San Lucas 9:20 - Wounaan Meu

²⁰ Ichig magbaawai, jũrr amachigcha, —¿Ma pãachdeujãma, pãrau khĩirjuawai mʉ khai agá? a jeeujim anʉm. Magbaa Pedroou irig, —Pʉʉn Cristoou, ar warrgarwe ich Ẽwandamaucha õor peerdʉ aumkhĩir pʉiju jaaujerr ajim anʉm irig.

Woun Meu

²⁰ Hichig magbaawai, jũrr hamachigcha, —¿Ma pãachdëujãma, pãrau k'ĩirjuawai mʌ k'ai hagá? ha jëeujim hanʌm. Magbaa Pedroou hirig, —Pʌʌn Cristoou, har warrgarwe hich Hẽwandamaucha hõor peerdʌ haumk'ĩir pʌ̈iju jaaujerr hajim hanʌm hirig.

San Lucas 9:20 Iomraidhean Croise

San Mateo 22:42

Jesuu amag, —Pãrau mag õor peerdʉ awaag Mesías anʉm beeju ig iyʉʉ aawai, ¿khai chaai aju khai a khĩirjuba aajẽ? a jeeujim. Magbaawai amachdeu, —Jãan warrgar jooi David khararr ag chaain ewagam khʉʉnauta oodeejugui ajierram.

San Mateo 26:63

Pari magʉmjã Jesús bʉ̃ʉrjã jʉ̃ʉ aba, warag khĩuu sĩsijim aajem. Mag ich iek ʉkhaba abaawai deeu irig chi phadnaan porou, —Maach Ẽwandam ich mag iiu sĩerrʉm iek gaai thʉwi muata pʉrʉg “Jaaubá” a chirʉm. ¿Pʉʉta chadcha Ẽwandam Iewaa ichdeucha jʉr auwia pʉiju jaaujerrá? Marag jaaubá ajim anʉm.

San Mateo 5:47

Wa sĩi pãrau pãachjo judionaankha thʉnʉm khʉʉnagpai khãijã saludaakhiin, ¿maigjã khan wajaug sĩ? ¿Ich agjo aba aajẽ judionaan khabam khʉʉnaujã? Pãach meeun khabam khʉʉn awiajã oob amag saludaamapha amiet ajim anʉm.

San Marcos 14:61

Mamʉ magʉmjã Jesuu bʉ̃ʉrjã jʉ̃ʉjã aba, sĩi warag khĩuu sĩsijim anaabá. Mag ich iek ʉkhaba abaawaita deeu chi phadeu pʉaba jeeumamua irig, —¿Pʉʉta chadcha Ẽwandam Iewaa ichdeucha jʉr auwi pʉiju jaaujerrá? Marag jaaubá ajim anʉm irig.

San Marcos 8:29

Magbaa jũrr amachigcha, —¿Ma pãachdeujãma? ¿Pãrau khĩirjuawai mʉ khai agá? a jeeujim anʉm amag. Magbaawai Pedroou, —Pʉʉn Cristoou ajim anʉm, warrgarwe ich Ẽwandamaucha jʉr auwia õor peerdʉ aumkhĩir pʉiju jaaujerr.

San Lucas 22:67

—¿Pʉchta chadcha warrgarwe Ẽwandamau õor peerdʉ aumkhĩir jʉr auwia pʉiju aajerrá? Warre marag jaaubá ajierram anʉm, marau khap aag. Magbaawai Jesuu, —Mua pãrag jaaukhiinjã, pãrau mʉ iek ʉkhabajugui ajim anʉm.

San Lucas 9:19

Magbaawai amachdeu magjierram aajem: —Am iek pʉ Juan chi õor por choomie aajem; deeum khʉʉnau jaauwai, pʉʉta Elías aajem, warrgar Ẽwandam i jaaujerr; maagwai pogkha jaauwai pʉ sĩi warrgar agjo Ẽwandam i jaaumie arrta deeu iiu phiidʉwia nʉrraichemjã a jaaujem am den ajierram aajem jũrr irig.

San Juan 1:41

Mag Andrés anʉmua ich naam Simón jʉraan mawia oobaimaawai irig, —Ya ĩsin chadau maran warrgarwe Ẽwandamau Mesías pʉiju a jaaujerr dʉita oobarmgui ajim anʉm. (Mag Mesías aawai griego meúa Cristo aawaiu.)

