San Mateo 12:3 - Wounaan Meu

³ Magbaawaita jũrr Jesuu amag, —Mamʉ ¿khani mʉ khapeenau khaigba abar? ajim. ¿Magan pãrau chan Ẽwandam iek phã sim gaai thʉ̃ʉrwai ooba aajeeb, Davidau ich dʉi wenʉrrarr khʉʉn dʉimua amach jãsoo phobaadeewai Ẽwandam atheem pan khotarr?

Woun Meu

³ Magbaawaita jũrr Jesuu hamag, —Mamʌ ¿k'ani mʌ k'apeenau k'aigba habar? hajim. ¿Magan pãrau chan Hẽwandam hiek p'ã sim gaai t'ʌ̃ʌrwai hooba haajeeb, Daviiu hich dʌ̈i wënʌrrarr k'ʌʌn dʌ̈imua hamach jãsöo p'öbaadeewai Hẽwandam hat'eem pan k'ötarr?

San Mateo 12:3 Iomraidhean Croise

San Mateo 12:2

Maig ĩchab fariseonaanjã dʉi narr aawai mag oowi ich Jesuugta, —Pʉde oobá, jua ʉ̃i nʉm ed aawai bʉ̃ʉrjã phidkhaju khaba nʉmta, pʉ khapeenau jãg trigo phierrnaa kho wenʉrrʉm. ¿Pua chan khaugba ab, jãgpai phierr nʉmjã nem pom eeu nʉm dʉi ãba sim? ajierram irig.

San Mateo 12:4

Mag pan parhoobam khʉʉnau khoju khaba, ãba phadnaanaupaita khoju aai naajim. Mamʉ pãrau khaphʉ nʉm, jãga irua Ẽwandamag jeeujem deg dubwi Ẽwandam atheem pan nasãd gaai phe sĩerr auwi khojĩ. Mamʉ mag khotarr paarjã Ẽwandamau i chig abajim.

San Mateo 12:5

¿Wa pãrau Moiseeu ley phã pʉatarr gaai thʉ̃ʉrwai ooba aajẽwa? Jua ʉ̃ʉijem ed awiajã phadnaan Aai i jeeujem deg phidkhaawai pekau khabam a sim.

San Mateo 19:4

Magbaawai Jesuu amag magjim: —Ẽwandam iek phã sim gaai thʉ̃ʉrwai, ¿pãrau ooba aajẽ, warrcha chi ompaatarr Jooiraujã emkhooi ʉʉi dʉita ompaajim a sim?

San Mateo 21:16

meeukha nʉm iekhau khĩir mor chigpai chi Jesuugta, —¿Mag serereukham khʉʉnau iekha nʉm pua ũr chirʉ́? ajierram irig. Magbaa ichdeu, —Muakha ũr chirʉmgui ajim. Pari pãrau Ẽwandam iek phã sim gaai thʉ̃ʉrwai ooba aajeeb, amau mag serereu aju igwi David khararrau, “Chaain daumeraam khʉʉn dʉi agtha jũd do khitheem khʉʉndamaupa irig jeeujem” a phã pʉatarr. (Sal. 8:3) Ma chan pãrau bʉ̃ʉrjã khĩir ee paba naabma ajim amag.

San Mateo 22:31

¿Pãrau ooba aajẽ, Ẽwandamau ich iek phãpitarr gaai mag õor otarr khʉʉn deeu iiu phiidʉtkhaju igwi,

San Marcos 12:10

Magnaa amag, —¿Pãrau Ẽwandam iek phã sim gaai thʉ̃ʉrwai ooba aajẽ ajim anʉm, “Di eu narr khʉʉnau isegtarr dibigta jũrr chi dihãd jãrramkha sĩsim” a sim?

San Marcos 12:26

Mag õor otarr khʉʉnjã deeu iiuju khap aag ¿pãrau Moiseeu Ẽwandam iek phã pʉarr gaai thʉ̃rba aajẽ? Ag gaai Ẽwandamau Moiseeg, “Mʉʉta pãar jooin Abrán khararr Ẽwandam anaa ĩchab jooi Isá khararr ag Ẽwandamau, maimua Jacob khararr denjã agjo” a sim.

San Lucas 10:26

Magbaawai jũrr Jesuu irig, —¿Khan a phã sĩ Ẽwandamau ich iek jooingarwe Moiseeg phãpitarr gaai? ¿Pua ag gaai thʉ̃rba aajẽ? ajim anʉm.

San Lucas 6:3

Magbaawai jũrr Jesuu amag —Mamʉ ¿khani mʉ khapeenau khaigba abar? ajim anʉm. ¿Magan pãrau bʉ̃ʉrjã Ẽwandam iek phã sim gaai thʉ̃ʉrwai ooba aajeeb, Davidau ich dʉi wenʉrrarr khʉʉn dʉimua amach jãsoo aphobaadeewai Ẽwandam atheem pan khotarr?