San Mateo 21:3 - Wounaan Meu

³ Mag pãachdeu ẽer waidurum oowi ãbmua khãijã pãachig iekhaawai irig, mua ig chiraawaita arrum, mamʉ deeu jopcha deepʉiju abat a jaaujim, chi mag ichdeu pʉi sim khʉʉnag.

Woun Meu

³ Mag pãachdëu hẽer waidurum hoowi hãbmua k'ãijã pãachig hiek'aawai hirig, mua hig chiraawaita harrum, mamʌ deeu jöpcha deepʌ̈iju habat ha jaaujim, chi mag hichdëu pʌ̈i sim k'ʌʌnag.

San Mateo 21:3 Iomraidhean Croise

San Mateo 21:2

—Cha maach khĩirphee phobordam sim ee ereubaadet ajim. Nau pãrau burro chi ʉʉidam pabʉ gaai jʉ̃ sim ooimajugui ajim. Ag bigaau ĩchab chi chaaidamjã sĩeju. Mag pãachdeu oobaimam ẽerwi aipidut ajim amag.

San Mateo 21:4

Pari mag burrodam awaan mamkhĩir ich khapeen pʉitarran, Ẽwandam i jaaumie Zacarías khararrau phã pʉatarr eyaa obermkhĩirta magjim. Mag irua phãtarr gaai mag sim:

San Juan 17:2

Mʉ pʉch Iewaa aawai pʉchdeuta mʉrʉg mʉg durr gaai thumaam khʉʉn khãaijã iek theeg ʉ̃rpai apinaa, pʉchdeu mʉch iek ʉkhapimam khʉʉnjã ĩchab mʉch dʉi ich mag wenʉrraju aai apieg ʉu pua mʉrʉg pʉch jua theegjã deejimgui ajim.

San Juan 3:35

Chi Ayaujã ich Chaai jãsene wai sĩewai nem thʉnʉmjã thum ãba irigta jaaubajieb.

Hechos 17:25

ni õor juajã igba sĩerrʉmgui ajim anʉm, ichig sĩi nem wau dedee amkhĩir. Mag õor jua igju khãai, ichdeuta maach ʉu iiupi wai sĩenaa, cha maadeu phũdam ʉ̃ihʉ̃i nʉmjã deenaa, tagam nemjã thum deejemgui a iekhamajim aajem Pabloou.

2 Corintios 8:16

Mua Ẽwandamag ʉu ajim a chirʉm, ichdeuta mua pãar khĩirju chirʉmjo Titoogjã pãar khĩirjupi sĩewai.

2 Corintios 8:9

Pãrau ni ãbmuajã meraa khaba nʉm, jãga maach Por Jesucristojã Ẽwandam dʉi ãba sĩerr aawai dau aphʉʉ khaba sĩerrta ich khĩrau mʉg jẽb gaai beewia dau aphʉʉ ajĩ maach gaaimua. Pari juau ogthom mag ich dau aphʉʉ apitarran, ich magbarm gaaimua jũrr Ẽwandamau maachta ich Cristo dʉi ãba wenʉrramkhĩir ajim. Magua Cristo gaaimua maach khodkha nʉm khʉʉn dau aphʉʉ oowai am dau aug khaug paraa abat.

Santiago 1:17

Ẽwandam edjã ee nem thʉnʉmpa wautarraun maachig nem thum nem ajapham appaita deejem. Ich chan maach mʉig eegarm khʉʉnjo cambibierrso khaba sĩerrʉm. Mag sĩewai prueba ee nʉm aigjã iruata magʉm khĩirjug deejim awi i gaai thʉju khaba nʉm.