San Mateo 1:1 - Wounaan Meu

¹ Mua pãrag ĩgkhakhim, jãga warrgar David reikha sĩerrjo, Ẽwandamau jũrr ich Iewaa Jesucristoogta mʉg durr gaai chi Porkhamkhĩir ichdeucha pʉijĩ. Mag Jesucristojã mag rey David khararr ag chaain ewagam khʉʉn den ajim a khap amkhĩir, ag nawe jooi Abrán khararr sĩejerr aigmua ewag pawi khĩeb chi Jesús thaabatarr aig pãrag jaaukhim.

Woun Meu

¹ Mua pãrag hĩgk'ak'im, jãga warrgar David reik'a sĩerrjö, Hẽwandamau jũrr hich Hiewaa Jesucristoogta mʌg durr gaai chi Pörk'amk'ĩir hichdëucha pʌ̈ijĩ. Mag Jesucristojã mag rey David k'ararr hag chaain hewagam k'ʌʌn dën hajim ha k'ap hamk'ĩir, hag nawe jöoi Abrán k'ararr sĩejerr haigmua hewag pawi k'ĩeb chi Jesús t'aabatarr haig pãrag jaauk'im.

San Mateo 1:1 Iomraidhean Croise

San Mateo 1:18

Mag Jesucristo thaabatarran mʉgta ajim aajem: Chi María, ewag pawi i ãdpaju, ya Joseeu iek dee wai sĩejim aajem, ag dʉi paag. Pari mag sĩi iek dee wai sĩewai agtha ag dʉijã khaba nʉmta bi ee pabaadejim anaabá. Pari ma chan chikham denjã khaba, ich Ẽwandam Akharauta ich iiu aawai mag i bi ee papijim anaabá.

San Mateo 1:2

Maataa, ich jooi Abrán, Isá aai ajim anaabá; maagwai, Isá jũrr Jacob aai; Jacob jũrr Judá aai. Mamʉ mag Judá ich appai khaba, tagam ich khodnaanpa doce naajim aajem, ich khurau, ich jooi Jacob chaainpai.

San Mateo 15:22

Maimua ya mam paaukhabaimamta, ʉʉi ãb Israel durram khaba Canaanpie ʉʉi mag perás sĩejerrta ähäag beewia Jesuug, —Señor, mʉ ap ʉrrʉm mʉ dau aug khaugbá ajim. Mua khaphʉ ʉmgui ajim, pʉʉta chadcha Ẽwandamau pʉiju aajerrau. Maagwai mʉ chaai monawaagjã pʉ jua theeg sim. Mʉ kha dosãt beneu baarjemta pʉrʉg monaaubapʉi a ʉmgui aichejim, irig chaigpamamua.

San Mateo 3:16

Mag, chadcha Juanau i por choopʉijim aajem. Mag ich por choobapäaiwai, durr waaidʉnaa oowai, edaujãata weeudʉbaadem eemua Ẽwandam Akhaar duburjoo khitʉmta beewia i gaai jupchejim aajem.

San Mateo 9:27

Mag Jairo kha deeu iiu auwia petaau, dau khĩsu khitheem khʉʉnta numí i ẽudee ähäag wetjim. Mag ähäakhamua, —Jesús, pʉʉta rey David khachitarr ag chaain ewagam khʉʉn Iewaa marau nʉ narr; maar apdurrum maar dau aug khaugbahur aajeejim, amach dau monaaupäain beemkhĩir.

San Lucas 1:33

Mag ichta thumaam khʉʉn Porkhabaadem aigmua atag i jua theeg bʉ̃ʉrjã oba, ich mag sĩerraju a jaaujim aajem.

San Juan 7:42

“Ẽwandam iek phã sim gaai jaauwai, Mesías mag warrgarwe ich Ẽwandamau pʉiju jaautarran rey David khararr khod aju aajem, i chaain ewagam khʉʉn bi eem aju aawai. Maimua i thaabaawaijã Belén phobor eeta auju a sim, ich Davidjã Belenpierr arr aawai. Magua mʉg woun chan ag Mesías khababam” khajierram jũrram khʉʉnau.

Hechos 2:30

Mamʉ í ĩchab Ẽwandam i jaaumie arr aawai irua khaphʉ sĩejim Ẽwandamau ichig “Mʉ cha iekha chirʉm iekhau pʉ chaain ewagam khʉʉn eemta pʉch simjo reikhapiju” a iekhatarr.

Romanos 1:3

Wajapcharan mag iekhan Ẽwandamau ich Chaai igwiata mag phãpijim, maach Por Jesucristo igwia. Maach mʉig eegarm khʉʉn dʉi ãba sĩeicheegpain, rey David khararr chaain ewagam khʉʉn eeta sĩi parhoobam khʉʉnjo thaabachejim.

Romanos 4:13

Ẽwandamau Abranag jaauwai, i chaain ewagam khʉʉnagta irig deeju arr durr jʉ̃apiju ajim. Pari irig mag jaautarr chan mag sĩi Moiseeu ley werpʉarr ʉʉrkhaajerr gaaimuajã khaba, ich Ẽwandamau ichig magtarr chadcha ʉkhatarr aawaita mag deeju jaaujim. Mag ich iek ʉkhabaawai bʉ̃ʉrjã pekau chukhu arrjo Ẽwandamau i wajaug paapʉijim.

Romanos 9:5

Maach jooin Abrán, Isá maimua Jacob ajierram, warrchajã Ẽwandamau jʉr autarr, am gaaimua ewag pawi maach meeun ompaa awaag. Ẽwandam Iewaa maach peerdʉ awaag wounag paawaijã mag jooi Jacob chaain ewagam khʉʉn eeta thaabachejim. Ich mag parhoobam chaaindamjo thaabachetarr wounpaita Ẽwandam aawai nem thum thʉnʉmjã ichdeuta khap sim. Magua, iita thumaam khʉʉnau ich mag mʉg atagjã tho iekhaju aai nʉm.

Gálatas 3:16

Ẽwandamau ich garmua Abranag iek deewaijã ich magta ajim. Ẽwandamau ich iek phã sim gaai Abrán chaain ewagam khʉʉn gaaimuata nem ajapha aju ajim. Mamʉ mag i chaain gaaimua atarran ajapcharan Cristo igwiata mag sĩejim.

1 Timoteo 2:5

Mamʉ mag maach thumaam khʉʉn peerdʉ awaag ichta Ẽwandam ãbpai sĩerraawai ĩchab maach dich pekau gaaimua Ẽwandam warp narr khʉʉnta deeu ũmaai i dʉi khõinaa wenʉrrapiejemjã agjo ãbpai sĩerrʉm. Mag woun ich Jesucristoou.

2 Timoteo 2:8

Mag mua jaau chirʉm khĩirjunaa warag jaaubá, jãga maach Por Jesucristo rey David khararr ag chaain ewagam khʉʉn eemkha sĩerrta meewi deeu iiu phiidʉjĩ. Ich ag iekta muajã ich mag jaau chitʉm, ajapcharan maach peerdʉajem iekma.

Apocalipsis 22:16

Mag mʉchdeu jaau chirʉm chadcha aawaita, ich Jesuujã ich igwi, ichdeuchata ich chog pʉijimgui ajim, magʉm thumaa ar ich iek ʉkha durrum khʉʉnag jaaumkhĩir. Magnaa ichdeupai ich igwi, “Mʉchta sĩi khajap nemjĩirjo David khararr chaain ewagam khʉʉn eemua sũrkha phiidʉtarr anaa ĩchab edaupherr garm phĩdag wʉʉ obeerjemʉugui” ajim Jesuu, ich beeju igwia.