San Mateo 13:3 - Wounaan Meu

³ Mag mam barjopnaata ejemplodam jaaumamua nem khĩir pogkhe jaaumajim. Mag jajawagmamua magjim: —Woun ãb nemjĩir dau phoon majim aajem.

Woun Meu

³ Mag mam barjopnaata ejemplodam jaaumamua nem k'ĩir pogk'e jaaumajim. Mag jajawagmamua magjim: —Woun hãb nemjĩir dau p'oon majim haajem.

San Mateo 13:3 Iomraidhean Croise

San Mateo 13:4

Mag sĩi phomam atarr aawai ãaurag chi nemjĩir daudam bʉ diichjem ee burrjim aajem. Magbaa nemchaain beewia sĩi khokhʉʉipʉijim anaabá.

San Mateo 13:53

Mag ejemplodamau nem jaau sĩewi jaau aaipabaadeewai aigmua mawia

San Mateo 22:1

Maimua deeu nem ĩgkhamamua õrag nem jaaumamua magjim:

San Mateo 24:32

Mag jaaumamua ich Jesuupai, —Khap amkhĩir pãrag jaaukhimgui ajim: Pãrau khaphʉ nʉm, mʉig Israel durr higo bʉ̃ jãga aajẽ. Ya jãata kher khukhuur aademʉn thumaam khʉʉnau ya chadcha dochʉumie burrju dakpapakham aajem.

San Marcos 12:1

Maimua Jesuu ich aig õor pos thʉnʉm khʉʉnag mʉg nem ĩgkhaadam jaaumamua magjim anʉm: —Woun ãbmua uvado jĩirjim aajem. Mag jĩirwia ag igaau ajapha thuur phʉʉrdʉpʉiwi ich agjo aig di eu kherjim aajem, ag eegar chi uva cho piirjʉwaag. Magnaa ĩchab didamjã nasãdjo ʉ̃gthaa eu dʉnʉʉujim aajem, ag gaaimua warp dawaa oo phʉʉrdʉdʉ aag. Mag nem thum aaipa sĩuwi, chawag mam khõchkhabaadeewai, chi nemjĩirdo deeum khʉʉnag alquilaapʉiwi, ichin jũrr deeum durr warp petajim aajem.

San Marcos 12:12

Jesuu mag nem ĩgkhaadam jaau simua amachta jaau sim khaug athaawai chi fariseonaanau maestronaan dʉimua Asamblea eem khʉʉnaupa ãba ich maigwe i pʉr aum ig naajim anaabá; mamʉ mag i pʉr athaawai jũrr õrau amachta khaigbaju khĩirjuwia warag i dichba amachta ereujim aajem.

San Marcos 3:23

Mamʉ am mag iekha nʉm ich Jesuu khaphʉ sĩerr aawai warag ich aig am thʉ̃rkha auwi amag, —Mua pãrag jeeu ookhimgui ajim anʉm: ¿Pãrau khĩirjuawai meperau ichdeupai wir aig ichjom khʉʉn dawag jʉrkhʉʉiju khai? Meperau chan ben khaigbam chawag jʉrba aajemgui ajim anʉm.

San Marcos 4:13

Maimua amag, —¿Mʉg nem ĩgkhaadam merag chukhu khitʉmjã pãrau khaugbata nʉ? ajim anʉm. Mʉg phithur khaba simjã khaugba nʉm chan magan deeum nem jaaukhiinjã ¿pãrau jãga khaugjuma? ajim anʉm.

San Marcos 4:33

Mag ejemplodampa jaaumamuata Ẽwandamau maach peerdʉ aaujem iek Jesuu jaaujeejim aajem, magʉm gaaimua wajapcha khap amkhĩir.

San Lucas 12:41

Magbaawai Pedroou Jesuug, —Señor, pua mag jaau sim, ¿maragpaita pua jaau chirʉ́, wa thumaam khʉʉnagwa? ajim anʉm.

San Lucas 8:10

Magbaawai ichdeu magjim anʉm amag: —Pãrau khaugam khõsi ũr naawai, mʉchdeun warre pãrag khaphʉ apiejem, jãgata Ẽwandam õor thãar ee sĩeicheejẽ. Mamʉ warm khʉʉnagan sĩi khajapham nem ĩgkhaadamjopaita ĩgkhaajemgui ajim anʉm, amau oo nʉmta oobamjo amkhĩir, maimua ũr nʉmjã bʉ̃ʉrjã khaugbamjo amkhĩir.

San Juan 16:25

’Ĩsin mua sĩi pãrag dawaacha khaba, bigawaapaita jaau chirʉmjo chirʉmgui ajim, khaugpimaphamjo. Pari jãg nʉʉ awia ya ag ed pabaadeewai tag jãg jaauba, warre dawaata pãrag mʉch Aai igwia jaaumajugui ajim.