San Mateo 3:2 - Wounaan Meu

² “Pãach khaibag ãsie ewag khĩirjuwia Ẽwandamagta chugpaapi jeeubathʉ̃” aajeejim anʉm. Magnaa ĩchab, “Ya mʉigmua jopcha ich Ẽwandamau maach thumaam khʉʉn Porkhapiju maach ee pʉiju” aajeejim anaabá.

Woun Meu

² “Pãach k'aibag hãsie hewag k'ĩirjuwia Hẽwandamagta chugpaapi jëeubat'ʌ̃” haajeejim hanʌm. Magnaa hĩchab, “Ya mʌigmua jöpcha hich Hẽwandamau maach t'umaam k'ʌʌn Pörk'apiju maach hee pʌ̈iju” haajeejim hanaabá.

San Mateo 3:2 Iomraidhean Croise

San Mateo 10:7

Mag wenʉrrʉmua amag, “Ẽwandamta thumaam khʉʉn Porkhaimʉʉ sim; pãar peerdʉju khai, irigta ʉdʉraa pãach Porkhapibat” a jaaupetat ajim marag.

San Mateo 11:20

Jesuu oowai irua ʉ̃rcha ag na õrau nem ooba aajem nem waumatarr phobor eem khʉʉnauta bʉ̃ʉrjã Ẽwandam igba ni i iekjã ʉkhaba naajim anaabá. Magbaawai khĩesir iekhamamua makhʉʉn phobor eem khʉʉn igwiata magjim anʉm:

San Mateo 12:41

Magua, Ẽwandamau õor ich aar phe auju wa phe auba khãijã aju jaau nʉm ed, Nínivepien phiidʉtkhawi amach ipaarmua pãar khaibagta warag Ẽwandamag ĩgkha thʉnʉʉuju, warag pãar khaibag waumkhĩir. ¿Khan jãgwi? Jonaau Ẽwandam iek amach aar jaaubaimaawai amau magʉmjã aba ʉkhatarr aawaima. Mamʉ ĩs mʉ Jonás khãaijã ʉ̃rʉʉcha chirʉmuata Ẽwandam iek jaau chitʉmjã pãrau bʉ̃ʉrjã ʉkhamapha nʉmgui ajim.

San Mateo 13:11

Magbaawai ichdeu marag magjim: —Pãrau khaugam khõsi ũr naawai warre mʉchdeuta pãrag khaphʉ api chirʉmgui ajim, jãgata Ẽwandam õor thãar ee sĩeicheejẽ. Pari warm khʉʉnag mag khaugpibamgui ajim, amau khaugam khõsi ũrba naawai.

San Mateo 13:24

Mag jaauwia, deeu ichdeupai mʉg ejemplodam jaaumamua magjim: —Ĩs mua pãrag jaaukhimgui ajim, Ẽwandamau ichdeu õor i agkham ed jãga khaigbam khʉʉn chi wäjäaun eemua isegju. Maan mʉgaugui ajim: Woun ãbmua trigo jĩirjim aajem.

San Mateo 13:31

Mag nem khĩir pogkhe jaaumamua ich Jesuupai ĩchab mʉg nem ĩgkhaadamjã jaaujim, mostaza daudam bʉ̃rʉʉ khitʉm igwi: —Pãrau khaphʉ nʉ, jãga sim abarí Ẽwandam iek mua jaau chitʉm, maimua khanjota sim a mua pãrag jaaubarkhiin ajim. Mʉg Ẽwandam iek mua jaau chitʉmʉn, mostaza daudam jẽb ee jĩir sĩubarmjota simgui ajim.

San Mateo 13:33

Mag jaaumamua ich Jesuupai, —Ẽwandamau ich iiu aawai mag ich iek aaidʉpi nʉmʉn, ʉʉi ãbmua arin dʉrrcha sim ee levadura pʉitarrjota simgui ajim. Pãrau khaphʉ nʉmgui ajim, levadura bʉ̃rʉʉ pʉitarrjã aaidʉmam ooba simta, arin thum ʉrpi aaujem. Ich agjota sĩebahab ajim ĩchab Ẽwandam iek mʉg mua jaau chitʉmjã. Mʉʉgwaiwe chan õor pom mʉg wejom ee agtha pomcha aaidʉba sim. Mamʉ mʉg atag paawaita durr warpham magwe aaidʉbaadee thumaam khʉʉnau ũrab khaba ũrjugui a jaaumajim.

