San Lucas 9:4 - Wounaan Meu

⁴ Maimua pãach wenʉrrʉmpierr pãachig di jaaubarm degpai kheeupaawai khãibat ajim anʉm, pãach maigmua wet nʉm ora.

Woun Meu

⁴ Maimua pãach wënʌrrʌmpierr pãachig di jaaubarm degpai k'eeupaawai k'ãibat hajim hanʌm, pãach maigmua wët nʌm hora.

San Lucas 9:4 Iomraidhean Croise

San Mateo 10:11

Phobor ee pãach dubimaawai, wa sĩi didam khapan khabam aig khãijã pãach barimaawai, khap aag nacha jeeu oobat, khai di aigta pãach jẽerimaju aai nʉ a khap aag. Mag pãach jẽerbaimam degpai naawia ereubaadet a jaaumajim, sĩi parhoob dipierr khãi wenʉrraba.

San Marcos 6:10

Mag jaauwi ĩchab, —Pãach wenʉrrʉmpierr pãachig di jaaubarm degpai kheeupaawai khãibat ajim anaabá, pãach maigmua chawag wet nʉm ora.

San Lucas 9:3

Maimua ĩchab amag, —Pãach jua kharr ereubaadet, bʉ̃ʉrjã nem inag arrba: bordón chukhu, talegdijã chukhu, ni thach ni phatkhonjã oob arrmiet; ich jãg ereubaadet ajim anʉm, khajũa theg jũajujã chukhu.

San Lucas 9:5

Mamʉ phobor ee ni ãbmuajã pãach amach deg dubpiba ni pãach iekjã ũrba abaawai warre amach dakhĩirwe pãach bʉ gaaim jẽb ʉʉrphe ʉʉrphenaa pãachta ereubaadet ajim anʉm. Pãrau magmʉn magbarmuapai amag “Pãachdeu jãg Ẽwandam iek ũrba abarm gaaimua ich dʉita khĩir khap abat” anʉmʉugui ajim anʉm.

Hechos 16:15

Magbaawai chadcha ʉkhawia, thum ich di aiguim khʉʉnaupa amach por choopiwi, mag ʉʉirau ich garmua marag, —Pãachdeu oowai chadcha mua maach Por Jesús iek ʉkha ʉmjoo oo nʉm khai, magan mʉ di aar wetwia mʉ aig khãibajet ajim. Mag ʉdʉʉr maach pʉiba khãibajeje nʉʉ paawai chadcha maar thʉbagkhajim.