San Mateo 10:2 - Wounaan Meu2 Mag maach ich iek jaaumkhĩir ichdeucha doce jʉr autarr khʉʉn mʉkhʉʉn ajim: Simón, (ichpai Pedro a thʉ̃ʉrjem); Andrés, chi Simón eeum; Santiago, jooi Zebedeo iewaa, (ichpai ĩchab Jacobo aajem); Juan, agjo jooi Zebedeo iewaa, Santiago eeum; Faic an caibideilWoun Meu2 Mag maach hich hiek jaaumk'ĩir hichdëucha doce jʌr hautarr k'ʌʌn mʌk'ʌʌn hajim: Simón, (hichpai Pedro ha t'ʌ̃ʌrjem); Andrés, chi Simón heeum; Santiago, jöoi Zebedeo hiewaa, (hichpai hĩchab Jacobo haajem); Juan, hagjö jöoi Zebedeo hiewaa, Santiago heeum; Faic an caibideil |
Maimua mag Galilea igaau mamua ag atag deeu ũwaai õor numí ooimajim aajem, agjo ãbam khodpai. Makhʉʉn Santiago ajim aajem Juan dʉi, jooi Zebedeo chaain. Makhʉʉnjã do ʉamien arr aawai, irua ooimaawai, amach red thʉrrdʉ sĩsidʉmta kha naajim aajem, bote ee amach aai dʉi. Mag oobaimaa, makhʉʉnagjã Jesuu,
Jãgju khaphʉta Ẽwandamau ich khĩirjug ee ĩchab magjim: “Mua pãar athee õor pʉiju, mʉch i jaau wenʉrramkhĩir. Mag mua jʉr auwia pʉibarm khʉʉn ãaur khʉʉn khechpʉiwia ãaur khʉʉn ẽudee sĩi khoojem nem ẽudeemjo ẽkhaju” a jaaujim warrgarwe. Magtarr aawai ĩs ewag pawiajã chadcha pãar ich magta thʉnaabahab. Magua pãade mʉ iek ũrbat ajim anʉm:
Maagwai Pedro khapeen ãbakhai bote ee narr khʉʉnaujã ĩchab amach khapeenau khĩirju narrjo khĩirju nʉisijim anaabá. Mag bote ee naajim aajem Zebedeo chaain, Santiago Juan dʉi. Mamʉ Jesuu chi Simonag, —Simón, oob khĩirjum ajim anʉm. Warr pʉch sĩi do ʉa gaaipai chitarrjo, ĩsmua atagan pʉʉn jũrr mʉ iekta õrag jaau gaaipaita chirsijugui ajim anʉm.
Maimua ereubaadewi Pedroou deeu ewag oo nʉʉ aawai ich Jesuu ʉ̃rcha daupii aajerrta am ẽudee urajim. Ich ag wounau ajim i thõoju noram ãbmiecha thach kho naawaijã, ichta igarcha oo sĩerr aawai, irig “¿Khaíuta mag pʉ oomapha aajem khʉʉnag pʉ pʉr deeju agá?” a jeeutarr. Wajapcharan magan mʉchma, mʉchta am ẽudee maa ajim.
Mag wetwia phobor ee paaukhabaimaawai ʉ̃gthaa amach jẽerjem aar ãba biirdʉ nʉisijim aajem. Maig naajim aajem: Pedro, Santiago, Juan, Andrés, Felipe, Tomás, Bartolomé, Mateo, Santiago jooi Alfeo iewaa, Simón ibʉʉr wauwia Celote a thʉ̃ʉrjem, maimua Judas, woun ãb deeum agjo Santiago anʉm dʉi ãbam khʉʉn.
Mag ich Cristoouta ich jua theeg chi ʉkha nʉm khʉʉnag jigmaju atarr aawai chadcha ichdeuta ãaur khʉʉn ich iek durrpierr aaidʉ jaaujem khʉʉn khapijim, apostolnaan; ãaur khʉʉn sĩi ichdeu iek jaaumamta jũrr warm khʉʉnag chi jaaujem khʉʉn khapijim, profetanaan; ãaur khʉʉn sĩi maach peerdʉajem iek jaaumamua iita õrag amach thãar ee aupi jaaujem khʉʉn khapijim, evangelistanaan; maagwai ãaur khʉʉn ya ich iek ʉkha durrum khʉʉn pekau ee burrm ugua am thʉajem khʉʉn pastornaan khapinaa, ich iek jaau khaug amkhĩir maestronaan khapijim.
