San Lucas 9:52 - Wounaan Meu

⁵² Mamʉ ich na di jʉrwia nem khĩir khaugamkhĩir, ich khapeen eem õor jʉr auwia pʉijim aajem. Magbaa makhʉʉnau ereuwia Samaria durr phobordam pom khaba khitʉm ee i na di jʉrimajierram aajem.

Woun Meu

⁵² Mamʌ hich na di jʌrwia nem k'ĩir k'augamk'ĩir, hich k'apeen heem hõor jʌr hauwia pʌ̈ijim haajem. Magbaa mak'ʌʌnau hërëuwia Samaria durr p'öbördam pöm k'aba k'itʌm hee hi na di jʌrimajierram haajem.

San Lucas 9:52 Iomraidhean Croise

San Mateo 10:5

Makhʉʉn doce ich Jesuucha jʉr autarr khʉʉnta ichdeucha pʉijim. Pari mag maar pʉyaagpamua marag, judionaan khabam khʉʉn ee chan wetpiba, ni Samaria durram phobor eejã wetpiba jaaujim.

San Lucas 10:1

Mag jũrram khʉʉnau Jesús dʉi ogdʉba wenʉrraju a thʉnarr khur maach Por Jesuu ichdeucha õor setenta jʉr auwia khĩir sĩsied nunumdo pʉyaagpajim aajem, ich na ich nʉrrajupierr.

San Lucas 10:33

Maimua mag warm khʉʉn ereu dichtarr ẽudee agjo maa ajim aajem Samariapierrdam, ich ag khʉd eepai. (Samariapien judionaan dʉin agdaujo jũrr chikham kha khõchkhaba aajeejim. Mamʉ maagjerrta magʉmjã igba,) maguan chadau ichdeu mag oobaimaawai, “Eh, ¿jãan chijãg woundamta jãg dau aphʉʉ jẽer kherʉm?” awia, warag aar mawia, ich athee nemkhau pabʉ olivo anʉm den vinodampa wai nʉrrarrau benhekha i mor mag pepethor sĩsidʉm ee phuurkhanaa, put ee pʉreunaa, ich cabaai gaai athaadejim anʉm, ich dʉi ãba. Mag arrwia, õor jẽerjem deg ag dʉi sĩeimajim aajem.

San Lucas 17:11

Mag jaau sĩewia, warag Jerusalenag mamua didichagmajim aajem, Samaria durr Galilea durr dʉi ãba thẽu nʉm jãrr khʉdau ma sim ee.

San Lucas 17:16

Mag beewi Jesús bʉkhʉrr phõbkha jẽbjã gaai dagau dʉrnaa, “Ʉu ajim” ajim aajem irig, ich monaautarr paar. Chi mag Jesuug ʉu ajim aan beetarr, Samariapierr ajim aajem.

San Lucas 7:27

I igwia Ẽwandamau ich i jaaumienag warrgarwe ich iek phãpitarr gaai jaauwai: “Jãata irua mʉ na pʉiju ajim, ichdeuta mʉ na mʉ maju ee õrag jaaumaawai thumaam khʉʉnau mʉ iek ũrm khõsi sĩi mʉ nʉ naamkhĩir.” (Mal. 3:1)

San Juan 4:4

Mag wetumua ichiita Samaria durr dichab khaba dichju ajim.

San Juan 4:5

Mag wetmaa awia ich Samaria durrpai phobordam Sicar a thʉ̃r sĩerr aig maar barjim, jooi Jacob khararrau jẽb per auwia ich meebaadeewai ich iewaa José aajerrag werpʉatarr dakha.

San Juan 4:9

Mamʉ judionaan Samariapien dʉi dau parii iyʉʉ aba aajerr aawai, mag ichig do jeeubaawai chi ʉʉirau irig magjim aajem: —Pãar judionaan chan maar Samariapien dʉi iekhajã mapha aajem khʉʉnta, ¿khanthee pua mʉrʉg do jeeu sĩwi? ajim anʉm.

San Juan 8:48

Mag amachig, “pãar chan Ẽwandam chaain khabamgui” abaawai, chi judionaanau irig, —Chadchata pʉʉn jãgan Samariapierrau, maimua dosãtauta pʉ por meu sĩebahab ajierram ichigcha.