San Mateo 26:10 - Wounaan Meu

¹⁰ Mamʉ am mag iekha nʉm ich Jesuu ũr sĩerr aawai, —¿Khantheeta pãrau chikham khĩir naaupi nʉma? Irua ʉuta jʉ̃gdeeu mʉ por khooi sĩebahab ajim amag.

Woun Meu

¹⁰ Mamʌ ham mag hiek'a nʌm hich Jesuu hũr sĩerr haawai, —¿K'ant'eeta pãrau chik'am k'ĩir naaupi nʌma? Hirua hʌ̈uta jʌ̃gdeeu mʌ pör k'ooi sĩebahab hajim hamag.

San Mateo 26:10 Iomraidhean Croise

San Mateo 26:11

Mʉig eegar dau aphʉʉ khitheem khʉʉnan pãrau ich jãg pãach dʉi oo wai wenʉrraju, mamʉ mʉ chan tag pãar khĩir chitabamgui ajim.

San Mateo 26:9

nem parhẽpag perpʉiwi ag phatkhonau dau aphʉʉm khʉʉndamag ʉu nemdam au deeju ãb sĩerrtá.

San Marcos 14:6

Mag bigaaum khʉʉnau magbaawaita jũrr ich Jesuu amag, —¿Khantheeta pãrau mag ʉʉi khĩir naau iekha nʉma? ajim anaabá. Jãgbarmua irua mʉ dʉi ʉu abarm khabahab; ideu i sĩi khajapha sĩubat ajim anʉm.

San Lucas 8:49

Mamʉ agtha mag i iekha oba nʉm ee, woun ãb beejim aajem, mag judionaan Ẽwandam iek jaaujem degam chi por Jairo anʉm di aarmua, i ẽudee. Mag beewia chi Jairoog, —Kake, ya aaunaanaujã pod ãwatba abarm. Ideu Maestro sĩubá. Ya par maach aar i mabajup aichejim anʉm.

2 Corintios 9:8

Pãrau magta amʉn, Ẽwandamaujã pãrag nem wajapham pom deewia maimuajã khĩirpierr dʉrrchata deeju, pãachdeu nem ig nʉmdam paraa amkhĩir, mag dʉrrcha wai naawai jũrr bigaaum khʉʉndamau mag chukhu nʉm khʉʉnagjã agjo dedee amkhĩir.

Gálatas 1:7

Mamʉ mʉ iek ũrbat: deeum iek maach peerdʉajem chan tag chukhum; pãrag jãg nem jaau wenʉrrʉm khʉʉnaun sĩi warag pãrau ʉkhajujã khaugba apijuuta ẽkha wenʉrrʉm khabahab, magʉm gaaimua Cristoou chadcha maach peerdʉ aaujem iekta jũrr ag eyaajã khaba parhoob amachdeu jaaum aig jawaag.

Gálatas 5:12

Maestronaan anʉm khʉʉnta khaugab jãg parhoob nem jaaunaa meheujã phʉʉrbichpi jaau nʉm gaaimua ideu pãar khajap sĩuba nʉm khʉʉnan, mag bʉchkhunpai phʉʉrbichpi jaauju khãai amach phãrrta wir aig amachdeupai warre japʉinaa tag pãar molestaaba akhiin ʉucha akham.

Gálatas 6:17

Keena, mʉ ajim mua pãrag jaaum ig chirarr. Mʉigmua atag chan ni ãbmuajã tag mʉchig mag dich khakhua dauchachpi jaau nʉm iek igpimapha chirʉm. Magʉm dauchachta igju khãai, Cristo iek jaau chitʉm gaaimua õrau mʉ pʉrnaa wʉ wai nʉmua pedphemarrta mʉch mor gaai chadcha dauchachjo wai chitʉm. Jãgʉm oo nʉm gaaimuata õrau khaphʉ aju aai nʉm, mʉ chadcha i chogkha chitʉm.

Efesios 2:10

Mamʉ warrgarwe Ẽwandamau khĩirju wai sĩerrjo ich athee mag nem ajapha wau wenʉrramkhĩirta Cristo gaaimua maach peerdʉ autarr aawai, maadeun chadcha nem ajaphamta wauju aai nʉm; pari majã dich peerdʉ aumkhĩir khaba, sĩi Ẽwandamau mag khõsi sĩewaita mag wauju aai nʉm.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

1 Timoteo 3:1

Mʉgʉm iek chan seukhaawai khabam keena: Ãb khãijã ichta Ẽwandam iek ʉkha thʉnʉm khʉʉn porkham khõsi khĩirju sim khai, magan agchata khĩirju sim, phidag ajapham gaaita pʉrju khĩirju sĩewai.

