San Mateo 16:3 - Wounaan Meu

³ maimua jũrr edaupherrejã agjo edau ober urum bʉʉu edjã phur thʉnʉm oowi, “Nan edau khõrkhaju” a jaaujẽ? ajim. Pãrau jãg edjã oobarm gaaimuapai ed wärjäug aju wa ed khõrkhajujã nem khaug nʉmta, ¿jãga jãg pãrau pãach daúa mua nem wau chitʉm oo nʉmjã pod khaug auba nʉ mʉ chadcha Ẽwandamau pʉiju jaaujerr? ajim amag.

Woun Meu

³ maimua jũrr hedaup'errejã hagjö hedau höbër hurum bʌ̈ʌu hedjã p'ur t'ʌnʌm hoowi, “Nan hedau k'õrk'aju” ha jaaujẽ? hajim. Pãrau jãg hedjã hoobarm gaaimuapai hed wärjäug haju wa hed k'õrk'ajujã nem k'aug nʌmta, ¿jãga jãg pãrau pãach daúa mua nem wau chitʌm hoo nʌmjã pöd k'aug hauba nʌ mʌ chadcha Hẽwandamau pʌ̈iju jaaujerr? hajim hamag.

San Mateo 16:3 Iomraidhean Croise

San Mateo 11:5

Irig, “Dau khaugba khekhed arr khʉʉn dau wajapha thʉnʉm” abat. “Bʉ wedʉ wedʉ sĩsid arr khʉʉnjã ya wajapha nʉrrjeem. Kach khĩsu sĩsid arr khʉʉnjã wajapha ũr sĩsidʉm. Chi meem arr khʉʉnjã deeu iiu nʉrrjeem, maimua aphʉʉm khʉʉnagjã ĩchab õor peerdʉajem iek jaau chirʉm” a jaaubaimat ajim.

San Mateo 15:7

Magnaa, Chadcha jãg Ẽwandam iek gayam pãachdeu nem jaaujemjo khaba jũrr ag chaaur nem wau sĩerrjeem khapta Ẽwandamau ich i jaaumie jooi Isaías khararrag pãach igwia ich iekhatarr iek mʉg phãpijimgui ajim. Magnaa chadcha ag gayam jaaubaademua,

San Mateo 22:18

Pari Jesuu ya mag am ibepwi khĩirju nʉmjã khaphʉ sĩerr aawai jũrr ich garmua amag, —Pãraun pãach khaugbampii naabma, ¿khanthee pãrau jãg mʉ imeraa pʉr auju ẽkha nʉma? ajim.

San Mateo 23:13

Maimua mag iekhakhagmamua magjim: —¡Eh, pãarjã agjo chi machnaan dʉi Moiseeu phã pʉatarr iek wajapcha ʉʉrkhaajem khʉʉn! Pãran pãachdeuta ʉ̃rcha Ẽwandam iek khaphʉm anʉmta Ẽwandam aar oberjujã khaugba nʉmgui ajim, pãachdeu ʉkhaba nʉm gaaimua. Mamʉ mag nʉmta õrau i aar oberju ẽkhaawaijã warag chi obeerjem doig chawag khecheu ahaukhamjo aajem, õor khũgur wai nʉmua, Ẽwandam iek ʉkhapimaaugau. [

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

San Mateo 7:5

Khĩirjug chukdam, nacha dich dau eem pasurta noi auba aajeeb ajim anʉm, wajapha oog; maimuan chadau jũrr dich khapeer dau eemjã agjo noipʉi nʉm. Magua dichta nacha khĩirjuba aajeeb chikham jawaag. Dichjã agjo chirʉm chan pod dich khapeen jaauju khabam ajim anʉm.

San Lucas 11:44

’¡Eh! Pãarjã agjo chi machnaan dʉi Moiseeu phãtarr iek ajapcha ʉʉrkhaajem aajem khʉʉn. Pãrau khaphʉ nʉm, maach meeun ee nawe õor aukhertarr jẽbdi ʉ̃r dichpiba aajem. Khaugba dichwiajã ichiita maach ãarjem aajem. Ich jãg jẽbdi õor ãrpiejemjota naabahab ajim anʉm, pãarjã. Pãachdeu nem jaau nʉm gaaimuata agjo õor Ẽwandam dau na ãrpi naabahab, mamʉ magʉmta amau khaugba durrumgui ajim anʉm.

San Lucas 12:56

Pãrau magʉmjã khaug ahau aajemta, ¿jãgwia ĩs pãrau pãach daúa mua nem wau chitʉm oo nʉmjã pod khaug auba nʉ ajim anʉm, mʉ chadcha ich Ẽwandamau pʉiju jaaujerr chaarkha chirʉm?

San Lucas 13:15

Magbaawaita maach Por Jesuu irig magjim anaabá: —Woun seunem, ¿khantheeta pʉ mag chitʉ́ma? ajim anʉm. Pãar mag jua ʉ̃ʉijem ed bʉ̃ʉrjã phidkhaba aajem anʉmta, ¿khan jãgwia pãrau pãach cabaai wa phak khãijã do dopien phe arrjẽma? ¿Jãg nʉm chan magan phidkha nʉm khabahab? ajim anʉm.

Hebreos 5:14

Mamʉ magarrau jãg chi jooin nem parhooba khoojem khʉʉnjo, khani ʉu sĩ wa khani ʉu khaba sĩ a khaphʉ simuan chad Ẽwandam iek phithurm ichig jaauwaijã ʉu ajapha khaphʉ aju, ag nawejã ichig jaautarr ee nʉrrʉmuata magʉmjã khaug aumaajeewai.