San Mateo 5:3 - Wounaan Meu

³ —Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.

Woun Meu

³ —Pãar har pãach k'aigba nʌm k'ap Hẽwandamagta pãach heeg hoopim k'õsi durrum k'ʌʌn, honee habat hajim hanʌm, pãachta hi dʌ̈i hãba jooba wënʌrraju haawai.

San Mateo 5:3 Iomraidhean Croise

San Mateo 11:25

Ich mag jaar ĩchab ich Jesuu ich Ayag jeeumamua, —Tata, mua pʉrʉg ʉu ajim a chirʉmgui ajim anʉm, pʉchta ʉ̃gtharm magwe nem thum mʉg wejom Por aawai. Mʉ onee chirʉmgui ajim anʉm, õor amach khĩirjug khaug thowia, nem thum khaphʉm khaphʉm aajem khʉʉnaujã amach peerdʉju iek khaugba arrta, jũrr pua khĩirjugdam meraa chaainjo khitheem khʉʉnagta ʉu khaugpibaawai.

San Mateo 11:6

Magnaa ĩchab irig, “Chi mʉ iek ʉkhawi ogdʉba mʉ gaai ʉkha chirʉm wounan onee ich mag chitaju a jaaubaimat” ajim anʉm, mag ichig jeeuwimarr khʉʉnag.

San Mateo 13:16

Mag iekhapʉinaa deeu maragta, —Pari pãar onee abat ajim; pãrau pãach daúacha mua nem wau chitʉm oonaa pãach jʉ̃gʉucha mʉ iekjã ũurjeewai makhʉʉn jooi Isaiaau jaautarrjo khaba nʉmgui ajim.

San Mateo 19:14

Mamʉ mag marau iekha nʉm ũrbaawai Jesuu jũrr maachigta, —Ideu mʉ aig chaain aibeepibat. ¿Khanthee pãrau am beepimapha nʉ? ajim. Chi jooin awiajã, chamʉ khʉʉn chaainjo mʉ iek ʉkhakharrso ʉkha nʉm khʉʉnta mʉg jẽb gaaijã ʉu wenʉrrawi ʉ̃gtharjã onee wenʉrrabajup ajim.

San Mateo 24:46

Maimua mawia mam sĩi awia deeu beewi ichdeu jaau pʉarrjo phidkha sim oobaicheewai, ¿mag jooi ich chog dʉi onee sim dʉi chi chogjã onee abaju khai? ajim.

San Mateo 25:34

Magnaa mag ich juachaar gar nʉm khʉʉnag ichta Rey aawai ichdeuta amag, “Pãar, mʉ Ayau ʉu abarm khʉʉn, ierrag dubbat mʉ dʉi jooba wenʉrraag” aju anaabá. “Mʉg durr ompaa nʉwe mʉch Aai dʉimua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdeu mʉ dʉi ʉu atarr jũrr.”

San Mateo 3:2

“Pãach khaibag ãsie ewag khĩirjuwia Ẽwandamagta chugpaapi jeeubathʉ̃” aajeejim anʉm. Magnaa ĩchab, “Ya mʉigmua jopcha ich Ẽwandamau maach thumaam khʉʉn Porkhapiju maach ee pʉiju” aajeejim anaabá.

San Mateo 8:11

Chadcha mʉg atag õor pom durrpierram khʉʉnta maach jooin Abrán khararr dʉi, Isá khararr dʉi maimua Jacob khararrpa ʉ̃gthar Ẽwandam dʉi ãbam mes gaai ohood aphobaadeju, i dʉi ãba thach khoog. Maig thʉnaaju: ed obeerjem garm khʉʉn dʉi edau burrjem garm khʉʉnpa maach meeun dʉi ãba.

San Marcos 10:14

Mamʉ amau mag õrag meeukha iekha nʉm oobaawaita Jesuu jũrr amachigta agjo meeurraunaa, —Ideu õrag amach chaaindam mʉ aig waibeepibat ajim anʉm. ¿Khanthee pãrau amag beepiba jaau nʉ? Chi jooin awiajã chamʉ khʉʉn chaainjo mʉ iek ʉkhakharrso ʉkha nʉm khʉʉnta mʉg jẽb gaaijã ʉu wenʉrrawia ʉ̃gtharjã onee wenʉrrabajup ajim anʉm.

San Lucas 11:28

Magbaawai jũrr ichdeu, —Jãan chadaugui ajim anʉm, mamʉ mag khãyau ar Ẽwandam iek jaau nʉm ũrwia i ipierraa nʉm khʉʉnta ʉ̃rʉʉcha onee aju aai nʉmgui ajim anʉm.

San Lucas 18:14

Mag numí Ẽwandamag jeeu narr khʉʉn jaau dichwia, chi aig ich iek ũr narr khʉʉnag magjim aajem: —Ichdeupai Ẽwandamag ichta chi ajapham a chirarr khãyau, ich dau aug khaugpi jeeutarr wounta jũrr Ẽwandam dau na ag najã ich mag bʉ̃ʉrjã khaibag chukhu aajerrjoo sĩebahab ajim anʉm. Mamʉ ar amach thowia chikham dʉi athuucha aajem khʉʉn, jũrr mʉg atag paawai am Ẽwandamag chaigpa oo sĩsidʉ abarjugui ajim anʉm. Maimua ar mag amach dʉi athuu nʉm khʉʉn ichaaurjã magʉm aba sĩi warag serbiibamjo aajerr khʉʉnta, jũrr mʉg atag paawai, Ẽwandamau warm khʉʉn khãyaujã ʉ̃rpai apiju a jaaumajim aajem.

