San Mateo 2:12 - Wounaan Meu

¹² Mag agtha am aig nʉm ee, ich chi Ẽwandam chogau khãai khõrg ee tag amag Erodes gar dichpiba jaautarr aawai, ag garjã dichba, deeum khʉd garta phʉʉrdʉ dichwi amach durrag wetjierram aajem.

Woun Meu

¹² Mag hagt'a ham haig nʌm hee, hich chi Hẽwandam chogau k'ãai k'õrg hee tag hamag Herodes gar dichpiba jaautarr haawai, hag garjã dichba, deeum k'ʌd garta p'ʌʌrdʌ dichwi hamach durrag wëtjierram haajem.

San Mateo 2:12 Iomraidhean Croise

San Mateo 1:20

Ya irua mag pʉaju khĩirjubaademta, Ẽwandam chog ʉ̃gtharmua beewi irig, —José, David khararr chaain ewagam khʉʉn bi eem, oob pʉch ʉʉi pʉaju khĩirju chiram ajim anʉm. Jãg chaai irua bi ee wai sim chan deeum den khaba, ich Ẽwandam Akharauta jõorpitarr khabahab ajim anʉm.

San Mateo 2:13

Mag chi magonaan ereutarr khur Ẽwandam chogau deeu José khãai khõrkhapi auwia irig jaaujim aajem, Erodeeu chaai thõopʉyaag jʉrpiju. “Mamʉ magju nawe phiidʉtkhawi jopkhaa chaai dʉi Egiptoog ereubaadet” ajim anaabá. “Mua jaaubam aig chan oob mammua beemiet” ajim anʉm.

San Mateo 2:19

Pari chi Erodes meetarr khur, agtha chi José mam Egipto nʉm ee, Ẽwandamau ich chog pʉiwi khãai khõrkha thʉnʉm eeta irig,

San Mateo 2:22

Pari mag chi rey meebaadeewai, chi iewaa Arquelao a thʉ̃r sĩerrta jũrr Judea durr ich aaijo reikha sĩsim a ũrbaawai, agʉg maju ogkhajim aajem. Mag nʉm ee ĩchab deeu Ẽwandamau khãaipi athaawai, Ẽwandam chogaujã magʉg mapiba jaautarr aawai jũrr Galileaagta ereujim anaabá.

San Mateo 27:19

Magnaa õor dakhĩir ich juupjem sie gaai oo sĩsijim anʉm. Mag oo simta i ʉʉirau irig, —Jãg wounan õor wajaphamʉuwai; oob jã chan khaibag waupi jaaum. Edaar mʉ khãai khõrkhaa khaibag khãai khõrkha ʉajim i gaaimua a jaaupʉijim anaabá.

San Lucas 2:26

Magua ich mag Ẽwandam Akharau ichig jaautarr aawai jooi Simeonau khaphʉ sĩejim aajem, ich daúacha ooju maach Por Ẽwandamau mʉg jẽb gaai Cristota Reikhamkhĩir pʉiju a jaaujerr.

Hechos 10:22

Magbaa amachdeu, —Maar beejimgui ajim anʉm, capitán Cornelioou chogbapäaiwai. I iek mag Ẽwandam chog beewi irig pʉ jʉraan õor pʉipi jaaujim aajemgui ajim anʉm, mag pʉ i di aar petaawai pua nem jaaumam ichdeu ũraag. Jãg capitanan chadcha õor ajaphamʉu. Ẽwandam dau najã agpierraa aajeewai Judionaanaujã thumaam khʉʉnau i kha khõsi aajemgui ajim aajem Pedroog.

Hechos 4:19

Mamʉ amachig magbaawai Pedroou Juan dʉimua jũrr amag, —Pãrau khĩirjuawai, ¿jãga ajapcha sĩ ajierram anʉm, Ẽwandam dau na? ¿Ẽwandamau nem jaau sim ipierraa aju khãyau pãrau nem jaau nʉmta marau ʉ̃rcha ipierraa aju aai nʉwi? ajierram anʉm.

Hechos 5:29

Magbaawai Pedroou agjo ich khapeen Ẽwandam i jaaumkhĩir jʉr autarr khʉʉn kõitpa iekhamamua magjim aajem: —Sĩi õor ipierraa aju khãyau, Ẽwandamau nem jaau simta marau agpierr wauju aai nʉmgui ajim anʉm.

1 Corintios 3:19

Ẽwandamagan mʉg jẽb gaaipaim khĩirjugan sĩi warag õor lokiepiejem khĩirjugau. Magʉm khĩirjug igwia Ẽwandamau ich i jaaumienag phãpitarr gaai mag sim: “Muan mʉg jẽb gayam khĩirjug khaugkham khʉʉnjã amach khĩirjug khaug gaaimuapai imeraa phithurg chukhu pʉr auwia khaibag ee päaijem” a sim Ẽwandamau. (Job 5:13)

Hebreos 11:7

Jooi Noeeujã ĩchab Ẽwandamau ichig mʉg durr gayam khʉʉn dohãdau opʉiju jaaubaawai ʉkhawi, maagwai chan agtha noseg khĩirjã khaugba aajerr ãba, chadcha ichig jaautarrjo barco pom waubaadejim aajem, ag ee ich chaain dʉi peerdʉag. Tagam khʉʉn amach thãar theegau thum pekau ee thʉnʉm daar, mag ich appai ʉkhatarr gaaimuata, tagam khʉʉn thum odubtarrjã, ichin ʉu Ẽwandamau peerdʉ auwi ich aar auju ayaa apʉijim.

Hebreos 8:5

Ẽwandamau Moiseeg mʉig eegarmua ichig jeeumkhĩir di eupi jaauwaijã irig, “Ajapha oonaa Sinaí durrsĩ gaai mʉchdeu pʉchig ʉ̃gtharm di oopitarrjoota eubá” ajim anʉm. Magtarr aawai mag phadnaanau mʉig eegarmua õor kõit nem wau durrumjã sĩi ich Jesuu ʉ̃gthar Ẽwandamag jeeujem degcha wau simjo ajuuta ẽkha durrum, mamʉ pod agjocha wauba nʉm.