San Mateo 13:47

Mag jajawagmamua, —Ẽwandamau õor i agkham edan, ãwarr pʉraag reeu dojãrr do ʉreu nʉmjota ajugui ajim, ich Jesuupai.

San Mateo 13:52

Magbaa ichdeu marag magjim: —Mʉg iek iiur mua jaau chirʉmjã pãrau chadcha khaphʉ naawai deeum khʉʉnag jawaagjã ya chi machnaankha nʉmgui ajim. Jãg nʉm aig õor Ẽwandam igwia i jʉr nʉm khʉʉnag pãrau jaauju aai nʉmgui ajim, chadcha pãachdeuta nawe Ẽwandamau ich i jaaumienag phãpitarrjã khaphʉnaa mʉg iek iiur mua jaau chitʉmjã khaphʉ naawai.

San Mateo 18:23

Maimua ich Jesuupai magjim: —Mua mag pãraujã pãach khapeen perdonaaju aai nʉm a chirʉmʉn, Ẽwandamaujã maach perdonaabam aba aajeewaita mag jaau chirʉm ajim. Ẽwandaman rey ãb sĩerrau ich chognaan ich garcharam khʉʉn wajapha phidkha nʉm khap aag ãhãbdo thʉ̃rkhanaa khap jeeu oomatarrjota sĩerrʉmgui ajim.

San Mateo 20:1

’Mʉg atag mʉch iek ʉkha durrum khʉʉnag amach phithur atarr jũrr mua nem deeju edan, woun ãb uvado papau ich piyonnaanag nemjõ phierrtarr jũrr phagtarrjota ajugui ajim. Mag wounau nacha piyón jẽraag edpherre õor jʉraan majim aajem.

San Mateo 22:2

—Ẽwandamagta amach thãar ee ichta chi Porkhapi nʉm khʉʉnan, rey ãb simua ich iewaa jua pʉrmkhĩir phiesta wautarr ee õor beetarr khʉʉnjota nʉmgui ajim.

San Mateo 23:13

Maimua mag iekhakhagmamua magjim: —¡Eh, pãarjã agjo chi machnaan dʉi Moiseeu phã pʉatarr iek wajapcha ʉʉrkhaajem khʉʉn! Pãran pãachdeuta ʉ̃rcha Ẽwandam iek khaphʉm anʉmta Ẽwandam aar oberjujã khaugba nʉmgui ajim, pãachdeu ʉkhaba nʉm gaaimua. Mamʉ mag nʉmta õrau i aar oberju ẽkhaawaijã warag chi obeerjem doig chawag khecheu ahaukhamjo aajem, õor khũgur wai nʉmua, Ẽwandam iek ʉkhapimaaugau. [

San Mateo 25:1

’Mag Ẽwandamau mʉg durr i agkham ed ichdeu auju wa auba khãijã isegju khʉʉnan, biek ãb daupeen diez narr khʉʉn õor jua pʉr nʉm phiesta ee wetaag chi jua pʉrju emkhooi nʉ narr khʉʉnjota nʉmgui ajim ich Jesuupai. Makhʉʉn daupeenau mʉgta ajim aajem: Amachdeu ya chi jaai paju urum a ũrbaawai agdaujo amach lámpara panhapha i khĩirphee wetju aadejim aajem.

San Mateo 25:14

Mag jaaumamua deeu ich Jesuupai magjim: —Mʉchta mʉg durr gaai chi Porkha pierrum ed mʉch athee wajapha phidkhaajerr khʉʉnag amachpierr nem wajapham jigjuun, ãbmua ich piyonnaan dʉi arrjota ajugui ajim. Mag ich piyonnaan dʉi mʉgta ajim aajem: Mag wounau deeum durr maagpamua ich piyonnaan ãbam aig thʉ̃rkhanaa ich phatkhonau phidkhamkhĩir amag jaau pʉajim aajem.

San Mateo 4:17

Magtarr aigmua Jesuu ich Aai i jajawagmamua, “Pãach khaibag isegwia, Ẽwandamagta chugpaapi jeeubat, maimua irigta ʉdʉraa pãach Porkhapibat” aajeejim aajem õrag.

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

San Mateo 5:10

’Ar Ẽwandamau nem waupi sim ipierraa nem wau nʉm gaaimua jũrr õrau pãach dʉita khaigba aawai dau aphʉʉ durraajem khʉʉn, onee abat ajim anʉm, pãachta mʉg atagjã Ẽwandam dʉi ãba jooba wenʉrraju aawai.

