San Mateo 10:4 - Wounaan Meu

⁴ Simón, celotenaan ee sĩerr; maimua Judas Iscariote. Maagwai maadeu khaphʉ chirarr akhiin, iin mag Judas Iscarioteeuta thethem khʉʉnag Jesús pʉr deeju ajima, i thõomkhĩir.

Woun Meu

⁴ Simón, celotenaan hee sĩerr; maimua Judas Iscariote. Maagwai maadëu k'ap'ʌ chirarr hak'iin, hiin mag Judas Iscarioteeuta t'et'em k'ʌʌnag Jesús pʌr deeju hajima, hi t'õomk'ĩir.

San Mateo 10:4 Iomraidhean Croise

San Mateo 26:14

Maach i khapeen i dʉi doce ogdʉba wenʉrraajerr khʉʉn ee ãb Judas Iscariote a thʉ̃r sĩerrau phadnaan chi pornaan aar mawia

San Mateo 26:15

amag, —Mua pãachig Jesús pʉr deebaawai, ¿pãrau kharr mʉrʉg phag nʉ? aimajim aajem. Magbaawai amachdeu, —Marau pʉrʉg treinta piezas deejugui ajim anaabá. Magbaawai chadcha ich magʉm gaai i eugar i perpʉijim anaabá.

San Mateo 26:2

—Pãrau khaphʉ nʉmgui ajim, mʉigmua khãai numí nʉm ee phiesta Pascua burrju. Mʉg phiesta eeta õrau mʉch chi Emkhooi Iewaa pʉr deejugui ajim, pakuls gaai meerphe thõomkhĩir.

San Mateo 26:47

Mag maar aig beewi agtha ich Jesús maar dʉi iyʉʉ dʉnʉm ee, ich mag maach i khapeen doce narr eem ãb Judas anʉmta õor pochag urajim. Mag wedurum khʉʉnan ãaur khʉʉn espaar jua panhapha bee thʉnaawai tagam khʉʉn pa dʉijã bee thʉnaajim. Makhʉʉn, phadnaanau jooin chi pornaan dʉimua pʉitarr khʉʉn ajim.

San Mateo 27:3

Mag Jesús thõopi jawamkhĩir Pilato aar jua bʉʉrnaa athaadem ũrbaawai chi Judaau deeu ũwaai thumaa ewag khĩirjuwia, chi phadnaan pornaan chi thierrnaan dʉi nʉm aar mawi, mag Jesús paar ichig phatkhon phagtarr thum ũwaai amag deeimajim anaabá.

San Marcos 14:10

Mag phadnaan chi pornaanau Moiseeu Ẽwandam iek phã pʉatarr jawaag chi machnaan dʉimua ich Jesús dakhãu wai nʉm ee, ich dʉi doce wenʉrraajerr eem ãb Judas Iscariote a thʉ̃r sĩerrau phadnaan chi porkha nʉm khʉʉn dʉi iekhaan majim aajem, jãga ichdeu amag Jesús pʉr deeju a jawaag.

San Marcos 14:43

Jesús agtha mag iekha dʉnʉm ee, ich khapeenpai mag doce narr eem ãb Judas anʉmta õor pochag urajim anʉm. Mag wedurum khʉʉnan ãaur khʉʉn sĩi espaar jua panhapha bee thʉnaawai tagam khʉʉn sĩi pa dʉijã bee thʉnaajim aajem. Makhʉʉn phadnaan chi porkha nʉm khʉʉnau Ẽwandam iek jawaag chi machnaanau tagam khʉʉn jooin chi pornaan dʉimua pʉitarr khʉʉn ajim aajem.

San Lucas 22:3

Amau mag khĩirju nʉm ee, woun ãb Judas a thʉ̃r sim sĩejim aajem, ibʉʉr wauwia ĩchab Iscariote a thʉ̃ʉrjerr. Mag woun ĩchab ich Jesús dʉi i bʉ ogdʉba wenʉrraajerr khʉʉn eem ajim aajem. Mag Jesús dʉi ãba nʉrraajerrta meperau por meubaadeewai phadnaan chi porkha nʉm khʉʉn dʉi ĩchab guardianaanjã chi porkha nʉm khʉʉnpa ãba nʉm aar majim anaabá, jãgata ichdeu amag i pʉr deeju khap jawaan.

San Lucas 22:47

Mamʉ agtha Jesús mag iekha dʉnʉm ee, degolp am aig õor khapan pos aichejim anaabá. Mag khapanag ee oowai ich Jesús dʉi doce ogdʉba wenʉrraajerr eem ãb Judas a thʉ̃r sĩerrta am na urajim anʉm. Mag beewia, Jesús dʉi ãba dʉnʉʉuchejim anaabá, sĩi khajapha saludaa nʉmjo i khĩir ʉ̃ʉg.

San Juan 13:2

Amau i magju ed maar i dʉi thum ãba thach kho naajim, ya kheeuraa pamamua. Maagwain Judas Iscarioteen ya meperau por meu thʉnaajim, Jesús oomapha aajem khʉʉnag i pʉr deeg. Chi Judas woun ãb Simón anʉm iewaa ajim.

San Juan 6:64

Pari mua mag jaau chirʉm ee pãar ee ãaur khʉʉnau mʉ iek ʉkhaba thʉnʉmgui a iekhamajim. Jesuu amag mag iekhatarran, warrgarwejã chijã khʉʉnauta i iek chadcha ʉkhaba naaju a khaphʉnaa chijãguata wir aig i oomapham khʉʉnagjã ich pʉr deeju a khaphʉ sĩerr aawaita mag iekhapʉijim.

San Juan 6:71

Jesuu mag sĩerran, Simón Iscariote iewaa Judas aajerr igwiata mag sĩejim. Mag Judas chadcha ĩchab ichdeucha maar doce thʉ̃rkha autarr eem ajim. Pari magua i kha ukhurm khʉʉnag ich pʉr deeju khaphʉ sĩerr aawaita mag iekhajim marag.

Hechos 1:13

Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.

Hechos 1:25

Ya Judajã ichdeu khaigba arr gaaimua wir aig ich thõobaawai i jũrr pʉch i jaau nʉm phidag maar dʉi ãba phidkhamkhĩir marau deeum ig nʉmgui” ajim anʉm, “maach daumaai.”