San Mateo 4:4 - Wounaan Meu

⁴ Pari ichig magbaicheewai jũrr ichdeu chi dosãtag, —Ẽwandam iek phã sim gaai jaauwai, “Sĩi thach khoju appai khap amkhĩir irua maach ompaabajim” a sim. “Irua maach ompaatarran, thach appai khĩirjuju khãai, ich ipierraa wenʉrramkhĩirta maach ompaajim” a phã sim a chirajim aajem irig.

Woun Meu

⁴ Pari hichig magbaicheewai jũrr hichdëu chi dösãtag, —Hẽwandam hiek p'ã sim gaai jaauwai, “Sĩi t'ach k'öju happai k'ap hamk'ĩir hirua maach hompaabajim” ha sim. “Hirua maach hompaatarran, t'ach happai k'ĩirjuju k'ãai, hich hipierraa wënʌrramk'ĩirta maach hompaajim” ha p'ã sim ha chirajim haajem hirig.

San Mateo 4:4 Iomraidhean Croise

San Mateo 15:11

Maadeu nem parhooba kho nʉmuapai chan Ẽwandam dau na maach ãrpiba aajemgui ajim. Ẽwandam na õor ãrpiejemʉn iekhaju khabam nempa khĩirjunaa iekha nʉmuata õor ãrpiejemgui ajim.

San Mateo 4:10

Mamʉ mag nʉʉ paawaita Jesuu irig, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a sim. Magnaa mag sĩebnaa pʉdeu pʉchta jopkhaa mʉ aigmua sĩiubaad a chirajim aajem irua. Mag, bʉ̃ʉrjã i ipierraa abajim anaabá Jesuu.

San Mateo 4:7

Magbaawaita jũrr ichdeu chi dosãtag, —Ĩchab Ẽwandam iek phã sim gaai jaauwaijã, “Ẽwandamau chadcha pãach thʉaju awi oob nem parhoob amiet” a sĩebahab a chirajim aajem irua.

San Marcos 7:20

Mag iekhamamua pʉaba ich Jesuu amag, —Õor pekau paarpa nʉmʉn thãar eemua khĩirjug khaigbam ober nʉmuata pekau paarpa nʉmgui ajim anʉm.

San Lucas 4:12

Magbaawaita Jesuu magjim anʉm: —Mamʉ ĩchab Ẽwandam iek phã sim gaai jaauwai, “Ẽwandamau chadcha pãach thʉaju awi oob nem parhoob amiet” a sĩebahab ajim anʉm, chi meperag.

San Lucas 4:4

Magbaawai Jesuu magjim anʉm: —Ẽwandam iek phã sim gaai jaauwai, “Sĩi thach khoju appai khap amkhĩir irua maach ompaabajim” a sim. [“Irua maach ompaatarran, mag thach appai khĩirjuju khãyau ich ipierraa wenʉrramkhĩirta maach ompaajim” a phã simgui ajim anʉm.]

San Lucas 4:8

Magbaawai Jesuu chi dosãtag, —Ẽwandam iek phã sim gaai jaauwai, “Pãar Poron Ẽwandamau; ãba irigpaita jeeubat, maimua ãba i iekpaita ipierraa abat” a simgui ajim anʉm.

San Juan 15:26

’Pari õrau mag pãar oomapha nʉm ee, mʉchdeu jaau chirarrjo, mʉch ipaarmua mʉch Ayag ich Akhaar pʉipi jaaujugui ajim, pãar khĩir jãsenkhamkhĩir. Mag pierrwain chadau ichta mʉ destigkhajugui ajim, ichdeuta pãrau õrag chadam iek jaaupimamua ĩchab mʉjã jãga chitʉ́ a khaugpimaju aawai. Pari wajapcharan pãachjã mʉ destignaanaugui ajim, mua warrcha mʉch Aai iek jaaubaaderr aigmua pãachta mʉ dʉi ogdʉba wenʉrraawai.

San Juan 6:63

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

Romanos 15:4

Ẽwandamau ich iek phã sim gaai nawe jaautarran, maach phithurg wenʉrrawiajã mag iek gaaimuata warag oneenaa magʉmjã igba ãwat wenʉrrʉmua ʉu ich aar oberjujã khap amkhĩirta mag phãpijim.

Efesios 6:17

Ich jãg soldaaunau ich por thʉag casco jũajemjo, pãraujã Cristoou ʉu pãach peerdʉ autarr khaphʉnaa ag khĩirjugta jũa nʉmjo wai nʉisit, meperag pãach khũgurpiba aag. Magnaa ich Ẽwandam iek ich Ẽwandam Akharau pãachig khaugpitarrta jũrr pãach espaarkha athat, aguata pãach garmua jũrr i dajẽk aag.