San Mateo 5:3

—Pãar ar pãach khaigba nʉm khap Ẽwandamagta pãach eeg oopim khõsi durrum khʉʉn, onee abat ajim anʉm, pãachta i dʉi ãba jooba wenʉrraju aawai.

San Mateo 6:10

Pʉrʉgta marau maach dʉi pʉchdeu ampierr apinaa pʉchta thumaam khʉʉn Porkhapim khõsi nʉm. Ʉ̃gtharjã jãg pʉchdeu nem waupi jaau nʉm appai waaujemjo, mʉig eegarjã thum pʉchdeu jaau simjota apim khõsi nʉm.

San Mateo 6:33

Ãba Ẽwandamau nem waupi jaau simpaita waunaa irigpaita pãach dʉi ichdeu ampierr apibat. Pãrau chadcha magta amʉn, tagam nem pãachdeu igbarmjã irua deeb khaba deejugui ajim anʉm.

San Marcos 1:15

Mag Ẽwandam iek jawaanta marr aawai ichpai igwia jaaumamua, “Warrgurwe Ẽwandamau Juan ẽudee woun ãb pʉiju a jaaujerr ĩsta barbaichemgui” ajim anʉm. “Maagwai ĩsin chad Ẽwandamau thumaam khʉʉn ich denkha aum khõsita sim. Pari magaagan pãach khaibag ãsie ewag khĩirjunaa iseg nʉm dʉi thãraucha maach peerdʉajem iekta ʉkhabat” aajeejim aajem ich Jesuucha õrag.

San Marcos 1:4

Mag chi Ẽwandam Iewaa maju na i jaau nʉrrarr Juan ajim aajem, chi õor por choomie. Warrgarwe chi Juan igwia mag nʉrraju jaautarr aawaita chadcha thum ich agjoo obebergmamua Juanau õrag, “Pãach khaibag ãsie ewag khĩirjuwia, Ẽwandamag chugpaapi jeeuwia, mʉrʉg pãach por choopibat; magbaawai Ẽwandamau chadcha pãar khaibag chugpaapʉiju” a jaaujeejim anaabá.

San Marcos 6:12

Amachig magbaawai chadcha ereubaadewia phoborpierr õrag Ẽwandam iek jaaumamua, “Pãach pekau pooma nʉm ãsie ewag khĩirjuwia Ẽwandamagta chugpaapi jeeubat” aajeejim anʉm.

San Lucas 1:16

Mag chaai jooipawia Ẽwandam iek jaaubaadeewaita israelnaan khapaana ãsie amach mor khĩirjuwia deeu eeupemjo maach Por Ẽwandam iek ʉkhajurau, warrgar amach jooinau ʉkhaajerrjo a jaaumajim aajem.

San Lucas 11:20

Muan chadcha Ẽwandam jua theegauta mepeenjã jãg jʉr werp chitʉm. Mag mepeenjã mua jʉr werp chirʉm gaaimua pãrau khaphʉ aju aai nʉm, ya ich Ẽwandam chi jua thierrta pãar ee sĩeichem. Mamʉ magʉmjã pãrau khaugba nʉmgui ajim anaabá.

San Lucas 13:3

Mag gaaimua khabajim, mamʉ mua pãrag jaaukhimgui ajim anʉm: Pãrauta chadcha pãach khaibag thumaa ãsie ewag khĩirjuwia Ẽwandamag chugpaapi jeeubam chan pãachjã dʉi khechjurau ajim anaabá, amachigcha.

San Lucas 13:5

Mag amach appaita Ẽwandam dakhĩir iekkhõr pomaacha narr gaaimuajã khabajimgui ajim anʉm, deeu ichdeupai. Ẽwandam dakhĩran thum ich agjo thʉnʉm, nem khaibag. Pãraujã ĩchab pãach khaibag thumaa khĩirjuwia Ẽwandamag chugpaapi jeeubam chan pãach thum ni ãbjã peerdʉbamgui ajim anaabá.

San Lucas 15:10

Magnaa ich Jesuupai, Ich jãgta ʉ̃gtharjã ĩchab Ẽwandam chognaan onee aphobaadeejemgui ajim anʉm, ar woun ãb khãijã ich khaibag isegwia khĩirjug ajapham jʉrwia Ẽwandam ich thãar ee atham ed.

