San Lucas 9:3 - Wounaan Meu

³ Maimua ĩchab amag, —Pãach jua kharr ereubaadet, bʉ̃ʉrjã nem inag arrba: bordón chukhu, talegdijã chukhu, ni thach ni phatkhonjã oob arrmiet; ich jãg ereubaadet ajim anʉm, khajũa theg jũajujã chukhu.

Woun Meu

³ Maimua hĩchab hamag, ’Pãach jua k'arr hërëubaadët, bʌ̃ʌrjã nem hinag harrba: bordón chuk'u, talegdijã chuk'u, ni t'ach ni p'atk'onjã hoob harrmiet; hich jãg hërëubaadët hajim hanʌm, k'ajũa t'eg jũajujã chuk'u.

San Lucas 9:3 Iomraidhean Croise

San Marcos 6:7

Mag nʉrrʉmua Jesuu biek ãb ich khapeen doce ich dʉi ogdʉba wenʉrraajerr khʉʉn ãbam aig thʉ̃rphe auwi nunumdo pʉyaagpajim aajem. Mag pʉyaagpamua ĩchab ich juapa theegjã amag deemajim anʉm, mag juapaau õor mor eem dosãt ben khaigbampa ich denjo jʉr werpmamkhĩir.

San Lucas 12:22

Maimua mag ich dʉicha ogdʉba wenʉrraajerr khʉʉnagta, —Mua pãrag jaaukhimgui ajim anʉm: Oob pãrau “¿khani khojuuta maach mʉg nʉma?” awia okhĩirjuu amiet. Wa magbam khai, ya khajũajã chukhu nʉm, “¿khani jũajuuta mʉg nʉma?” a khãijã khĩirjumiet ajim anʉm.

San Lucas 12:28

Pamaar jãg ooimʉ thʉnʉm edau wʉʉbaademuapai khiugphebaadeewai sĩi khʉʉijemjã Ẽwandamau jãg ooimʉ wai sĩejemta, ¿jãgwia pãar pamaar khãyaujã ʉ̃rʉʉcha balee nʉmua nem jeeu nʉmta irua deeba abarju? ¿Wa pãachdeu jeeu nʉmjã pod deebajupii aajẽwa? ajim anaabá.

San Lucas 22:35

Maimua warm khʉʉnagjã magjim aajem: —Ar mua Ẽwandam iek jawamkhĩir pãar putjã chukhu phatkhonjã chukhu sĩi ich jãg zapat theg jũajujã chukhu pʉijim ed, ¿nem inag athee pãar augchejierrá? ajim anʉm. Magbaawai chi khapeenau, —Ʉ̃hʉ̃, bʉ̃ʉrjã maar augchebajimgui ajierram aajem.

San Lucas 3:11

Magbaa ichdeu magjim anʉm amag: —Khajũa theg jũaju paraa nʉm khʉʉnau bʉ̃ʉrjã jũaju chukhu khitheem khʉʉnag deepetat. Maagwai agjo nem khoojemdam wai nʉm khʉʉnau ĩchab chukhum khʉʉn dʉi jig khobat ajim anʉm.

San Lucas 5:29

Maimua ich di aar barwia phiejãb pom waupijim anʉm, Jesús khopieg. Mag nʉm dʉi ĩchab ich khapeen thʉ̃rkhʉʉijim aajem, ich aig thach khoon beemkhĩir. Magbaawai debpaar jeeujem khʉʉn khapan wedurum dʉi parhoobam khʉʉnpa beewia ãba thach kho naajim aajem, Jesús dʉi.

San Lucas 9:4

Maimua pãach wenʉrrʉmpierr pãachig di jaaubarm degpai kheeupaawai khãibat ajim anʉm, pãach maigmua wet nʉm ora.

2 Timoteo 2:4

Pua khaphʉ sim, soldaaun abarm chan mag sĩi ich phidagjã khaugba nem parhoobam gaaita oo sĩi aba aajem. Magju khãai ʉu ich porkha simjã ich gaaimua onee amkhĩir, ãba ich phidag waujupaita khĩirjuajem, ich por ichaaur aju khĩirjuba.