San Lucas 9:51 - Wounaan Meu

⁵¹ Ya Jesús deeu ʉ̃gthar ich Aai aar maimʉʉ aadeewai warag thãar phĩiuwia ogkhaba Jerusalenag petajim aajem.

Woun Meu

⁵¹ Ya Jesús deeu hʌ̃gt'ar hich Haai haar maimʌʌ haadeewai warag t'ãar p'ĩiuwia högk'aba Jerusalenag petajim haajem.

San Lucas 9:51 Iomraidhean Croise

San Marcos 16:19

Jesuu ich bʉ ogdʉba aajerr khʉʉnag mag jaau aaipabaadeewai ich Ẽwandamaucha maach Por Jesús ich aar aujim anaabá, ʉ̃gthar. Mag Jesús ʉ̃gthar pabaimaawai warre ich Ẽwandam bigaau i juachaar garta jupimajim aajem, ag nawe ichdeu amag jaaujerrjo.

San Lucas 12:50

Mamʉ magaagan õor jua machgau agtha ajappha dau aug wauju waaur chirʉmgui ajim anʉm. Mʉch dʉi õrau magju thumaa khĩirjubaadeewaita okhĩirjug pooma chiraajem; mamʉ ichiita ich mag ajugui ajim anʉm.

San Lucas 13:22

Jesuu ich mag Ẽwandam iek jaau nʉrraajeejim aajem phoborpierr, didam khapan khaba dʉnʉnʉidʉm eem magwe ich nʉrrʉmpierr. Mag mamua warag Jerusalenag maa ajim aajem.

San Lucas 17:11

Mag jaau sĩewia, warag Jerusalenag mamua didichagmajim aajem, Samaria durr Galilea durr dʉi ãba thẽu nʉm jãrr khʉdau ma sim ee.

San Lucas 18:31

Maimua ich dʉi doce ogdʉba wenʉrraajerr khʉʉn chaaur khĩet phe arrwia amag magjim aajem: —Pãrag khap amkhĩir mua warre jaaukhimgui ajim anʉm: Pãrau khaphʉ nʉm, ya maach Jerusalenag wetum. Jerusalén barbaimaawai warrgarwe Ẽwandam i jaaumienau mʉch chi Emkhooi Iewaa igwia phãtarrjo thum ag eyaa oberjugui ajim anʉm.

San Lucas 19:11

Jesuu Zaqueo dʉi ãba nʉmua iekhatarr ũrwia thumaam khʉʉnau khĩirjuawai, Jesuuta Ẽwandamau pʉitarr aawai, Jerusalenmua ya ichta thumaam khʉʉn Porkhaagpampii naajim anaabá. Mamʉ mag nʉm ee ya chi Jerusalén phobor dakha narr aawai, amau mag ajappai khaugba khĩirju nʉm ajapha khap amkhĩir, amag mʉg nem ĩgkhaadam jaaujim aajem.

San Lucas 19:28

Mag jaau dichwia Jesús Jerusalén phoborog petajim aajem.

San Lucas 24:51

Mag am khĩir onee iekhamamua, am dakhĩraa edjã baug ee ʉ̃gthaa papagmamua, warag oohba pamamua Ẽwandamau ich aar ʉ̃gthar athajim anaabá.

San Lucas 9:57

Mag ereubaadewia agtha barba wenʉrrʉm ee, ãbmua Jesuug, —Señor, mʉʉn pʉ mampierr pʉ dʉi ich jãg chitajugui ajim anʉm.

San Juan 13:1

Ya phiesta Pascua anʉm burrju khãai ãbpai waaur sĩejim. Maagwai Jesuu khaphʉ sĩejim, ya ichdeu mʉg durr werpʉawi deeu ich Aai dʉi ãba sĩeimaju ed pabaadem. Thum mʉg jẽb gaai maar ich denkha durrarr khʉʉnan bʉ̃ʉrjã chig aba jãsehne aajeejim. Maagjerr aawai ya ãbmiecha amau i thõoju ed paawaijã agtha ichdeu maar khõsi sim khaphʉ apijim.

San Juan 16:28

Mʉʉn chadcha mʉch Aai aar i dʉi ãba chirawiata mʉg durr gaai beejim. Magtarr aawai mʉg durr pʉawia ũwaai mʉch Aai aar maagpamgui ajim.