San Lucas 15:7

Keena, ich jãgta aajemgui ajim anʉm ĩchab ʉ̃gtharjã: Ar õor khapan amach ajaug thowia Ẽwandam dʉicha wenʉrrʉm aajem khʉʉn gaaimua onee aju khãyau, pekau pomkham khʉʉn eem ãb khãijã ich khaibag isegwia Ẽwandam ich thãar ee atham ed ʉ̃gtharmpeenjã onee aphobaadeejemgui ajim anʉm ĩchab.

San Lucas 16:30

Magbaawai chi khĩmie durr simua magjim anʉm: “Ʉ̃hʉ̃, mag khabam jooi Abrán. Sĩi phã sim gaaipai chan amau ʉkhabam. Mamʉ ãb meetarrta deeu am aar oberimawia amag jaauwimakhiin chadau, warre amau amach khaibag isegjurau” ajim anʉm.

San Lucas 21:31

Ich agjota ajugui ajim anʉm, ĩchab mʉ beeju gayaa paawaijã. Ya pãachdeu nem thum mʉchdeu jaau chirʉmjo ohoo khabaadeewai khaphʉ abat ajim anʉm, ya mʉ beeimʉʉ pam; muan mʉg durr mʉchdeuta jʉ̃a auchewia mʉchta thumaam khʉʉn porkhaan urum.

San Lucas 24:47

Mag mʉch chi Cristo iiu phiidʉbarm ootarr khʉʉnauta amachdeu ootarr nacha Jerusalenpienag jaaunaa ĩchab durrpierram khʉʉnagjã jaaujugui ajim anʉm, jãgata khĩirjug ajapham jʉrbaawai Ẽwandamau amach khaibag chugpaaju aai sim thumaam khʉʉnag khap amkhĩir.

San Lucas 6:20

Mag õor mor masim khʉʉnpa thʉnarr thum monaaukhapʉiwia ich dʉi ogdʉba wenʉrraajerr khʉʉnagta eerpanaa magjim anʉm, ich Jesuupai: —Pãar mʉg mʉ iek ũrm khõchgau dau aphʉʉ wenʉrrʉm khʉʉnta onee abat, mʉg atag pãachta Ẽwandam dʉi ãba jooba wenʉrraju aawai.

San Lucas 9:2

Mag pʉyaagpamua amag magjim anʉm: —Mua pãar pʉi chirʉm, õrag “Ẽwandamta thumaam khʉʉn Porkhaimʉʉ sim” a jaaumkhĩir, maimua ĩchab amag “Pãar peerdʉju khai irigta ʉdʉraa pãach Porkhapibat” a jaau wenʉrramkhĩir. Mag wenʉrrʉmua ĩchab khamor machagjã thum pãrau monaau wenʉrrajugui a jaaujim aajem.

Hechos 11:18

Pedroou mag jaaumam ũrwia, Jerusalenpien chi ʉkha narr khʉʉn sĩi warag khĩuu nʉisiwi, Ẽwandamag jeeuphoo thʉnʉmua, “Ʉuchata jãgbarm Ẽwandam” ajierram aajem. “Magan judionaan khabam khʉʉnaujã amach khaibag thumaa ãsie ewag khĩirjuwia pʉrʉgta chugpaapi jeeu nʉm khʉʉnan ʉu ĩchab ʉ̃gthar ober wenʉrrajugui” ajierram aajem, mag warag Ẽwandamag jeeumamua.

Hechos 17:30

Warrgarin õrau mag amachdeu nem wau nʉmjã khaugbam gaaimuata mag nem parhooba waunaa agʉmʉg jeeuwaijã Ẽwandamau sĩi ãwaatjeejieb mamʉ, ĩs chan ya tag mag khabamgui ajim anʉm.

Hechos 2:38

Magbaawai Pedroou amag magjim aajem: —Thum agdaujo pãach mor ewag khĩirjuwia Ẽwandamag pãach khaibag chugpaapi jeeubat ajim anʉm. Magnaa chadcha Jesucristo iek ʉkhanaa pãach por choopibat ajim anʉm. Pãrau magmʉn, Ẽwandamau pãar khaibag chugpaapʉiwia jũrr ich Akhaarta pãrag deejugui ajim aajem, ichdeu deeju a jaautarrjo.

Hechos 20:21

Judionaanag jaaunaa maimua judionaan khabam khʉʉnagpa jaaujeejim, jãga amach khaibag thum ãsie ewag khĩirjuwia isegju aai nʉ, Ẽwandamau khõsi simjota wenʉrraag; magnaa jãga maach Por Jesucristo iekta ãba ogdʉba ʉkha wenʉrraju, magʉm thum mua jaaujeejimgui ajim.

