San Mateo 24:3 - Wounaan Meu

³ Mag Aai i jeeujem degmua oberwi ereubaadeeu jũrr Olivo durrsĩig wetjim. Maimua barwi maar na jupbaimaawai maach chi khapeenjã dʉi i bigaau ohood aimajim. Maimuata marau irig jeeu naajim: —¿Jãagwaichata mag pʉchdeu jaau simjo mag Aai i jeeujem di pogueupʉijuma? Maimua mag pʉ deeu beeju anʉmjã, ¿khan gaaimuata mag pʉ deeu beeju dakpapakhamjã marau khap ajuma? anaajim.

Woun Meu

³ Mag Haai hi jëeujem degmua höbërwi hërëubaadeeu jũrr Olivo durrsĩig wëtjim. Maimua barwi maar na jupbaimaawai maach chi k'apeenjã dʌ̈i hi bigaau hohood haimajim. Maimuata marau hirig jëeu naajim: —¿Jãagwaichata mag pʌchdëu jaau simjö mag Haai hi jëeujem di pogueupʌ̈ijuma? Maimua mag pʌ deeu bëeju hanʌmjã, ¿k'an gaaimuata mag pʌ deeu bëeju dakpapak'amjã marau k'ap hajuma? hanaajim.

San Mateo 24:3 Iomraidhean Croise

San Mateo 13:36

Mag õrag ejemploou nem jaau obaadeewai õrag wetpi jaaujim. Maimua thum ereubaadee ich jẽer sĩerr di aar majim. Maig maach appai aphobaadee, marau irig maachig jaaupijim, mag phũak dau khaigbam trigo eeu jĩir wejom ee photarr.

San Mateo 13:49

Ich jãgta ajugui ajim ĩchab Ẽwandamau pãar dʉijã, mʉg durr ichdeu i agkhabarm ed. Ẽwandamau ich chognaanag õor khaigbam khʉʉn chi wäjäaun eemua khĩet theerpi jaauju;

San Mateo 15:12

Irua magbapäaiwai maach chi khapeenauta irig, —Fariseonaan iek, mag pua magbarm aig, am khĩirta iekhabapʉim aajem anaajim.

San Mateo 16:27

Mʉgnaa mʉ Ayau mʉg durr i agkham edjã mʉchta ichdeu jua theeg deetarr dʉi i chognaan angelnaanpa beewi, mʉig eegar amach nem waaujerrpierr aju am dʉi: chi nem wajapha waaujerr khʉʉn dʉijã ich agjo maimua nem khaigba waaujerr khʉʉn dʉijã ich agjo.

San Mateo 16:28

Cha mʉ iekha chirʉm iekhau ãaur khʉʉn cha mʉ iek ũr nʉm khʉʉn chan mʉch chi Emkhooi Iewaa thumaam khʉʉn Porkha beeju edamjo aadem oobam aigjã meebajugui a jaaumajim.

San Mateo 17:19

Mag chi chaai monaautarr khur maach ap paaukhawi marau ich Jesuug, —¿Jãgwi marau pod jãg chaai mor eem mepeer obeerpi aubajĩ? a jeeujim.

San Mateo 21:1

Mag wetumua ya Jerusalén dakha Olivo durrsĩ gaai deeum phobordam Betfagé anʉm paaukhabaimaawai ich Jesuu maach ich dʉi wenʉrraajerr khʉʉn eem numí thʉ̃rnaa amag,

San Mateo 24:27

Mʉch chi Emkhooi Iewaa beewain, thumaam khʉʉnauta mʉ oojugui ajim, ich jãg edau obeerjem garmua ed burrjemʉg sĩi pagthʉm dau phʉr jẽer athaawai edjã thum arar atham oojemjo. Magua õrau mag pãachig ya barbaichem a jaauwaijã oob ʉkhamiet ajim.

San Mateo 24:30

Magbaadem eeta edjã eejã mʉch chi Emkhooi Iewaa urum dauchach dawaa oopijugui ajim. Mag oowi durrpierram khʉʉn jãphierr nʉm iekhau icharaucha bĩe nʉmuata mʉch chi Emkhooi Iewaa nem jua theeg thumaam khʉʉn Porkha urum oojurau.

San Mateo 24:37

’Jooingar Noé khararr jaar dohãdau õor opäaiwai thʉnaajerrjo thʉnaaju ĩchab mʉg atag mʉch chi Emkhooi Iewaa bee nʉm jaarjã.

San Mateo 24:39

Mamʉ am mag onee bʉ̃ʉrjã amach chig ajujã khĩirjuba nʉm ee, dohãd pom beewi, jẽb ierrpawi, thumaa odubjierram. Mʉch chi Emkhooi Iewaa bee nʉm jaarjã ich agjota ajugui ajim. Amau bʉ̃ʉrjã amach chig aju khĩirjuba nʉm ee, degolp mʉʉn dʉnʉʉucheju a jaaujim.

San Mateo 24:43

Pãrau khaphʉ nʉm, ãbmua khãijã ich di aig nem jĩgmienau nem jĩgkhaan beeju ora khaphʉ akhiin, khãijã khãiba ich mag dau phug eeju ʉdʉʉr ich nem jĩgkhapiba.

San Mateo 28:20

Mag nʉm dʉi ĩchab mua pãachig jaaujerrjo Ẽwandamau nem waupi jaaumamta i ipierraa waupi jaaubat ajim, ich jãg pãachdeujã mʉ ipierr wenʉrrʉmjo. Mʉʉn mʉchin Jooirau mʉg durr i agkha nʉm aar ich mag ed eepierr pãar dʉi chitajugui a jaau pʉajim maachigcha.

San Lucas 21:7

Magbaawai i khapeenau irig, —Maestro, pʉ iek mag jãg mokdau joothʉthʉʉd thʉnʉm thum õrau pogueupʉiju anʉm, ma ¿jãagwaichata magjuma? ¿Khan jãg nʉm gaaimua Ẽwandamau ijaaurjo oopijuma ajim anʉm, mag Aai i jeeujem di pogueupʉimʉʉ pam?

Hechos 1:7

Magbaawai Jesuu amag magjim aajem: —Ẽwandam ichta thumaam khʉʉn khãai nem jua theeg simua ichdeupaita magʉm nem thum khap aju arr aawai pãrau chan bʉ̃ʉrjã magʉm khap aju aai khaba nʉmgui ajim anʉm, jãagwaita magju, wa khan edta magju khai.

Hebreos 9:26

Maataa, mag biek ãbpai ich thõopibarmua nemchaain bag denjo pod õor pekau chugpaa auba arr amuan chad, phadnaanau biek khapan nemchaain kheechjerrjo mʉig jẽb gaai õor nʉisierr aigmua agjo biek khapan õor pekau paar ich thõopienjã udkhʉrrkhakha aajeekham. Pari magba ĩsta ya Cristo udthurwi biek ãbpai warrgarm khʉʉn kõitpa ich thõopibarm. Mag ich thõopibarmuata mag nemchaain kheechjerr tiempojã opʉiwi ya jũrr õor peerdʉju ayaam jaar khabapʉim.