San Lucas 9:27 - Wounaan Meu

²⁷ Cha mʉ iekha chirʉm iekhau ãaur khʉʉn cha mʉ iek ũr nʉm khʉʉn chan mʉchta thumaam khʉʉn Porkha beeju edamjo aadem oobam aigjã meebajugui ajim aajem Jesuu ich khapeenag.

Woun Meu

²⁷ Cha mʌ hiek'a chirʌm hiek'au hãaur k'ʌʌn cha mʌ hiek hũr nʌm k'ʌʌn chan mʌchta t'umaam k'ʌʌn Pörk'a bëeju hedamjö haadëm hoobam haigjã meebajugui hajim haajem Jesuu hich k'apeenag.

San Lucas 9:27 Iomraidhean Croise

San Mateo 16:28

Cha mʉ iekha chirʉm iekhau ãaur khʉʉn cha mʉ iek ũr nʉm khʉʉn chan mʉch chi Emkhooi Iewaa thumaam khʉʉn Porkha beeju edamjo aadem oobam aigjã meebajugui a jaaumajim.

San Marcos 14:25

Maimua, Mua warre pãrag jaaukhimgui ajim anʉm: Mʉg vino dobarm aigmua mua chan tag doba, ãba Ẽwandamta thumaam khʉʉn Porkha sĩsim edta deeu ag khãyaujã ajapcharamta dojugui ajim anʉm.

San Marcos 9:1

Mag iekhamamua ĩchab, —Mʉ cha iekha chirʉm iekhau ãaur khʉʉn cha mʉ iek ũr nʉm khʉʉn chan mʉchta nem jua theeg thumaam khʉʉn Porkha beeju edamjo aadem oobam aigjã meebajugui a jaaumajim anaabá.

San Lucas 2:26

Magua ich mag Ẽwandam Akharau ichig jaautarr aawai jooi Simeonau khaphʉ sĩejim aajem, ich daúacha ooju maach Por Ẽwandamau mʉg jẽb gaai Cristota Reikhamkhĩir pʉiju a jaaujerr.

San Lucas 22:18

Mʉʉn ãbmieta ĩs pãar dʉi mʉg vinodam do chirʉmgui ajim anʉm. Mʉg dobarm aigmua tag doba, ãba Ẽwandamta thumaam khʉʉn Porkha sĩsim edta deeu dojugui ajim aajem.

San Juan 14:2

Magnaa, Mʉ Aai sim durran di khapan õor joobaju pooma thʉnʉmgui ajim. Mag õor joobaju pom chukhu akhiin, mua pãrag, “Mʉʉn pãar naaimamkhĩir di khĩir khaugaagta pãar na mam” abakhamgui ajim.

San Juan 16:7

Pari mag mʉ maju a chirʉmʉn, chadcha pãach wajapcha amkhĩraugui ajim. Mʉ maba akhiin, Ẽwandam Akhaar mag pãar khĩir jãsenkhajujã beebaju. Magarrau mʉ petaawain chadau mʉchdeuchata mʉch jũrr mag pãar khĩir jãsenkhajujã pʉijugui ajim.

San Juan 8:59

Amachig magbaawai chará ya mokou i baraag ẽkha naajim. Pari mag nʉm ee, sĩi ich iiu aawai, õor ee theerbabag warag ichta daaupabaadejim, Aai i jeeujem degmua.

Hebreos 2:9

Magarrau Jesuuwan chadau, mʉig eegar wounkha sĩethuurwai maachjo angelnaan khãaijã Ẽwandamau eegpai i deejieb mamʉ, ĩs jũrr ichdeuta nem thʉnʉm thum chadcha wai dʉnʉm. Mamʉ Ẽwandamau mag maachjo angelnaan khãaijã eegpai apitarran, maach dau aug khaugwi maach peerdʉ aum khõchgau maach kõit dau aphʉʉ amkhĩir ajim. Mamʉ mag maach gaaimua meetarr jũrr, ich Ẽwandamau ichta nem thum thʉnʉm khãaijã ʉ̃rpai apijim.