San Juan 1:49

Magbaa Natanaelau, —Maestro, pʉʉn chadchata Ẽwandam Iewaau. Pʉch khabahab ajim, israelnaan Rey marau nʉ narr.

San Juan 11:27

Magbaawai chi Martaau, —Señor, mua khaphʉ ʉmgui ajim, pʉ chadcha ich Ẽwandam Iewaau. Pʉʉta warrgarwe ich Ẽwandamau ich iek jaaumkhĩir mʉg jẽb gaai pʉiju aajerr khabahab ajim irig.

San Juan 20:31

Pari mʉg thum mag mʉg ẽsap gaai jaau chirʉmʉn, jãan chadcha Jesuun Ẽwandamau ich Iewaa ichdeucha jʉr auwia warrgarwe pʉiju a jaaujerrjo pʉitarrta pãrag khap amkhĩrau; mag khaphʉnaa i iek ʉkha phobaadeewai mʉg atag pawiajã i dʉi ãba ich mag khapeerkha nʉm gaaimua iiu wenʉrramkhĩir.

San Juan 4:29

—Mau mʉ daupierr oobahuthʉ̃ ajim anʉm, pos aar woun ãb simua, mua ichigjã jaauba arrta, mua nem waaujem thumaa khaphʉ mʉrʉg jaaubarm. Mua khĩirjuawai, jãata warrgarwe Ẽwandamau pʉiju a jaaujerrjoo simgui aimajim aajem.

San Juan 4:42

Mag amachdeucha Jesuu jaau sim ũrwia ʉkhatarr khʉʉnau chi ʉʉirag, —Ya ĩs chan sĩi pua jaau sim ũrwiapai khaba, maach jʉ̃gʉucha i iek ũrwiata marau ʉkha nʉmgui aajeejim. Ya chadcha marau khaphʉ nʉm, jãguata chadcha durrpierr ich iek ʉkha nʉm khʉʉn thum peerdʉ auju khabahab aajeejim jũrram khʉʉnau.

San Juan 7:41

Maagwai ãaur khʉʉnau jũrr, “Keena, jãan warrgarwe ich Ẽwandamau pʉiju aajerr wounauwai” anʉm ee, tagam khʉʉnau, “Ʉ̃hʉ̃, mag khabam; jãg woun chadcha cha jaau nʉmjo warrgarwe ich Ẽwandamau pʉiju jaaujerr akhiin, Galileapierr khabakham” aajeejim.

Hechos 17:3

—Jesús ich Ẽwandamaucha pʉitarr awiajã ichiita ich jãg dau aphʉʉ awi meeju aai sĩejimgui ajim anʉm. Magtarr Jesuuta mua pãrag jaau chirabahab ajim anʉm; ichta chadcha Cristoou, warrgarwe õrau nʉajerr.

Hechos 8:36

Mag iyʉʉ wetumua dodam phʉʉr kherʉm aig paaukhabaimaa ich chi thethemua Felipeeg, —Kake, mʉg dodam paraa kherʉm aig nʉwe, ¿pua oowai mʉ por chooju jãg chirʉ́? ajim anʉm. [

Hechos 9:22

Mamʉ ichig maagwai chará, warag Sauloou iek khẽgkha jaaumamua, “Chadcha jãg Jesuuta ich Ẽwandamaucha warrgarwe jʉr auwia maach peerdʉ aumkhĩir mʉg durr gaai pʉiju aajerr khabahab” aajeejim anaabá. Mag nem icho khaisog jaaupʉpʉigmamua judionaan Damasco phobor ee narr khʉʉnjã pod iekhaju khaugba, warag ich garmua khĩupaa sĩumaajeejim aajem.

1 Juan 5:1

Jesuun chadcha Ẽwandamau ich Iewaa ichdeucha pʉitarr aawaita i dʉi ãba sim awia au sim wounan magan ya Ẽwandam chaairau. Magbarm aig agjo tagam khʉʉn Ẽwandam chaainkha nʉm khʉʉnaujã agjo i khõsi aju aai nʉm. ¿Jãgwi? Chi Aaijã khõsi naawaima; pod chi Aai appai daupiinaa chi chaain khõchkhaba aju aai khaba nʉm.