San Lucas 9:25 - Wounaan Meu

²⁵ Pãrau oowai, ¿khan ajaug sĩ ajim anʉm, woun ãbmua mʉg durr thum ichdeupai jʉ̃a wai sĩsim, mamʉ mag sim meebaadee khĩmie durr petam; irua ich durr thum ich dʉi arrju aai sĩ? Pod arrbamgui ajim anʉm.

Woun Meu

²⁵ Pãrau hoowai, ¿k'an hajaug sĩ hajim hanʌm, woun hãbmua mʌg durr t'um hichdëupai jʌ̃a wai sĩsim, mamʌ mag sim meebaadee k'ĩmie durr petam; hirua hich durr t'um hich dʌ̈i harrju haai sĩ? Pöd harrbamgui hajim hanʌm.

San Lucas 9:25 Iomraidhean Croise

San Mateo 13:48

¿Pãrau oowai mag ʉreu wai jorroo awia jiir aunaa, chi ãkhãar theernaa barpʉiwia, chi wajapham appaita auba aajẽ? ajim.

San Mateo 13:50

magnaa mag chi ãkhãraam khʉʉn mag orno paa simjo sim ee barkhʉʉipʉiju. Mag barkhʉʉibapäaiwai mamta icharaucha bĩenaa gaai machgau am khierr ujãkkhʉr ajugui ajim, amach khaigba wenʉrrarr jũrr.

San Mateo 16:26

Pãrau oowai, ¿khan wajaug sĩ ajim, ãbmua mʉg durr thum ichdeupai jʉ̃a wai sĩsim, mamʉ mag sim meebaadee khĩmie durr petam? ¿Irua ich durr thum ich dʉi arrju aai sĩ? Pod arrbam. ¿Pãrau khĩirjuawai ãbmua khãijã ʉ̃gthar oberaag phatkhon pom phagju aai sĩ? Mag phagwiajã pod dubbamgui ajim.

San Marcos 8:36

Magnaa amag, Pãrau oowai ¿khan wajaug sĩ ajim anʉm, woun ãbmua mʉg durr thum ichdeupai jʉ̃a wai sĩsim, pari mag sim meebaadee khĩmie durr petam? ¿Irua ich durr thum ich dʉi arrju aai sĩ? Pod arrbam.

Hechos 1:18

Magtarrta ich dau lokoo mag Jesús pertarr paar ichig phagtarr phatkhonau jẽb per auwia, mam mawia, ichdeupai ich o jorrkaawi, porou burrwi, bi jurrphe sĩi jʉhãutarrjo apʉijimgui ajim aajem.

Hechos 1:25

Ya Judajã ichdeu khaigba arr gaaimua wir aig ich thõobaawai i jũrr pʉch i jaau nʉm phidag maar dʉi ãba phidkhamkhĩir marau deeum ig nʉmgui” ajim anʉm, “maach daumaai.”

1 Corintios 9:27

Wajapcharan Ẽwandamau nem jaau sim ichaaur amaaugau, mʉʉn mʉch wawí chirʉmuata ajués sʉrkha chiraajem, parhoob nem wauba aag. Magba akhiin mʉch garmua õrag Ẽwandam iek jaau chitʉʉ aajerrta, jũrr Jooirau mʉrʉg nem deeju atarrta ĩgkha auju.

Hebreos 10:34

Mag durrum gaaimua pãach khapeen cárcel deg durrum khʉʉnjã pãrau ʉu dau aug khaaugjeejim. Mamʉ magpaijã khaba, mʉig eegar pãachdeu nemdam wai nʉm khãaijã ajapchanaa bʉ̃ʉrjã ãrba aajemta paarpajujã khaphʉ naawai, pãach nemdampa khechthʉg aumam kõitjã iekhaba, gaai mas khabamjo warag onee magʉmjã pãrau khĩu ãwaatjeejim.