San Mateo 7:1 - Wounaan Meu

¹ ’Chikham ĩgkham khõchgaupai chan oob chikham pekau phemiet, eeu Ẽwandamau pãach chach nʉm ed magʉm iek pãachig igdukham ajim anʉm Jesuu.

Woun Meu

¹ ’Chik'am hĩgk'am k'õchgaupai chan hoob chik'am pekau p'ëmiet, heeu Hẽwandamau pãach chach nʌm hed magʌm hiek pãachig higduk'am hajim hanʌm Jesuu.

San Mateo 7:1 Iomraidhean Croise

San Mateo 7:2

Pãrauta chikham jaaum khõchgau “Jãan magta sĩerrʉm” amʉn, pãachdeu chikham jaau nʉmjo aju Ẽwandamaujã pãar dʉi. Pãachdeu chikham jaau nʉmjo ich ag jaautarr iekhau Ẽwandamaujã pãach khĩir pãar jaau thʉnʉʉujugui ajim anaabá.

San Mateo 7:5

Khĩirjug chukdam, nacha dich dau eem pasurta noi auba aajeeb ajim anʉm, wajapha oog; maimuan chadau jũrr dich khapeer dau eemjã agjo noipʉi nʉm. Magua dichta nacha khĩirjuba aajeeb chikham jawaag. Dichjã agjo chirʉm chan pod dich khapeen jaauju khabam ajim anʉm.

San Lucas 6:37

’Oob chikham ĩgkham khõchgaupai chan chikham pekau phemiet, eeu Ẽwandamau pãach chach nʉm ed magʉm iek igdukham pãach dʉi. Oob “Jãg wounan chad khaibag ee pʉiju aai sim” amiet, eeu pãach iek gaaimuapai Ẽwandamau pãachta khaibag ee pʉidukham. Chikhamnau pãach dʉi khaigba aawai sĩi warag ich mag khĩir akhoobapʉit, tag magʉm iekjã igba. Pãrau pãach khapeen dʉi magmʉn, magan Ẽwandamaujã pãar dʉi agjo ajugui ajim anʉm.

San Lucas 6:41

Pʉch dau ee pasur pom sim joothʉ thʉnʉm nacha noi aubam aig, ¿jãga pua pʉch khapeer dau eem pasurdam bʉ̃rʉʉ khitʉm noi awaag agá? Maachin nacha dich khĩirjunaata iekha nʉmgui ajim anʉm.

San Juan 8:7

Pari magʉmjã pʉaba mag ichig phʉʉrba jejeeu khaawaita dʉnʉʉunaa amag, —Pãachdeu khaphʉ jaau naawai pãach ee ar bʉ̃ʉrjã pekau chukhu nʉm khʉʉnauta nacha i barjurauma ajim.

Santiago 3:1

Hermanonaan, oob thumaam khʉʉnau Ẽwandam iek jawaag maestronaan khaju appaita khĩirjumiet. Pãrau khaugba narr khai, khap abat: Maach chi maestronaankha nʉm khʉʉnta maachdeu deeum khʉʉnag jaau nʉmjo agpierraa khaba wenʉrrʉmʉn, maach gaaita Ẽwandamau jua khʉabacha deeju.