San Mateo 2:3 - Wounaan Meu

³ Mag judionaan rey thaababarm anʉm ũr athaawai chi rey Erodes warre khakhaisamjo aadejim anaabá. Mag nʉm dʉi tagam khʉʉn chi Jerusalenpienjã jʉ̃gderraata aphobaadejim anʉm.

Woun Meu

³ Mag judionaan rey t'aababarm hanʌm hũr hat'aawai chi rey Herodes warre k'ak'aisamjö haadëjim hanaabá. Mag nʌm dʌ̈i tagam k'ʌʌn chi Jerusalenpienjã jʌ̃gderraata hap'öbaadëjim hanʌm.

San Mateo 2:3 Iomraidhean Croise

San Mateo 2:2

Mag beewi bardʉtkhachewi, judionaanag, —Pãar rey thaabatarr, ¿jamta wai nʉma? I thaababarm jaau sim phĩdag maach daúacha ootarr aawai iita marau jʉr wedurumgui aajeejim anʉm, iita judionaan reikhaju aawai i ajaug tho iekhaan.

San Mateo 2:4

Magbaawai chi rey Erodeeu phadnaan chi pornaan thum Moiseeu Ẽwandam iek phã pʉarr jawaag chi machnaanpa thʉ̃rkhʉʉipʉiwia amag, —¿Jamta mag warrgarwe Ẽwandamau pʉiju jaaujerr thaabaju aajẽ? ajim anʉm.

San Mateo 23:37

Mag Jerusalén phobor ee Aai i jeeujem deg simua ʉapermamua magjim: —¡Eh! ¡Aay, Jerusalenpien! Pãraun chadcha warrgarweta Ẽwandamau ich i jaaumkhĩir chogpʉi nʉm khʉʉnjã kha khõchkhaba, warag mokoujã bar wai nʉmua khechpʉimaajemgui ajim. Biek khapan mua pãrag jaaujeejimgui ajim, ãthãrr ʉʉirau ich chaaindam thumaa ich ich eegar thoor wai juupjemjo pãar thʉa wai chitaag. Mamʉ magtarrjã pãachdeuta bʉ̃ʉrjã mag khõchkhabajierram.

San Mateo 24:6

Juurhi phiidʉju theeg jajaaukhamjã pãrau ũrjugui ajim. Mamʉ pãachdeu mag ũurwai oob jãphierrmiet. Ichiita jerrba chadcha ich mag aju. Magjup mamʉ ma chan agtha Ẽwandamau pãar i agkha nʉm khabamgui ajim.

San Mateo 8:29

Mag i dakha beewi i thʉ̃rcha thʉ̃rthʉ̃rnaa irig, —Jesús, Ẽwandam Iewaa, ¿khantheeta pʉ maar dʉi mʉgbaichema? Mʉʉgwaiwe chan oob maar chig a chiram ajierram anʉm, mag chi dosãt ben wai narr khʉʉnau.

San Marcos 13:7

’Juurhi phiidʉju theega jajaaukhamjã pãrau ũrjugui ajim anʉm. Mamʉ pãachdeu mag ũurwai oob jãphierrmiet. Ichiita jerrba chadcha ich mag aju. Magjup mamʉ ma chan agtha Ẽwandamau pãar i agkha nʉm khabamgui ajim anʉm.

Hechos 4:2

Mag beewi makhʉʉnau am dʉi meeukhabaichejierram aajem, Pedroou Juan dʉimua jãg Jesús iiu phiidʉtarrjota maachin thum iiu phiidʉtkhaju a jaau nʉm ũrchewia.