1 Timoteo 5:10

Magnaa ĩchab amau nem ajapham waaujemta ooju aai nʉm, khan nem agá: ¿Amach chaain ajapha bãaukhapʉiwia jooin ee agpierraa wenʉrrʉ́? ¿Õordam parhoobam khʉʉn amach aig beewaijã, amach deg jẽerpim khõsi jẽerpinaa, am dʉi o ajaphanaa, amach khapeen Ẽwandam iek ʉkha nʉm khʉʉn atheejã bʉ̃ʉrjã nem waumapham aba sĩi nem par daúa ooba khithee aajẽ, ya “Maar jãgʉm athee khaba nʉm” a iekhaba? ¿Õor khamor masi wa gaai masi khãijã aawai, dau aug khaugwi dʉi nem par daúa ooba aajẽ? Magʉm appaijã khaba, ¿tag nem parhoobamdam wau nʉmua õrau am eugar ajapha ig iyʉʉ aajẽ? Magʉm nem thum chadcha waaujem pãachdeu khaphʉ nʉm khai, magan amau nemdam ig nʉmjã oob sĩi par daúa oomiet.

2 Timoteo 2:21

Mua pʉrʉg jaaukhim, mʉ iek ũrbá: Maach chan mʉg nʉm aig sĩi parhooba jua chogaag atheem nemjo khaba, nem wajapha wau nʉm gaaita maach Por Cristoog ʉdʉraa dichta ich jua choogjem khapiju aai nʉm. Mamʉ magaagan i dau na bʉ̃ʉrjã khaibag chukhuta naaju aai nʉm. Mag khaibag chukhuta nʉmʉn chadau, irua ichdeu igam aig maach igju, ich athee nem wajapha waumkhĩir.

Tito 1:16

Amachdeupain aman Ẽwandam denkha nʉm aajem; mamʉ amach nem wau nʉm gaaimua merag chukhu sĩerrjeem, sĩi par iiupaita mag nʉrrjeem aawai. Amach mag wenʉrrʉm gaaimua õraujã am kha isee aajem. Ʉkha nʉm anʉmta warag Ẽwandamau nem waupi jaau sim ichaaurta ʉkha ʉkha sĩerrjeem. Jãgʉm khʉʉn chan bʉ̃ʉrjã serbiibata sĩerrjeem nem ajapham wawaag.

Tito 2:14

Ich mag Jesucristota maach kõit ʉdʉraa ich thõopijim, magbarmua maach khaibag thum chugpaapʉiwia maach peerdʉ awaag, mag peerdʉ auwia ya ich den chaarkha nʉisiewai jũrr ãba ich atheepaita nem ajapha waum khõsi wauju khĩirju wenʉrramkhĩir.

Tito 3:1

Tito, pʉch aig chi ʉkha durrum khʉʉnag deeu phʉʉrba jaaubá, mʉg jẽb gaai chi porkha thʉnʉm khʉʉn ipierraanaa ĩchab nem wajapham wawaagjã sĩi nem par daúa ooba amkhĩir.

Tito 3:14

Thum ar maachjo Ẽwandam iek ʉkha durrum khʉʉnaujã ĩchab magta dich khapeenau nemdam ig durrum oowai sĩi par daúa ooba aju aai nʉm. Magta maadeu o ajapha chikham juag oo wenʉrrʉmʉn, magan ʉu maach par khábata wenʉrrʉm.

Tito 3:8

Mua cha jaau chirʉmʉn chadcharam iekhau. Maguata muan pʉrʉgjã ich magta amag jaau nʉʉ apim khõsi chirʉm, ar Ẽwandam iek ʉkha durrum khʉʉnaujã ãba nem ajapha wau nʉm gaaipai durramkhĩir. Pãrau magta amʉn chadcha ʉu kherʉm, õrau nemdam ig nʉmjã pãrau par daúa ooba naawai.

Hebreos 13:21

Mag Ẽwandamagta muan pãar kõit jeeu chirʉm, ichdeuta ichjo warag pãar ajaug paamaawai ichdeu khõsimjo pãachdeu nem wau nʉmjã thumaa ajapha obeber amkhĩir. Magnaa ĩchab Jesucristoog ʉdʉraa maach Porkhapi nʉm gaaimuata Ẽwandamau maach dʉi ichdeu am aig amkhĩir irigta jeeu chirʉm. Mag nʉm dʉi ĩchab thumaam khʉʉnag maach Por Cristota mʉg atag pawiajã ich mag tho iekhapim khõsi chirʉm.

1 Pedro 2:12

Ẽwandam iek ʉkhabam khʉʉn daarjã nem ajaphata waaujeet. Maagwai amau pãar eugar õor khaigbam khʉʉn eugarmjo iekhawiajã, Ẽwandam beem edjã chadcha pãrau nem ajapha waaujerr khĩirjunaa jũrr amau, “Jãgan chadcha amau nem ajaphata waaujeejiebma” aju.