San Lucas 9:19 - Wounaan Meu

¹⁹ Magbaawai amachdeu magjierram aajem: —Am iek pʉ Juan chi õor por choomie aajem; deeum khʉʉnau jaauwai, pʉʉta Elías aajem, warrgar Ẽwandam i jaaujerr; maagwai pogkha jaauwai pʉ sĩi warrgar agjo Ẽwandam i jaaumie arrta deeu iiu phiidʉwia nʉrraichemjã a jaaujem am den ajierram aajem jũrr irig.

Woun Meu

¹⁹ Magbaawai hamachdëu magjierram haajem: —Ham hiek pʌ Juan chi hõor pör choomie haajem; deeum k'ʌʌnau jaauwai, pʌʌta Elías haajem, warrgar Hẽwandam hi jaaujerr; maagwai pogk'a jaauwai pʌ sĩi warrgar hagjö Hẽwandam hi jaaumie harrta deeu hiiu p'iidʌwia nʌrraichëmjã ha jaaujem ham dën hajierram haajem jũrr hirig.

San Lucas 9:19 Iomraidhean Croise

San Mateo 14:2

ich dʉi ãbam degam khʉʉnag, —Maan Juan chi õor por choomie khararrta deeu iiu phiidʉwia mag nʉrrʉmgui ajim anʉm; maguata mag õor mor masim khʉʉnpa monaau nʉrrabahab ajim anaabá.

San Mateo 3:1

Warrcha Juan chi õor por choomieu Ẽwandam iek jaaubaadem jaar, Judea durr bʉ̃ʉrjã õor chukag eeta sĩejeejim aajem. Mam ich sim aar õor maawaita amag jaaumamua,

San Marcos 6:14

Jesuu mag õor mor masim khʉʉn pom monaau nʉrrʉm gaaimua sĩi õor ee thʉ̃rphoo sĩejim aajem. Mag nʉm ee Rey Erodeeu ũr athajim anʉm, irua nem wau nʉrrʉm. Mag ichdeu ũr athaawai Jesuuta Juanpii awi, “Maan Juan õor por choomie khararrta deeu iiu phiidʉwia mag nʉrrʉm; maguata mag õor mor masim khʉʉnpa monaau nʉrrabahab” aajeejim anʉm.

San Marcos 6:15

Mamʉ irua mag sim ee bigaaum khʉʉnau, “Jã warr jooingar Ẽwandam i jaaumie Elías aajerr khabahab” aajeejim anʉm, Jesús igwia. Mamʉ jũrr magbaawai ãaur khʉʉnau, “Jã sĩi warr jooingar Ẽwandam i jaaujerr khʉʉnjo Ẽwandam iek jaaujem khabahab” aajeejim anaabá.

San Lucas 9:18

Khãai ãb Jesús ich dʉi doce ogdʉba wenʉrraajerr khʉʉn dʉi õor chukag ee mawia Ẽwandamag jeeu sĩejim aajem. Mag jeeu dichwia amag, —Õrau mʉ igwia iyʉʉ nʉm ũurwai, ¿am iek mʉ khai aajẽ? ¿Pãrau ũrba aajẽ? a jeeujim anʉm.

San Lucas 9:20

Ichig magbaawai, jũrr amachigcha, —¿Ma pãachdeujãma, pãrau khĩirjuawai mʉ khai agá? a jeeujim anʉm. Magbaa Pedroou irig, —Pʉʉn Cristoou, ar warrgarwe ich Ẽwandamaucha õor peerdʉ aumkhĩir pʉiju jaaujerr ajim anʉm irig.

San Juan 1:21

Magbaawai deeu amachdeupai, —Magan ¿pʉ khaíuma? ¿Pʉ Elías khabá? abaawai, jũrr ichdeu, —Mʉ chan Elías khabamgui ajim amag. Magbaa deeu amachdeupai, —¿Wa pʉ warrgarwe ich Ẽwandamaucha ich i jaaumkhĩir jʉr auju a jaaujerráwa? a jeeubaawai, jũrr amag, —Ʉ̃hʉ̃, mʉ majã khabamgui ajim.

San Juan 1:25

—Pʉ iek mag warrgarwe ich Ẽwandamau pʉiju a jaaujerrjã khaba, Elíajã khaba, Ẽwandam i jaaujerrjã khabam anʉmta, magan ¿jãgwi pua õor por choo simma? ajierram irig.

San Juan 7:40

Jesuu mag iekhabarm ũrbaawai ãaur aig narr khʉʉnau, “Mʉg wounan chadcha Ẽwandamau ich i jaaumkhĩir jʉr autarrta jãg nʉrrʉm” aajeejim.

San Juan 9:17

warag chi dau khĩsu khitarragta, —Pua khĩirjuawai ¿khanim woun agá? Pʉ dauta irua monaautarr aawai puata i jaauju aai chirʉmgui aajeejim anʉm irig. Magbaawaita ichdeu, —Mua oowai merag chukhu sim, jãan ich Ẽwandam jua theegau nem wau nʉrrʉmta jãg nʉrrʉmgui ajim aajem.