Maimua jaaumamua ich Jerusalenag majujã jaaujim. Mag Jerusalén pabaimaawai jooin chi porkha nʉm khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua ich dau aphʉʉ wai naawi ich thõojujã jaaujim. Mamʉ mag amau i thõowiajã deeu ũwaai khãai thãrjup nʉm ee deeu ich iiu phiidʉjujã jaaujim.
San Lucas 9:44 - Wounaan Meu44 —Ajapha mʉ iekhaagpam ũrwia khĩir eyaa wai nʉisit. Mʉigmua pomcha khaba nʉm ee, mʉg mʉch chi Emkhooi Iewaa mʉg chirʉmʉn chi thierrnaanag pʉr deejugui ajim anʉm. Faic an caibideilWoun Meu44 —Hajap'a mʌ hiek'aagpam hũrwia k'ĩir heyaa wai nʌisit. Mʌigmua pömcha k'aba nʌm hee, mʌg mʌch chi Hemk'ooi Hiewaa mʌg chirʌmʌn chi t'ierrnaanag pʌr deejugui hajim hanʌm. Faic an caibideil |
San Lucas 9:44
26 Iomraidhean Croise
Maimua Jesuu wir aig ichpai jaaumamua magjim anʉm ich khapeenag: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deejugui ajim anʉm. Mamʉ amau mag mʉ thõowiajã khãai thãrjupam ee phiidʉwi deeu mʉ iiu chirsijugui a jaaujim aajem ich khapeenag.
Maimua ich dʉi doce ogdʉba wenʉrraajerr khʉʉn chaaur khĩet phe arrwia amag magjim aajem: —Pãrag khap amkhĩir mua warre jaaukhimgui ajim anʉm: Pãrau khaphʉ nʉm, ya maach Jerusalenag wetum. Jerusalén barbaimaawai warrgarwe Ẽwandam i jaaumienau mʉch chi Emkhooi Iewaa igwia phãtarrjo thum ag eyaa oberjugui ajim anʉm.
Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.
Maimua magjim anʉm: —Mʉch chi Emkhooi Iewaa chadcha dau aphʉʉ aju aai chirʉm. Mʉ dau ãaukha isegwia Jerusalenpie jooin chi thethem khʉʉnau phadnaan chi porkha nʉm khʉʉnaupa Moisés iek jawaag chi machnaan dʉimua mʉ thõomkhĩir pʉr deeju. Mamʉ mag amau mʉ thõowiajã khãai thãrjupam ee phiidʉwia deeu mʉ iiu chirsijugui ajim anʉm.
Ya mua pãrag ag nawe mag jaau chirʉmʉn, ya chadcha pãach mag am jua ee dau aphʉʉ aadeewaijã mua pãachig amau pãach dʉi magju a jaaujerr khap amkhĩraugui ajim. ’Mag mʉch gaaimua pãar dau aphʉʉ ajujã warrcha mʉch khapeenkha awaag pãar thʉ̃rkha aauwaiwe mua chadcha pãrag jaaubajimgui ajim, agtha pãar dʉi amau magju wají narr aawai; mag nʉm dʉi ĩchab mʉchcha pãar dʉi chitaawai.
Magbaawaita jũrr ich Jesús garmua irig, —Ich Ẽwandamauta jãg pʉ iek theeg apiba arr amuan, ĩs pʉ bʉ̃ʉrjã mʉ dʉi iek theeg chukhu chirakhamgui ajim anʉm. Mag pʉchta chi thierr awia mʉ dʉi mag chirʉm gaaimua, pʉchjã dʉi kulp wai chirʉmgui ajim anʉm. Pari ar pʉrʉg mʉ dʉi mʉgamkhĩir õor khaigbamjo mʉ mʉig pʉr waiberr khʉʉnta pʉ khãaijã ʉ̃rʉʉcha kulp paraa nʉmgui ajim anʉm, amachdeu khaphʉ nʉmta mʉ dʉi jãg naawai.
Mamʉ mag khitarrta juau ich Ẽwandamau mag ʉdʉraa i thõopibajieb ajim anʉm, mag i thõopibarm gaaimua warag pãachta wajapcha oberju khaphʉ sĩerr aawai. Magju arr aawaita, pãachig pʉr deebaawai, pãrau i pʉr arrwi pãach ipaarmua pakuls gaai õor sĩi khaibag sĩsidʉm khʉʉnag i meerphe thõopijierramgui ajim anʉm, ich Ẽwandamau ag nawe mag khĩirju wai sĩerrjo.
Sanasan