Magua hermanonaan, pãar ar Ẽwandam dʉipai wenʉrrʉm khʉʉn, ar maachta ich aar phe awaag ich chaainkha autarr khʉʉn, pãade mʉ iek ũrbat: Jesucristota chadcha ich Ẽwandamaucha ich iek jaaumkhĩir jʉr auwi pʉitarrau. Ichta ĩchab ĩsin warrgar phadnaan por aajerrjo maach kõit Ẽwandam dʉicha iekhaajemʉu. Ʉu i gaaimua maadeu chadcharam iekta ʉkha nʉm.
Mʉʉn Pedroou, Jesucristooucha ich i jaaumkhĩir jʉr autarr. Pãar pãach durr chaaur parhooba aaidʉ durrum khʉʉnag muata pãrag mʉg ẽsap phã deepʉi chirʉm: Ponto anʉm durram khʉʉnag, Galaciapienag, Capadociapienag, Asiapienag maimua Bitiniapienagjã agjo; ajapcharan maach meeun thum maach peerdʉajem iek ʉkha nʉm gaaimua durr chaaur dʉr durrum khʉʉnagma.
Mʉʉn Simón Pedroou, ich Jesucristooucha ich i jaaumkhĩir jʉr autarr; muata pãrag mʉg ẽsap phã deepʉi chirʉm, pãraujã maach ich Jesucristooucha jʉr autarr khʉʉnau ʉkha nʉm iekpaita ʉkha naawai. Pãrau mag ʉkha nʉmʉn, maach Ẽwandam anaa maach peerdʉ aaujem Jesucristo thumaam khʉʉn dʉi nem agcha aajeewai, iwiir ãbam khʉʉnagpaita mag ich iek ʉkhapim khõsi khaba, thumaam khʉʉnagta agdaujo ʉkhapim khõsi aajeewaiu. Magua maach ich Jesucristo dʉicha wenʉrraajerr khʉʉn khaibag chugpatarrjo pãar maar khãai ẽudeecha ʉkhatarr khʉʉn khaibagjã ichdeuchata chugpatarr aawai, maach thumaam khʉʉn oneg ãbata nʉm, ãbam iekta ʉkha naawai.
Mʉʉn Juanau, Jesucristo chog. Muata pãrag mʉchdeu ootarr jaaum ig chirʉm. Mʉg mua jawaagpam iekhan ich Ẽwandamaucha Jesucristoog jaautarrau. Mag ichig jaaubaawaita mʉ khãaipi auwi mʉrʉg jaaujim, jũrr mua ich iek ʉkha durrum khʉʉnag jaaumkhĩir. Mʉg iek thum ich jaaubarmjo chadcha jopcha aju khap amkhĩir, Jesucristoou ich chog ãb ʉ̃gthar ich dʉi sĩejemʉgta jaaujim, mag mʉ khãaipi atham ee jũrr magua mʉrʉg jaaumkhĩir.
Mʉʉn pãach khod ar Jesús iek gaaimua pãachjo phithurg au pʉʉrba khitaajemuata pãrag mʉg ẽsap phã deepʉi chirʉm. Mag phithurg aaujeeb mamʉ, ich Jesucristoouta magʉm ãwataagjã juapá deejeewai, magʉmjã igba, phithurg jẽedʉ khitʉmua i aar barwi i khĩir wajaug oo wai chitaju. Ẽwandam iek jaau chitʉm dʉi Jesuu nem wau nʉrrarr mʉch daúacha oojerrta jaau chitʉm gaaimua, mau dojãrr phʉram Patmos anʉm gaai preso chirʉm.
Mamʉ warm khʉʉn mag bĩephoo thʉnʉm daar, ʉ̃gtharm magwe onee abat. Onee abat ĩchab Ẽwandam chaain, Ẽwandam i jaaumien, maimua ich i jaaumkhĩir ichdeucha jʉr autarr khʉʉnjã agjo onee abat. Ẽwandamau Babiloniapien dʉi jãgbarmua, jũrr pãarta irua dau ee aug khaugwi am gaaita mas dee sim khabahab, amachdeu pãach dʉi aajerrjo.