San Juan 16:5

Pari ĩs ya mʉch chirarr aar mʉch pʉitarr dʉi ãba chiraan mam aawai warre pãrag jaau chirʉmgui ajim. Pari mag mʉ mam a chirʉm ũrwia oneenaa ni ãbmuajã, “¿Jãgata sĩ mag pʉ sĩeimaju durrjã?” aba,

San Juan 17:11

Magnaa, “Tata, mʉ chan tag mʉg durr gaai chitabajugui ajim, deeu pʉ dʉi ãba chiraag ũwaai pʉ aar maagpaawai. Pari mʉ khapeen chan wetba, ich mʉig eegar nʉisijugui ajim, maar igwia. Maagwai pʉrʉgta am kõit mua jeeu chirʉmgui ajim, pʉchpaita thumaam khʉʉnau ee aju aai naawai. Pʉch iekhau pua am chig apiba, pʉchdeu mʉrʉg deetarr jua theegau am thʉa wai chirsí ajim, ich jãg maach numijã o ãba nʉmjo amjã ich mag o ãba wenʉrramkhĩir.

San Juan 6:62

Magan pãach dakhĩir Emkhooi Iewaa deeu ũwaai warr ich sĩerr aar sĩeimaag ʉ̃gthaa papagmam ookhiinjã, pãrau ¿jãga khĩirjukhajĩma? Mag ookhiinjã ¿mʉ chadcha ʉ̃gtharmua beebajim ajupá? ajim.

Hechos 1:2

Mua pʉrʉg jaau chirajim ĩchab, mag ich Jesuu ʉ̃gthar maju nawe, Ẽwandam Akharau ichig jaaupibaawai, jũrr irua ich dʉi ogdʉba wenʉrramkhĩir ichdeucha jʉr autarr khʉʉnag, jãga amau nem wau wenʉrraju a jaau pʉatarr.

Hechos 1:9

Ya ich Jesús mag iekha obarm ee, sĩi warag ʉ̃gthaa papagmam dʉi jʉʉnthumie baug beewi sĩi ag ee i meer athamjo abaawai ʉu amau i oo wai durrarrjã warag oohba pamamua chukkhu aadejim aajem.

Efesios 1:20

Ich mag jua theegau khabajieb Ẽwandamau deeu Cristo phiriu auwi ʉ̃gthar ich juachaar garcha thumaam khʉʉn Porkhamkhĩir juppitarr.

Filipenses 3:14

Maagwai mʉg atag ya ich sim aarcha barbaimaawai mʉchdeu mag ich dawagaa nem wau chitarr jũrr Ẽwandamau mʉ dʉi ajaphanaa ich dʉi ich mag mʉ wai nʉrraju. Mamʉ mag maach ʉ̃gthar oberju ayaa amkhĩir Jesucristo meebamua chan ãbjã Ẽwandamau auba aajeekham.

1 Timoteo 3:16

Mag iek warrgar thumaam khʉʉnau khaugba aajerrta ĩsin maadeu dawaa oo nʉm, ich Ẽwandamau maachig khaugpitarr aawai. Mag maachig khaugpitarr iekhan mʉgau: Cristo Ẽwandamkha simta maach thaabaajemjo mʉg jẽb gaai thaabachewia, maach wounaan khĩir thegwia, mʉg jẽb gaaim khʉʉnag ich oopien beejim. Maimua meewia Ẽwandam Akharau deeu i phiriu athamua chadcha í pekau chukhu khitʉm a khaugpijim õrag. Mʉg jẽb gaai sĩeichewia irua nem wautarr thum Ẽwandam chognaanau ʉ̃gtharmua oojierram. Maimua amach aar pabaimaawaijã sĩi onee amach jua ee baarpi aujierram. Magtarr, durr warpham magwe aaidʉ jaaupʉiwia meupierram khʉʉnau khakhapdo thʉnʉm dʉi ĩchab durrpierr i iek ʉkha durrum khʉʉn nʉnʉidʉm.

Hebreos 12:2

ãba Jesús gaaita dich khĩirjug sĩuju aai nʉm. Ichdeuta warrjã ʉu maachig Ẽwandam iekjã ʉkhapiwi mʉg atagjã parta ʉkha naajim apibaju, ich Ẽwandamau maach dʉi wauju jaautarr thum chadcha oopiju aawai. Ich Jesuuta chi khaigbacharam khʉʉnjo pakuls gaai ʉdʉraa ich thõopibajieb, chigagjã igba, mag ich thõopibarmua õor peerdʉ athaawai ichpa onee ich mag sĩerraju khaphʉ sĩerr aawai. Ichta ĩchab ich Aai jup sim khu juupjem gaai dʉi i juachaar garcha ãba jupimawi ich mag sĩerrʉm.

1 Pedro 3:22

Mag iiu phiidʉtarr Cristota ʉ̃gthar mawi, thumaam khʉʉn khãaijã ichta Ẽwandamau ich dʉicha ich juachaar gar juppiwi, ʉ̃gtharm magwe ich chognaan thum chi thethecharam khʉʉnagpa iita ogkhawi i ipierraa apijim.