimua maach khodkha kherʉm pekau ee buudimam oobaawai, ar chi Ẽwandam Akharau pãachig nem jajaaukhampierr aajem khʉʉnau i khaigperbat. Mag deeu i khaibag eemua obeer auju ẽkha nʉm aigjã ithũu wawimamuata i wawipetat, deeu ajaug ee sĩsimkhĩir. Mamʉ mag pekau ee burr nʉm khʉʉn wawiewaijã khĩir khaphʉ abat, eeu pãachpata dʉi agjo adukham.