San Lucas 9:30 - Wounaan Meu

³⁰ I magbaadem ee wounaan numí i bigaau dʉnʉʉutkhachewia i dʉi iyʉʉ naajim aajem. Mag i dʉi iyʉʉ narr khʉʉn, jooingar Moisés khararr ajim aajem Ẽwandam i jaaumie Elías khararr dʉi.

Woun Meu

³⁰ Hi magbaadëm hee wounaan numí hi bigaau dʌnʌʌutk'achëwia hi dʌ̈i hiyʌ̈ʌ naajim haajem. Mag hi dʌ̈i hiyʌ̈ʌ narr k'ʌʌn, jöoingar Moisés k'ararr hajim haajem Hẽwandam hi jaaumie Elías k'ararr dʌ̈i.

San Lucas 9:30 Iomraidhean Croise

San Lucas 1:17

I gaaimuata õor ee Ẽwandamau ich jua theeg oopijugui ajim anʉm, warrgar ich i jaaumie Elías khakhitarr dʉi aajerrjo. Irua Ẽwandam i jaau nʉrrʉm ũrwia, jooin amach chaain dʉi khajap khaba wenʉrraajerr khʉʉnjã khõinaa wenʉrranaa ĩchab i iek ũrmapha aajerr khʉʉnaujã amach jooin warrgarm khʉʉn denjo i ipierraa aju, maagwai Ẽwandamau mag am Porkhaju päaiwaijã amach thãraucha khõsi i iek ũrmkhĩir a jaauchejim aajem chi Ẽwandam chogau.

San Lucas 24:27

Maimua jũrr ichdeuta warag amag jaaubaadejim anaabá. Nacha Moiseeu phãtarr gaaimua jaaupʉpʉig khĩeb chi Ẽwandam i jaaumienau phã pʉatarr gayam magwe, ich igwia beeju a jaau sĩsidʉm thum ajapha jaaudubjim aajem amag.

San Lucas 24:44

Mag ãwarrdam kho aaipawiata amag, —Keena, mʉg mʉch õrau thõojuuta mua pãrag jaaujeejimgui ajim anʉm, agtha maach ãba wenʉrraajeewaijã. Moiseeu Ẽwandam iek phãtarr gaai mʉ igwia jaau simjo, ichiita ich jãg mʉch dau aphʉʉ ajujã jaaujeejimgui ajim anʉm, mua pãrag. Maimua Ẽwandam i jaaumienau phãtarr gaaijã jaaunaa Davidau ẽsap Salmos anʉm phãtarr gaaijã mʉ igwia ich mag phã sĩsid aawai, chadcha ichdeu jaautarrjoo thum ag eyaa oberjimgui ajim anʉm amag.

San Lucas 9:19

Magbaawai amachdeu magjierram aajem: —Am iek pʉ Juan chi õor por choomie aajem; deeum khʉʉnau jaauwai, pʉʉta Elías aajem, warrgar Ẽwandam i jaaujerr; maagwai pogkha jaauwai pʉ sĩi warrgar agjo Ẽwandam i jaaumie arrta deeu iiu phiidʉwia nʉrraichemjã a jaaujem am den ajierram aajem jũrr irig.

San Lucas 9:29

Mag mam wetwi ich Ayag jeeu simta, degolp sĩi bʉ̃ʉmjo aadejim anaabá, ich mor gaai khajũa jũa sĩerrpa. Maagwai chi khajũa chará sĩi phuumjo aadejim anʉm, ich bäpgau.

San Lucas 9:31

Mag am iyʉʉ dʉnʉnʉidʉ aichem dʉi ĩchab pagthʉm daujo phʉr jẽer athamua mag ãsdaau narrta sĩi warag arar am wʉʉ wai sĩsijim anaabá. Am iyʉʉ narran, ich Ẽwandamaucha warrgarwe ich i jaaumienag jaautarrjo, Jerusalén phobor ee õrau i thõojuuta ig iyʉʉ naajim aajem.

San Juan 1:17

Ẽwandamau Moiseeg ley phãpiewai sĩi jãga wenʉrraju aai nʉ a khap amkhĩirpai phãpijim. Pari jũrr Ẽwandamau ich Iewaa Jesucristo päaiwai, ichta ich Chaai chaar aawai, warre ich gaaimuata i jãga chitʉ́ a khaphʉnaa ĩchab maach ichdeu khõsi simjã khap amkhĩirta pʉijim.