San Lucas 9:7 - Wounaan Meu

⁷ Rey Erodes anʉmua ũrbaadejim aajem nem thum Jesuu wau nʉrrʉm. Mag ichdeu ũrbaadeewai khakhaisamjo aadejim anaabá, jũrram khʉʉnau “Juan chi õor por choomieta iiu phiidʉwia nʉrraichem” a jaauchechekham ũrwia.

Woun Meu

⁷ Rey Herodes hanʌmua hũrbaadëjim haajem nem t'um Jesuu wau nʌrrʌm. Mag hichdëu hũrbaadeewai k'ak'aisamjö haadëjim hanaabá, jũrram k'ʌʌnau “Juan chi hõor pör choomieta hiiu p'iidʌwia nʌrraichëm” ha jaauchëchëk'am hũrwia.

San Lucas 9:7 Iomraidhean Croise

San Mateo 11:2

Ich maagwai Juanau cárcel deg simua Cristoou nem wau nʉrrʉm ũr sĩejim aajem. Magbaawai ich khapeen eem ãaur khʉʉn ich aig thʉ̃rkha auwi chi Jesús aar pʉijim aajem,

San Marcos 8:28

Jesuu amachig mag jeeubaa chi khapeenau irig jũrram khʉʉnau, —Am iek pʉ Juan chi õor por choomie aajem. Deeum khʉʉnau jaauwai, pʉʉta Elías aajem, warrgar Ẽwandam i jaaujerr. Maagwai pogkha jaauwai, pʉ sĩi warrgar agjo Ẽwandam i jaaujerr khʉʉn eem aajemgui ajierram aajem irig.

San Lucas 13:31

Ich mag edcha Ẽwandamau Moiseeg ich iek phãpitarr ajapcha ʉʉrkhaajem khʉʉn Jesús aig beewi irig, —Rey Erodeeu pʉ thõopäaig ẽkha sim. Pʉchta mʉigmua jopkhaa igbaad aichejierram anʉm.

San Lucas 21:25

Maimua ich Jesuu ichpai jaaumamua magjim aajem ĩchab: —Magbaawai mʉch chi Emkhooi Iewaa beeimʉʉ aademjã khaphʉ ajugui ajim anʉm, ãsdawam edau gaai, edau arg gaai, maimua ĩchab phĩdag gaai. Mag oobaawai õor jãphierrwia warag nem waujujã khaugba aadem dʉi, gaai machag okhĩirjug pooma aphobaadejugui ajim anʉm. Maimua phũas dau dapag thʉnʉm iek sĩi edjã ee pũu wejompa ũrphobaadeewai

San Lucas 23:7

Mag jeeuwai chadcha Galilea durram a ũrbaawai, —Ãa, magan Erodes aarta deepʉijugui ajim anʉm, ichta aram gobernador aawai. Mag chadcha deepʉijim aajem, mag jaar chi Erodejã agjo Jerusalén phobor ee sĩerr aawai.

San Lucas 3:1

Woun Tiberio anʉm reikhabaaderr aigmua quince años aadem ee, gobernadornaan jayap naajim aajem: Judea durr: Poncio Pilato Galilea durr: Erodes Iturea durr Traconite durr dʉi: Felipe (Erodes naam, aai gaaimua) Abilinia durr: Lisanias

San Lucas 9:19

Magbaawai amachdeu magjierram aajem: —Am iek pʉ Juan chi õor por choomie aajem; deeum khʉʉnau jaauwai, pʉʉta Elías aajem, warrgar Ẽwandam i jaaujerr; maagwai pogkha jaauwai pʉ sĩi warrgar agjo Ẽwandam i jaaumie arrta deeu iiu phiidʉwia nʉrraichemjã a jaaujem am den ajierram aajem jũrr irig.