San Mateo 3:1 - Wounaan Meu

¹ Warrcha Juan chi õor por choomieu Ẽwandam iek jaaubaadem jaar, Judea durr bʉ̃ʉrjã õor chukag eeta sĩejeejim aajem. Mam ich sim aar õor maawaita amag jaaumamua,

Woun Meu

¹ Warrcha Juan chi hõor pör choomieu Hẽwandam hiek jaaubaadëm jaar, Judea durr bʌ̃ʌrjã hõor chukag heeta sĩejeejim haajem. Mam hich sim haar hõor maawaita hamag jaaumamua,

San Mateo 3:1 Iomraidhean Croise

San Mateo 11:11

’Magua, mua pãrag mʉch imeerba jaau chirʉmgui ajim anʉm ich Jesuu: Warrgar Ẽwandam i jaaujerr khʉʉn eejã Juan chi õor por choomie khãai ʉ̃rʉʉcharam chan ãbjã chukhu ajim. Mamʉ chi mʉ iek ũrwia, mua nem waubarmjã khaphʉnaa, Ẽwandamta ich thãar ee au sim wounan chadau, maadeu nem igba khitawiajã, Juan khãyau khapcha ajugui ajim anʉm, jãga Ẽwandam ichdeu õor peerdʉ atham thãar ee sĩeicheejẽ.

San Mateo 11:7

Mag chi Juan khapeen ich aig naawi deeu ereubaadeewai, ich aig narr khʉʉnagta Juan igwi iekhamamua amag magjim anʉm: —Pãrau Jordán igaau woun Ẽwandam i jaau nʉrrʉm oon weetwai, ¿sĩi woun iek theeg chukhu phũu choomaar sõsõii jũurba ahau aajemjokhamta oon wetjierrá? Magʉm woun khabajim.

San Mateo 16:14

Magbaawai marau irig, —Am iek pʉ Juan chi õor por choomie aajem; deeum khʉʉnau jaauwai pʉʉta Elías aajem, warrgar Ẽwandam i jaaujerr; wa magba Jeremías khabam khai, dewam khãijã aajem, agjo Ẽwandam i jaaujerr.

San Mateo 21:32

¿Jãgwi mag chirʉ́? Juan chi õor por choomieu, jãga Ẽwandam dau na wenʉrraju aai nʉ a jaaumam ũrwi pãrau ʉkhabam daar, amauta pãar khãaijã ʉkhatarr aawaima. Pari pãrau magba irua jaau nʉrrʉmjã ũrnaa irua nem waaujerrjã pãach daúacha oojerrta, pãach khaibag khĩirjuwia Ẽwandamagjã chugpaapi jeeubajierramgui ajim amach khĩircha.

San Mateo 3:8

Sĩi pãach por choopi nʉmuapai chan irua pãar aubam ajim anʉm. Ẽwandam jua machgau dau aphʉʉ amapha nʉm khai, pãach khaibag thumaa ãsie ewag khĩirjuwia, Ẽwandamag isegpi jeeuwia, chadcha Ẽwandam iek ʉkhaajem khʉʉnjo abat ajim anʉm, pãach khapeen dʉijã.

San Marcos 1:15

Mag Ẽwandam iek jawaanta marr aawai ichpai igwia jaaumamua, “Warrgurwe Ẽwandamau Juan ẽudee woun ãb pʉiju a jaaujerr ĩsta barbaichemgui” ajim anʉm. “Maagwai ĩsin chad Ẽwandamau thumaam khʉʉn ich denkha aum khõsita sim. Pari magaagan pãach khaibag ãsie ewag khĩirjunaa iseg nʉm dʉi thãraucha maach peerdʉajem iekta ʉkhabat” aajeejim aajem ich Jesuucha õrag.

San Marcos 1:2

Warr jooingar Ẽwandam i jaaumie Isaías khararrag Ẽwandamau ich iek phãpiewai ich Chaai pʉijuuta jaaujim anaabá. Pari mag ich Chaai pʉiju na deeum igwia ich Chaairagta magjim anʉm: “Iewaa, mua pʉ na mʉch iek jaaujem pʉiju. Mag wounauta pʉ na pʉ maju ee õrag pʉ barju jajawagmaju, thumaam khʉʉnau pʉ iek ũrm khõsi sĩi pʉ nʉ naamkhĩir” ajim anʉm. (Mal. 3:1)

San Lucas 1:76

Mag nacha Mariaau chaai ooju igwia iekha dichtarr khur jũrr ich chaai igmamuata jooirau magjim anʉm: “Iewaadam, pʉʉta Cha Ʉ̃gthaa Phuu Nʉm ag i jaaumie a thʉ̃rju. Puata maach Por maju ee i na õrag, ‘Maach peerdʉajem ya beeimʉʉ sim’ a jaaumaju, ya mag jaaubarm ũrwia õrau i pierrwai amach thãraucha khõsi i iek ʉkhamkhĩir;

San Lucas 7:24

Maimua chi Juanau chogpʉitarr khʉʉn ereu phobaadeewai chi Juan igwiata Jesuu õrag magjim anʉm: —Pãrau Jordán igaau woun õrag Ẽwandam i jaau nʉrrʉm oon weetwai, ¿sĩi woun iek theeg chukhu phũu choomaar sõsõii jũurba ahau aajemjokhamta oon wetjierrá? Magʉm woun khabajimgui ajim anʉm.

Hechos 1:22

Mag maadeu jʉr aujuun, ĩchab maachjo Jesús dʉi ogdʉba wenʉrranaa ĩchab warrcha Juan õor por choomieu Jesús por chootarr aigmua ewag pawiajã khĩeb ich Jesús ʉ̃gthar ma nʉm ed gaai ich mag maach dʉi ogdʉba wenʉrraajerr khʉʉn eemta jʉr auju aai nʉmgui ajim aajem.