San Mateo 4:12 - Wounaan Meu

¹² Juan chi õor por choomie ya cárcel deg phãar wai nʉm a ũrbaadeewai, Jesús Galileaag majim aajem.

Woun Meu

¹² Juan chi hõor pör choomie ya cárcel deg p'ãar wai nʌm ha hũrbaadeewai, Jesús Galileaag majim haajem.

San Mateo 4:12 Iomraidhean Croise

San Marcos 1:14

Mag khur Jesús majim aajem Galilea durr, õrag “Ẽwandamau õor thumta ich denkha aum khõsi sim” a jawaan. Mag i maawai rey Erodeeu Juan pʉr auwi cárcel deg pʉitarr khur ajim aajem.

San Mateo 14:3

Irua mag sĩerran mʉga ajim aajem: Maata ich Erodeeu ich naam Felipe ʉʉi Erodías anʉmta khecheu auwi sĩejim anaabá. Mag atheeta Juanau chi reíg, “Pua pod pʉch naam ʉʉi khecheu auwi pʉch ʉʉikha auju khaba simgui” ajim anʉm. Mamʉ sĩi ichig magbaawai warag Juan pʉr aupi jaauwi, cárcel deg phãar sĩupinaa cadenau jʉ̃ sĩupijim anaabá.

San Lucas 4:14

Jesús agtha Ẽwandam Akhaar ich gaai phẽs wai sim majim aajem deeu Galilea durr, ich berrag. Mag barwia judionaan Ẽwandam iek jaaujem di sĩsidʉmpierr jaaujeejim aajem. Maagwai durr chaauram khʉʉnaupa irua jaau nʉrrʉm khakhapdo aphobaadeewai thumaam khʉʉnau i igar nʉmua, “Ʉuta mag jaau nʉrrabahab” aajeejim aajem.

San Marcos 6:17

Irua mag sĩerran mʉg ajim aajem: Maata ich Erodeeu ich naam Felipe ʉʉi Erodías anʉmta khecheu auwi ag dʉi sĩejim anaabá. Mag itheeta Juanau chi reíg, “Pua pod pʉch naam jua eem ʉʉi khecheu auwi pʉch ʉʉikha auju khaba simgui” ajim anʉm. Mamʉ sĩi ichig magbaawai warag Juan pʉr aupi jaauwi, cárcel deg phãar sĩupinaa, cadenau jʉ̃ sĩupijim anaabá.

San Juan 4:54

Mag chaai parba kherʉm warppaimua monaaupʉitarrta Judeamua beewi Jesuu Galilea durr biek numiim õor dakhĩir ag na amau mag ooba aajem wautarr ajim, mag chaai monaautarr gaaimua ichta Ẽwandamau pʉitarr a õrag khap amkhĩir.

San Juan 4:43

Jesús mag Jerusalenmua mawi, Samaria phobordam ee khãai numí sĩeimawi, warag ich maa arrag petajim, Galileaag. Mamʉ mag phiesta dichtarr khur Jerusalén thʉbaba arran, ag na ichdeu iekhatarrjo, chi Ẽwandam iek jaaujem khʉʉn chan ãbjã amach durr ee ãba naajem khʉʉnaupaijã kha khõchkhaba aajeewai ajim. Magta ich thaabatarr durrmua warag Galileaag petajim, ich bãautarr durr.

San Lucas 4:31

Maimua magtarr khur deeu Jesús Galilea durr phobor Capernaum anʉmʉg beejim aajem. Mag beewia õor jua ʉ̃ʉijem ed pabaadeewai õrag jaaujeejim aajem.

San Mateo 11:2

Ich maagwai Juanau cárcel deg simua Cristoou nem wau nʉrrʉm ũr sĩejim aajem. Magbaawai ich khapeen eem ãaur khʉʉn ich aig thʉ̃rkha auwi chi Jesús aar pʉijim aajem,

San Lucas 23:5

Pilatoou magbaawai chará warag amachdeuta iek khẽgkha phobaadewi, —Jãguan chadchata õrag pãar eugar seukha nem jaau nʉrrʉmua phobor meeukhapiju ẽkha simgui ajierram anʉm, pãar dʉi. Judea durr ee thumaam khʉʉnag ich mag jaau nʉrraajem; Galilea durrmua jaaubaaderr ich mag jaau phʉʉrdʉ nʉrrʉmua khĩeb mau pabaichemgui ajierram anʉm.

San Juan 1:43

Ag noram Jesús jũrr Galilea durr maju aadejim. Mag nʉm ee Felipe dʉi oojim. Mag oobaawai irig, —Felipe, mʉ dʉi marrau ajim.

San Juan 2:11

Mag Galilea durr phobordam Caná anʉm ee do vinoog paatarrta warrpem õrau nem ooba aajem Jesuu wautarr ajim, mag wau sim gaaimua ich jua theeg oopieg. Mag, maach i dʉi wenʉrraajerr khʉʉnaujã warag wajapcha i khaphʉ nʉisijim, chadcha Ẽwandamau warrgarwe pʉiju a jaaujerr dʉita maach wenʉrrʉm. Magta marau warag i iek ʉkha nʉisijim.