San Mateo 7:2 - Wounaan Meu

² Pãrauta chikham jaaum khõchgau “Jãan magta sĩerrʉm” amʉn, pãachdeu chikham jaau nʉmjo aju Ẽwandamaujã pãar dʉi. Pãachdeu chikham jaau nʉmjo ich ag jaautarr iekhau Ẽwandamaujã pãach khĩir pãar jaau thʉnʉʉujugui ajim anaabá.

Woun Meu

² Pãrauta chik'am jaaum k'õchgau “Jãan magta sĩerrʌm” hamʌn, pãachdëu chik'am jaau nʌmjö haju Hẽwandamaujã pãar dʌ̈i. Pãachdëu chik'am jaau nʌmjö hich hag jaautarr hiek'au Hẽwandamaujã pãach k'ĩir pãar jaau t'ʌnʌʌujugui hajim hanaabá.

San Mateo 7:2 Iomraidhean Croise

San Mateo 6:14

Magnaa ĩchab, Chikhamnau pãach dʉi khaigba aawai, pãrau am dʉi magʉm iekjã igba sĩi khĩir okhoopʉimʉn, magan maach Aai ʉ̃gthar chiraajemuajã ĩchab pãar pekau chugpaapʉiwia tag magʉm iek igba ich mag khĩir okhoopʉijugui ajim anʉm.

San Marcos 4:24

Maimua magjim aajem: Pãrau mua nem jaau chirʉmta pãach thãraucha ʉkham khõsinaa, por ee aunaa warag khaugam khõsi amʉn, ich Ẽwandamau agjo pãar por opher apiju, ich iek ajapcha khaphʉ amkhĩir.

San Lucas 6:38

Pãach khapeenag nem ĩgkhaba deemʉn, Ẽwandamaujã pãrag nem ĩgkhaba deeju. Pãrau pãach khapeenag nem deebarm jũrr, irua pãrag ʉ̃r ag khãyau phẽsu ipiirnaa por simii deeju. Mamʉ pãrau pãach khapeenag chachnaata nem dee nʉmʉn, magan Ẽwandamaujã ich agjopai pãrag deejugui ajim anʉm.

2 Corintios 9:6

Pãrau khaphʉ nʉm, jãga aajẽ nemjĩir jĩirwai. Bʉ̃rʉʉ jĩirtarr khai, paarpaawaijã ich agpierrpai bʉ̃rʉʉ aaujem. Dʉrrcha jĩirtarr khai, paarpaawaijã ich agpierr agjo dʉrrchata aaujem.

Santiago 2:13

¿Jãgwi mua pãrag mag chirʉ́? Maan Ẽwandamau ichdeu õor i agkham edjã ar dich khapeen dau aug khaugba aajerr khʉʉn chan agjo am dau aug khaugba isegju aawaita mag chirʉm. Magarrau ar dich khapeendam dau aug khaug paraa aajerr khʉʉnan chad, mag Ẽwandamau õor i agkham edjã amach khaibag waubaju khap, i ogkhaba naaju.

Apocalipsis 18:6

Magnaa jũrr ich chognaanagta, “Ichdeu chikham dʉi aajerrjo abat” ajim, “jũrr i dʉi. Ichdeu nem khaigba waaujerr ʉ̃r jũrr ag khãai atcha biek numí i gaai deebat. Ichdeu chikhamnag dopiejerr khãaijã jũrr athuucha nem achag waaureu deebat.