San Lucas 22:29

Pãach jãg wenʉrrʉm gaaimua, mua pãrag ĩchab mʉch dʉi õor porkhapijugui ajim anʉm, mʉ Ayau mʉchta thumaam khʉʉn reikhapibarm dʉi.

San Lucas 22:30

Mag mʉchta thumaam khʉʉn Porkha chirsim edta deeu maach ãba onee aju. Maimua rey juupjemjom sie gaai jupkhawia pãachta mʉ dʉi jooi Jacob khararr chaain doce narr khʉʉn ag chaain ewagam khʉʉn porkhajugui ajim anʉm.

San Lucas 4:18

“Ẽwandamauta mʉ jʉr autarr aawai ich Akhaar mʉ gaai phẽs wai sim, aphʉʉm khʉʉnag jãga ichdeu am peerdʉ auju a jaaumkhĩir. Irua mʉ pʉitarran, õor amach khaibag ee presonaanjo nʉm khʉʉnag, ‘Ya pãar oberm iek oberju aai nʉm’ a jaaumkhĩir ajim; dau khĩsumjo nʉm khʉʉnagjã, ‘Ya pãrau wajapha ooju aai nʉm’ a jaaumkhĩir; chikhamnau dau aphʉʉ waaujem khʉʉn dau aug khaugwia peerdʉ aumkhĩir;

San Juan 20:29

Magbaa Jesuu irig, —Pʉch daúacha mʉ phiidʉbarm oobaawai ĩsta pua ʉkha chirabma ajim. Ar amach daúacha mʉ ooba nʉmta pari sĩi jaaubarm ũrwiapai ʉkha nʉm khʉʉnta Ẽwandamau ʉucha wai sĩejugui ajim.

Santiago 1:10

Maagwai jũrr rik agjo Ẽwandam iek ʉkha sim gaaimua mʉig eegar ich phatkhon wai sim okhoowiajã, mag ich Cristo denkha simta mag phatkhon khãaijã ajapcha sim khap, onee abá. ¿Jãgwi mag chirʉ́? Riknaanan pamaarjota khithee aawaima. ¿Pãrau pamaar khiugphebaadem ooba aajẽ?

Santiago 1:12

Woun ãbmua mag prueba khĩir pogkhe ich gaai burr nʉmjã ʉuta dʉi juapadam ubʉ ãwatbapʉimʉn onee abá. Mag amʉn magan ich Ẽwandamauchata irig, “Ʉu chadchata pua jʉmpʉijim” awia, ich aar auwia, ich mag ich dʉi wai sĩsiju, thum mʉig eegar aawai ich daupii aajerr khʉʉnan warrgarwejã magta ich aar auju jaautarr aawai.

Santiago 2:5

Cristo gaaimua khodamnaan, pãade mʉ iek ũrbat: Maadeu pod aphʉʉm khʉʉndam kha isee aju khaba nʉm. Jãg aphʉʉm khʉʉndamjã amachdeu maach peerdʉajem iekta ũrwi ʉkha naawai mʉig eegarweran aphʉʉ khithee awiajã paraam khʉʉn khãaijã wajapcha wenʉrramkhĩir ich Ẽwandamau jʉr autarr khʉʉn khabahab. Mag nʉm dʉi ĩchab mag ich daupiim khʉʉnta thum ich aar auju atarr aawai amjã ʉ̃gthar ich mag i dʉi wenʉrraju khʉʉn khabahab.

Apocalipsis 19:9

Maimua chi Ẽwandam chogau mʉrʉg, —Nau mua iekhabarm phã sĩubá ajim. Mʉg iekhan ich Ẽwandamaucha ich imeerba jaaupitarrta mua pʉrʉg jawaagpamgui ajim mʉrʉg. Magnaa ichdeupai, Corderoou ich jua pʉr nʉm phiesta ee thʉ̃rkhʉʉiwi chi wet nʉm khʉʉnan chadcha oneeta ajugui ajim.

Apocalipsis 22:14

Ar sĩi khajũa wajap jã simjo thãar wajapha pekau chukkhu nʉm khʉʉnta ʉuhcha thʉnʉm khʉʉnau, amauta maach iiupiejem nemjõ mag mua jaau chirʉm gayamjã jõnaa, mag phobor puertdi khapan wʉwʉr wejom eejã dubju aai naawai.

Apocalipsis 3:17

Pʉchdeupain pua, “Mʉʉn phatkhon paraamʉu; phatkhon pom wai chiraawai deeum nem atheejã augcheba chitʉm” aajem. Mamʉ pʉch kha onegjã chukhunaa pʉch dau aug sim chan pua khaugba, ni sĩi pʉch maadeu igmap dau khĩsumjonaa mor kharramjo simjã pua pʉch khaugba sim anaabá. Mag simta pʉ jãg iekha sim aajem.