San Mateo 11:1 - Wounaan Meu

¹ Mag maach doce ich dʉi ogdʉba wenʉrraajerr khʉʉnag mag nem jaaudubwi, wetpi jaaubaawai, maar wetjim. Magbaawai jũrr ich deeum phobor nʉnʉidʉmʉg petajim, ich ag durr eepai, mamaam khʉʉnagjã agjo maach peerdʉajem iek jawaag.

Woun Meu

¹ Mag maach doce hich dʌ̈i hogdʌba wënʌrraajerr k'ʌʌnag mag nem jaaudubwi, wëtpi jaaubaawai, maar wëtjim. Magbaawai jũrr hich deeum p'öbör nʌnʌidʌmʌg petajim, hich hag durr heepai, mamaam k'ʌʌnagjã hagjö maach peerdʌajem hiek jawaag.

San Mateo 11:1 Iomraidhean Croise

Hechos 10:38

Pãrau khaphʉ nʉmgui ajim anʉm ĩchab, jãga Ẽwandamau Jesús Nazaretpierr gaai ich Akhaar phẽs deewi ich juapajã deejĩ, maimua jãga mag juapaau õor mepeer jua ee sĩsid arrjã peerdʉ aunaa ich nʉrrʉmpierr nem ajapha wau nʉrrajĩ, Ẽwandam i nʉrrʉm dʉi sĩerr aawai.

San Lucas 8:1

Maigmua maau Jesús phoborpierr nʉrrʉmua ĩchab phobor chaaur didam khapan khaba khekhedʉm eem magwe nʉrrajim aajem, maach peerdʉajem iek jaauwai. Mag jaau nʉrrʉmua, —Ẽwandamta ya thumaam khʉʉn porkhaimʉʉ sim. Pãar peerdʉm khõsi nʉm khai, irigta ʉdʉraa pãach phẽethʉgpibat aajeejim anʉm, ichta pãach Porkhamkhĩir. I dʉi ĩchab wenʉrrajim aajem ichdeu doce jʉr autarr khʉʉn,

San Mateo 9:35

Jesús phoborpierr nʉrrʉmua didam khapan khaba khekhedʉm eem magwe phʉʉrdʉ nʉrraajeejim. Mag nʉrrʉmua Ẽwandam iek jaaujem deg dubwi maach peerdʉajem iek jaaumamua, “Ẽwandamta maach thumaam khʉʉn Porkhaimʉʉ sim; magua irigta ideu pãach thãar ajaug paapibat” a jaaujeejim. Mag nʉm dʉi ĩchab õor khamor machagjã khĩirpierr monaaumaajeejim, kha mamachdogpa.

2 Tesalonicenses 3:10

Maach jam pãar dʉi naathuurwai marau pãrag iekha pʉajim. Mag iek mʉg ajim: “Pãar ee ãb khãijã phidkhamapha sim khai, magan thachjã khobaju aai sim.” Ma ajim marau pãrag jaau pʉatarr.

2 Tesalonicenses 3:6

Khodamnaan, maach Por Jesucristo iekta maach iek gaai thʉwi marau pãrag jaaum ig nʉm: Ar õor pãach ee sĩi amach khõchagpierr am khõchgau phidkhamaphanaa marau pãachig nem wajapha jaautarr chaaur nʉrrjeem khʉʉn dʉi oob khapeerkhamiet.

1 Tesalonicenses 4:2

Maach Por Jesuu pãrag jaaupibaawai marau pãachig jaautarr ya pãrau khaphʉ nʉm.

Hechos 10:42

Maimua ichdeucha maar pʉijimgui ajim anʉm, judionaan thumaam khʉʉnag jaaumamua ich igwia, “Iita Ẽwandamau jʉr aujim, warrgar meetarr khʉʉnpa maach ãba phiidʉtkhabarm ed chijã khʉʉnta ʉ̃gthar wetju wa chijã khʉʉnta isegju a khap jaaumkhĩir.”

Hechos 1:2

Mua pʉrʉg jaau chirajim ĩchab, mag ich Jesuu ʉ̃gthar maju nawe, Ẽwandam Akharau ichig jaaupibaawai, jũrr irua ich dʉi ogdʉba wenʉrramkhĩir ichdeucha jʉr autarr khʉʉnag, jãga amau nem wau wenʉrraju a jaau pʉatarr.

San Juan 15:14

Pãrau mua nem jaau chirʉmta ipierraa amʉn, magan pãarta mʉ khapeenaugui ajim.

San Juan 15:10

Ich jãg mʉjã mʉch Ayau jaautarr ipierraa chitʉm gaaimua mʉ Ayau mʉch khõsi wai sĩejemjo, pãraujã mua pãachig jaautarr ipierraata wenʉrrʉmʉn, pãrau khaphʉ ajugui ajim, chadcha mua pãach khõsi chirʉm.

San Mateo 28:20

Mag nʉm dʉi ĩchab mua pãachig jaaujerrjo Ẽwandamau nem waupi jaaumamta i ipierraa waupi jaaubat ajim, ich jãg pãachdeujã mʉ ipierr wenʉrrʉmjo. Mʉʉn mʉchin Jooirau mʉg durr i agkha nʉm aar ich mag ed eepierr pãar dʉi chitajugui a jaau pʉajim maachigcha.

San Mateo 7:28

Chadcha Jesuu mag nem khĩir pogkhe jaaubarm ũrwia sĩita õor jʉ̃gderraa naajim anaabá,

San Mateo 4:23

Mag nʉrrʉmua Galilea igaau Jesuu jaau phʉʉrdʉ nʉrraajeejim aajem, phobordam khekhedʉm ee judionaan Ẽwandam iek jaaujem di sĩsidʉmpierr. Mag jaau nʉrrʉmʉn maach peerdʉajem iekta jaaunaa ĩchab Ẽwandamagta dich Porkhapiju aai nʉm aajeejim aajem. Mag nʉm dʉi õor amach khamor machagpierr ich aig wai bee nʉmʉn monaaupʉinaa sĩi kha mamachdogpa chugpaapʉi maajeejim anaabá.

1 Timoteo 6:14

Cha mua pʉchig jaau chirʉm thum ipierraa abá ich Ẽwandamau khõsi simjo, bʉ̃ʉrjã nem chaauraapaijã jaauba. Ich magta ajapha chitá maach Por Jesucristo bee nʉm ora, ni iwiram ãbmuajã pʉchig pʉch khĩir naau iekham ugua.

San Marcos 6:12

Amachig magbaawai chadcha ereubaadewia phoborpierr õrag Ẽwandam iek jaaumamua, “Pãach pekau pooma nʉm ãsie ewag khĩirjuwia Ẽwandamagta chugpaapi jeeubat” aajeejim anʉm.

San Lucas 23:5

Pilatoou magbaawai chará warag amachdeuta iek khẽgkha phobaadewi, —Jãguan chadchata õrag pãar eugar seukha nem jaau nʉrrʉmua phobor meeukhapiju ẽkha simgui ajierram anʉm, pãar dʉi. Judea durr ee thumaam khʉʉnag ich mag jaau nʉrraajem; Galilea durrmua jaaubaaderr ich mag jaau phʉʉrdʉ nʉrrʉmua khĩeb mau pabaichemgui ajierram anʉm.