San Mateo 3:8 - Wounaan Meu

⁸ Sĩi pãach por choopi nʉmuapai chan irua pãar aubam ajim anʉm. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã.

Woun Meu

⁸ Sĩi pãach pör choopi nʌmuapai chan hirua pãar haubam hajim hanʌm. Hẽwandam jua machgau dau hap'ʌʌ hamap'a nʌm k'ai, pãach k'aibag t'umaa hãsie hewag k'ĩirjuwia, Hẽwandamag hisegpi jëeuwia, chadcha Hẽwandam hiek hʌ̈k'aajem k'ʌʌnjö habat hajim hanʌm, pãach k'apeen dʌ̈ijã.

San Mateo 3:8 Iomraidhean Croise

San Mateo 21:32

¿Jãgwi mag chirʉ́? Juan chi õor por choomieu, jãga Ẽwandam dau na wenʉrraju aai nʉ a jaaumam ũrwi pãrau ʉkhabam daar, amauta pãar khãaijã ʉkhatarr aawaima. Pari pãrau magba irua jaau nʉrrʉmjã ũrnaa irua nem waaujerrjã pãach daúacha oojerrta, pãach khaibag khĩirjuwia Ẽwandamagjã chugpaapi jeeubajierramgui ajim amach khĩircha.

San Lucas 3:8

Sĩi pãach por choopi nʉmuapai chan irua pãar aubam. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã. Oob pãrau chikhamnaan denjo, pãachjã warrgar pãach jooi Abrán khararrjo Ẽwandam dʉi khapeerkha nʉm awi, “Maran Abrán chaainau; mag i chaainkha nʉmta, ¿jãga Ẽwandamau mag maar dau aphʉʉ apibarju?” a khĩirjumiet. Sĩi mag Abrán chaainkha nʉm gaaimuapaita mag ʉ̃gthar obeerjem akhiin, mokdau mʉg thʉnʉmjã Ẽwandamau õrag paapʉiwia makhʉʉnjã ĩchab Abrán chaainau aju aai sim. Abrán chaai chaar awiajã ichiita Ẽwandam jua machag ãwatab khaba ãwatju. Mag khõch khaba nʉm khai, pãach khaibagta warre Ẽwandamag isegpi jeeubat ajim anʉm.

Hechos 26:20

Nacha Damascopienagta mua jaaujim maach peerdʉajem iek. Magtarr khur Jerusalenpienag jaauwi, Judea durram khʉʉnagjã jaauwi, ĩchab judionaan khabam khʉʉnagpa thum jaau phʉʉrdʉ chitʉmgui ajim anʉm. Mag jaau chitʉmʉn, amag amach khaibag ãsie ewag khĩirjuwia isegnaa, Ẽwandamagta mag khaibag chugpaapi jeeumkhĩir jaaunaa, ĩchab thumaam khʉʉn daar nem wajaphata waupi jaau chitaajemgui ajim anʉm, bigaaum khʉʉnau mag oowai amach eugar, “Jãkhʉʉnan chadcha khĩirjug iiur wai nʉisim” amkhĩir.

Efesios 5:8

Warr pãrau Ẽwandam iek khaugba aawain chadcha pãachjã sĩi khĩchag eemjota wenʉrraajeejim. Pari ĩsin ya pãar maach Por Cristo dʉita khapeerkhanaa i iekjã khaphʉ naawai ararag ee nʉmjota nʉm. Mag naawai chadcha i iek khaphʉm khʉʉnjota agpierraa nʉrrjee abathʉ̃.

Efesios 5:9

Mag Cristo gaaimua chadcha ararag eeta wenʉrrʉmʉn, õor ajaugta aadeejem; mag nʉm dʉi ĩchab nem agcha waunaa iekhaawaijã chadam iekta iekhaajem.

Filipenses 1:11

Mag amʉn magan ĩchab ich Jesucristoouta pãrag nem ajapham pom waau khaugpiju. Õrau pãar mag oobaawai amaujã ĩchab Ẽwandamag jeeumamua, “Ʉuta pua am jãg phe wai chirʉm; pʉjom chan chukhum” a iekhaju.