San Mateo 11:3 - Wounaan Meu

³ i aar mawi, iita chadcha ich Ẽwandam i jaaumienau jaauwai Ẽwandamau pʉiju jaaujerrá wa ar khabam khai ich jãg nʉag a khap jeeumkhĩir.

Woun Meu

³ hi haar mawi, hiita chadcha hich Hẽwandam hi jaaumienau jaauwai Hẽwandamau pʌ̈iju jaaujerrá wa har k'abam k'ai hich jãg nʌag ha k'ap jëeumk'ĩir.

San Mateo 11:3 Iomraidhean Croise

San Mateo 11:10

I igwia Ẽwandamau ich i jaaumienag warrgarwe ich iek phãpitarr gaai jaauwai, Jãata irua mʉ na pʉiju ajim, ichdeuta mʉ na mʉ maju ee õrag jaau peetwai thumaam khʉʉnau mʉ iek ũrm khõsi sĩi mʉ nʉ naamkhĩir. (Mal. 3:1)

San Mateo 11:4

Mag beewi, chadcha ichig jeeubaicheewai, ich Jesuu amag, —Ereubaadewi Juanag jaaubaimat ajim anʉm, pãach jʉ̃gʉucha ũrnaa pãach daúacha mʉg oobarm.

San Mateo 21:5

“Jerusalenpienag jaaubat: ‘Pãrau warrgarwe nʉajerr Reita sĩi parhoobam khʉʉnjo khĩir machag chukhu burrodam agtha chi jooicha khaba khitʉm gaaita ya pãar aig urum’ ” a phã sim. (Is. 62:11; Zac. 9:9)

San Mateo 21:9

Maagwain na wetum khʉʉnaujã serereu khaawai ẽudee wedurum khʉʉnaujã serereukhamua, “Ʉucha abarm Ẽwandam. Rey David khararr ag iewaajom chan chukhukhum” aajeejim. “Ẽwandam, ich mʉʉta pʉchdeu pʉch jũrr pʉibarmʉu. Mʉg Rey pʉibarm gaaimua ʉ̃gtharm magwe onee aju aai nʉm” aajeejim jũrram khʉʉnau.

San Marcos 11:9

Mag i mam dʉi õor pom i na pos wetmaawai i ẽudeejã agjo khapaana pʉʉrthʉmajim anʉm. Mag õor pom sĩi wetum khʉʉnau serereugmamua mag naajim anʉm: “Ʉucha abarm Ẽwandam, ich mʉʉta pʉchdeu pʉch jũrr pʉibarmʉu. Ijom khʉʉn chan chukhum.

San Lucas 19:38

Mag Ẽwandamag jeeu nʉmua, —Ʉucha abarm Ẽwandam; ich mʉʉta pʉchdeu pʉch jũrr maar Reikha pʉibarmʉugui ajierram anʉm. Mʉg Rey pʉibarm gaaimua pʉchdeu jʉr aumam khʉʉnan ʉ̃gtharm magwe pʉ dʉi khõinaa wenʉrraju. Ʉu abarm Ẽwandam. Pʉjom chan ãbjã chukhumgui ajierram aajem.

San Juan 11:27

Magbaawai chi Martaau, —Señor, mua khaphʉ ʉmgui ajim, pʉ chadcha ich Ẽwandam Iewaau. Pʉʉta warrgarwe ich Ẽwandamau ich iek jaaumkhĩir mʉg jẽb gaai pʉiju aajerr khabahab ajim irig.

San Juan 12:13

Mag ũrphobaadeewai õrau sothark piujom thʉrrphenaa ag jua panhapha i khĩirphee beejierram. Maimua ich dʉicha oobaicheewai serereukhamua onegau, “Ʉucha abarm Ẽwandam. Ich mʉʉta pʉchdeu maar israelnaan athee pʉch jũrr pʉibarmʉu. Ichta maar Reikhaju aawai pʉchdeuta i ʉu wai chitajugui” aajeejim jũrram khʉʉnau.

San Juan 16:14

Iruata mʉ jaauju aai chirʉm aawai ichdeuta mua jaaujerr iekjã mʉchdeu jaaujerrjo ũwaai pãrag khĩir eyaa apinaa wajapcha khap apiju. Mag sim aig chan ichta tho iekhapiba, mʉʉta irua pãrag tho iekhapi simgui ajim.

San Juan 4:21

Magbaawai Jesuu irig, —Pʉde mʉ iek ũrbarí ajim anʉm: Ya mʉg atag paawai pãrau khĩirjubaju, mʉg durrsĩ gaaita Ẽwandamag jeeuju wa Jerusalén mawiata Ẽwandamag jeeuju. Magbarm aigmua parhooba pãach nʉm aigmua irig jeeuju aai aphobaadejugui ajim anʉm.

San Juan 6:14

Õor pom mag thʉnarr khʉʉnau amach daúacha Jesuu ich iiu aawai mag ag na amau mag ooba aajerrta mag waubarm oobaawai jũrr amach eepai, “Chadcha mʉg wounta ich Ẽwandamaucha ich i jaaumkhĩir jʉr auwi pʉiju a jaaujerrauwai” aajeejim.

San Juan 7:31

Ãaur khʉʉnau i dʉi mag nʉm ee, ãaur khʉʉn khapan aig narr khʉʉnau ʉkha nʉm iekhau, —Daau mag nʉm ich Ẽwandamaucha pʉiju a jaaujerr pierrwaijã, mʉg Jesuu nem wau nʉrrʉm khãaijã ʉ̃rʉʉcha ag na õrau nem ooba aajem waubarju a iekha naajim.

Hebreos 10:37

Mag phithurg au wenʉrrʉmjã, Cristo deeu beeju khap sĩi ãwatju aai nʉm igwi, ich Ẽwandamau iekhatarr ich iek phã sim gaai, “Nʉnaat, pãrau nʉ nʉm woun beeju chan pom waaurba sim” a jaau sim.