San Lucas 9:39 - Wounaan Meu

³⁹ Mʉg kherʉm ich beneu barbaadeewain nem theegta baarjem. Di bäbäjä khabaademua ähäikham dʉi sĩi isaphunjã bau aadeejem. Mag di bäbäjäkham pʉamjã igba thʉnʉʉ awia bar dichdimaawain gaai machgau sĩita kha aupihba aadeejemgui ajim anʉm.

Woun Meu

³⁹ Mʌg k'ërʌm hich bënëu barbaadeewain nem t'eegta baarjem. Di bäbäjä k'abaadëmua hähäik'am dʌ̈i sĩi hisap'unjã bau haadeejem. Mag di bäbäjäk'am pʌamjã higba t'ʌnʌʌ hawia bar dichdimaawain gaai machgau sĩita k'a haupihba haadeejemgui hajim hanʌm.

San Lucas 9:39 Iomraidhean Croise

San Marcos 9:18

Mʉg khitʉm barbaadeewain sĩi jẽkhʉt bäjä aimaajem. Magbaademua sĩi isaphun bau aadem dʉi thet khierrpa kũkũerr khabaademua phithierrii aadeejemgui ajim anʉm. Mag bar nʉmua warag nem dau aauga pabaademgui ajim anʉm. Mua pʉ khapeenag jaaujim, amag mʉch chaai mor eem ben warre jẽupʉimkhĩir. Pari ni ãbmuajã podbajim a jaaumajim aajem.

San Marcos 9:20

Magbaawai chadcha chi chaai i aig aibeejierram aajem. Mag aipierrwai, chi chaai mor ee mag chi mepeer simua Jesús khĩir eerpa athaawai, sĩi eeupemjo ich beneu barbaademua warre jẽkhʉt bäjä aimajim anʉm. Mag bäjä aimaa sĩi parhooba bʉ thʉthʉg khabaadem dʉi ipegchoo isaphun bau aadejim anaabá.

San Marcos 9:26

Mag Jesuu ichig meeurrau aadeewai chi mepeer wiiu a baubaadejim anaabá. Mag baubaademua chi chaai deeu ich beneu barbaadewi, jẽkhʉt bäjä aimawia, warre chi meemjo bʉ̃ʉrjã mimig chukhu apʉijim anʉm. Mag aig õor pom pos thʉnarr khʉʉnau amach dakhĩir mag chi thõmjo aadem oobaawai, “Chadcha ya meebaadebahab” anaajim anaabá.

San Lucas 4:35

Magbaawai Jesuu chi beneg meeurraunaa, —Khĩu abá. Pʉchta warag jãg woun mor eemua oberbaad ajim anʉm. Magbaawai chadcha chi mepeer oberbaademua warre chi wounta jẽkhʉt barwerppʉijim anaabá. Mamʉ magtarrjã chig aba, deeu khĩir eerdʉwia, warramjo monakha sĩsijim aajem.

San Lucas 9:38

Mag khapan pos wedurum eemua woun ãb i aig beewia irig magchejim anʉm: —Maestro, mʉ chaaidam thõthõrrso khitʉm pʉ aig aibeejim. ¿Pua mʉ dau aug khaugwia i monaaupʉibaju khai? Mʉ chan tag chaaijã chukhu ãba mʉgdam appaita wai chirʉmgui ajim anʉm.

San Lucas 9:40

Chi mepeer obeerpʉimkhĩir pʉ dʉi ogdʉba wenʉrraajem khʉʉnag mua jaautarrjã amau podbajierramgui aichejim anaabá.

San Juan 8:44

Magnaa amag, Pãar aai mepeer khabahab ajim. Maguata pãar i denkha naawai irua nem jajaaukhamta waum khõchkhaajerram. Mepeer warrgarwe õor thõomie khabahab ajim. Irua nem jaau sim chan bʉ̃ʉrjã chadam iek khabamta jaau sĩerrʉm. Irua chadcha nem jaautarr chukhum. Jãg irua seukha nem jaauwai ich khapta jaauba aajeeb ajim, seunem sĩerraawai. Magua ichta seu paraam khʉʉn aaikha sĩerrabahab ajim amag.

1 Pedro 5:8

Khĩir khaphʉ abat: Meperan khumau nem pʉr aum ig sim aig sĩi jĩerrbʉgthʉ aadephʉmjota sim maach bigaau, maach pekau ee burrpiju ẽkhaawai.

Apocalipsis 9:11

Mag langosta pom durrpierr aaidʉ thʉnʉm por ĩchab ich mag ierr ithurm wejom ee thʉrrdo sim aar chi porkha sim ag mepeerpaiu. Mag mepeer thʉ̃r Abadón aajem hebreonaan meúa. Maagwai griegonaan meúata Apolión aajem. Mag sim aig maach meúan “õor pom khechmie” a simʉu.