Hechos 26:20

Nacha Damascopienagta mua jaaujim maach peerdʉajem iek. Magtarr khur Jerusalenpienag jaauwi, Judea durram khʉʉnagjã jaauwi, ĩchab judionaan khabam khʉʉnagpa thum jaau phʉʉrdʉ chitʉmgui ajim anʉm. Mag jaau chitʉmʉn, amag amach khaibag ãsie ewag khĩirjuwia isegnaa, Ẽwandamagta mag khaibag chugpaapi jeeumkhĩir jaaunaa, ĩchab thumaam khʉʉn daar nem wajaphata waupi jaau chitaajemgui ajim anʉm, bigaaum khʉʉnau mag oowai amach eugar, “Jãkhʉʉnan chadcha khĩirjug iiur wai nʉisim” amkhĩir.

Hechos 3:19

Pãachdeu i dʉi magtarr jũrr pãach khaibag thumaa ãsie ewag khĩirjunaa Ẽwandamag chugpaapi jeeubat ajim aajem, mag khaibag chugpamkhĩir. Pãach thum israelnaanau magta jeeukhiin, mag Jesús warrgarwe Ẽwandamau jʉr auwi pʉiju aajerr deeu pʉibarm gaaimua Ẽwandamauta pãar kha oneg chukhu narrjã kha onee apijugui ajim aajem.

2 Corintios 7:10

Ar dich khaibag gaaimua Ẽwandamau maach okhĩirjuu api sĩeb mamʉ, warag irigta dich khaibag thum isegpi jeeuwain i dʉi khõinaa nʉisiejem. Magbarm aigmua khanthee tag okhĩirjuu aju. Pari ar sĩi amach khaibag gaaimuapai okhĩirjuu nʉmta ãsie ewag khĩirjuwia Ẽwandamagjã jeeubam chan pod peerdʉbam.

Colosenses 1:13

Meperau maach sĩi khĩmie durrag phe arraag ichta maach khãai ʉ̃rpai sĩerrjã, ʉu ich Ẽwandamauta maach peerdʉ auwia jũrr ich Iewaa ichdeu jãsene aajemta maach Porkhapijim,

2 Timoteo 2:25

Mag jaauwaijã ar warag chaaur ʉkha ʉkha sĩerrjeem khʉʉnagjã jaau khaphʉ ithũu jaauju aai sim. Maadeu khaugbam, mag ithũu jaaumam gaaimua khãijã Ẽwandamau am khĩirjug ichig khĩirjupi auju. Mag akhiin khaugbaju arr khãijã ʉu Ẽwandam iek chaar khaphʉ aadeewai

Hebreos 6:1

Keena, maguata maachin warag naagta wet ahaug maju, warag i iek khaugmamua ag gaaita jooinpaag. Mamʉ magaag chan Cristo iek jaau nʉm ũurwai nacha maachdeu khaugtarrpaita khaphʉ wenʉrraju abam. Jãg sĩi: dichdeu nem khaigbam waaujerr isegwi Ẽwandamag chugpaapi jeeu nʉmpai khaba, dichdeu Ẽwandamau maach peerdʉajem iek ʉkha nʉmpaijã khaba,

2 Pedro 3:9

Khar õrau jaaujemjo mʉg i da beeba sim chan mag ichdeu nem magju atarrjã ãsie wauba aajeewai khabam. Jãan ichdeu iwiir ãbjã okhoopimapha sĩewai ich bee nʉm ora thumaam khʉʉnau ãsie amach khaibag isegwi ichig chugpaapi jeeumkhĩirta jãg da beeba sim.

Apocalipsis 2:21

Í jãg simʉn irua sĩi oo chirʉm aajem, chi Jezabelau jãg nem khaigba wau sim thumaa ãsie ewag khĩirjuwia magʉm khaibag ichig chugpaapi jeeumkhĩir. Mamʉ magʉmta jeeujojoopaijã khaba, ni jãg sĩi emkhooin parhoobam dʉi sĩerrʉmjã ich jua pʉaba, ich agtha sĩerrʉm anʉm.

Apocalipsis 2:5

Magua irua pʉrʉg, khĩir eyaa abá a sim; i iek warr pʉ jãg khaba sĩejim aajem. Ãsie ewag pʉch khaibag khĩirjuwia iseg jeeubá, warr pʉchdeu i khõsi aajerrjo i khõsi aag. Mamʉ pua magbamʉn, pʉ aar mawia i iek irua warre pʉ iglesia lámpara sorjo isegpʉiju aajem, tag igba aag.