San Mateo 1:2 - Wounaan Meu

² Maataa, ich jooi Abrán, Isá aai ajim anaabá; maagwai, Isá jũrr Jacob aai; Jacob jũrr Judá aai. Mamʉ mag Judá ich appai khaba, tagam ich khodnaanpa doce naajim aajem, ich khurau, ich jooi Jacob chaainpai.

Woun Meu

² Maataa, hich jöoi Abrán, Isá haai hajim hanaabá; maagwai, Isá jũrr Jacob haai; Jacob jũrr Judá haai. Mamʌ mag Judá hich happai k'aba, tagam hich k'odnaanpa doce naajim haajem, hich k'urau, hich jöoi Jacob chaainpai.

San Mateo 1:2 Iomraidhean Croise

San Mateo 1:1

Mua pãrag ĩgkhakhim, jãga warrgar David reikha sĩerrjo, Ẽwandamau jũrr ich Iewaa Jesucristoogta mʉg durr gaai chi Porkhamkhĩir ichdeucha pʉijĩ. Mag Jesucristojã mag rey David khararr ag chaain ewagam khʉʉn den ajim a khap amkhĩir, ag nawe jooi Abrán khararr sĩejerr aigmua ewag pawi khĩeb chi Jesús thaabatarr aig pãrag jaaukhim.

San Mateo 1:3

Mag ich Judá, Fares aai anaa ĩchab Zara aai ajim aajem; am ãd, Tamar a thʉ̃r sĩejim aajem. Mag Fares, Esrom aai ajim; maagwai chi Esrom jũrr Aram aai.

Hechos 7:8

Magta warrgarwe Ẽwandamau Abrán dʉi iek deetarr jaaumajim aajem Estebanau. Mag jaaumamua ichdeupai magjim aajem: ’Mag ich iek deetarr thumaam khʉʉnag khap amkhĩirta ĩchab emkhoi chaain atham aigmua seman ãb aadeewaijã meheudam phʉʉrbichpi jaaujiebma. Mag phʉʉrbich nʉmta Ẽwandam dʉi iek deetarr ag dauchach ajimgui ajim aajem. Mag iekhatarr aawai Abranau ich iewaa Isá autarr aigmua ocho días aadeewai chadcha ich Ẽwandamau jaautarrjo i meheudam phʉʉrbichpʉijim anaabá. Maagwai jooipawi Isaaujã ich chaai Jacob paarpaawai, ich agjo awi Jacooujã ich chaain doce ootarr khʉʉn den thum ich mag phʉʉrbichpʉimajim aajem. Mag Jacoou chaain doce ootarr khʉʉn gaaimuata Ẽwandamau mʉg maach israelnaan thʉnʉm thum ompaa aujim, a jaaumajim aajem Estebanau, Ẽwandamau Abrán dʉi iek deetarr igwia.

Hebreos 11:11

Chi Abrán ʉʉi Sara khahʉrrarraujã ĩchab at aba Ẽwandam iek ʉkha sĩerr aawai, ich daupeer garjã pod chaai ooba arrta, ya ũanaa khitʉm eeta Abranag chaai oo deejim aajem, ʉu ichdeujã Ẽwandamau chaai deeju atarr ʉkhatarr aawai.

Hebreos 7:14

Mag phadnaan khapiewaijã, mag Judá chaain ewagam khʉʉnag chan phadnaan khaju aai nʉmjã aba arr aawai, maadeu khaphʉ nʉm, ãba maach Por Jesucristo ich appaita Judanaan eem phadkha oberjim.

Apocalipsis 7:5

Judá khodnaan: 12,000 Rubén khodnaan: 12,000 Gad khodnaan: 12,000