San Lucas 9:16 - Wounaan Meu

¹⁶ Magbaawai ich Jesuu mag pan cinco narr chi ãwarrdam numpai narr dʉi ãba phe auwia, ʉ̃gthaag eerpanaa, Ẽwandamag ʉu ajim anaa, thorreuwia, ich khapeenag ʉapʉimajim aajem, jũrr õrag jigmamkhĩir.

Woun Meu

¹⁶ Magbaawai hich Jesuu mag pan cinco narr chi hãwarrdam numpai narr dʌ̈i hãba p'ë hauwia, hʌ̃gt'aag heerpanaa, Hẽwandamag hʌ̈u hajim hanaa, t'orreuwia, hich k'apeenag hʌapʌ̈imajim haajem, jũrr hõrag jigmamk'ĩir.

San Lucas 9:16 Iomraidhean Croise

San Mateo 14:19

Mag chadcha ich aig aipierrwai õor pom mag thʉnarrag, —Phũak ee ohood abat ajim. Maimua mag pandam cinco narr dʉi chi ãwarrdampa phe auwia ʉ̃gthaag eerpanaa, Ẽwandamag ag paar ʉu ajim anaa, ichdeupai chi pan thorreunaa marag ʉapʉimajim. Magbaawai jũrr maachdeuta õrag jigmajim.

San Mateo 15:36

mag pandam siete narrjã chi ãwarrdam dʉi ãba jua ee phe auwia, Ẽwandamag ʉu ajim anaa thorreubaadejim. Magnaa maachig ʉapʉimaawai marau jũrr õrag jigmajim.

San Marcos 7:34

Maimua ʉ̃gthaag eerpanaa, jãpho duraa ʉ̃inaa chi wounag, “¡Efata!” ajim anʉm. Mag sim aiguin maach meúan “¡Kach aardʉbaad!” a sim ajim anaabá.

San Lucas 22:19

Maimua agjo panjã jua ee auwia, Ẽwandamag ʉu ajim anaa, thorreuwia, amag deenaa, —Mʉg panan mua mʉch morta pãrag dee chirʉm; mʉg atagjã mʉ khĩirjunaa ich mʉgta khabat a jaaujim aajem.

San Lucas 24:30

Mag am dʉi thʉbawia, ãba ohoodo thach khoogpamua pan ich jua ee auwia, Ẽwandamag ʉu ajim anaa, thorreuwia, amag ʉapʉijim aajem, ag na ichdeu aajerrjo.

San Lucas 9:15

Mag chadcha i ipierraa õrag jaaubaawai thum ich mag poso phʉʉr ohood aphobaadejim aajem.

San Lucas 9:17

Mag jigmamua thumaam khʉʉn biwaauwia imie phobaadeewai chi pan ãwarr dʉi sobtarrau thʉbʉt doce ipiirkha aujim aajem.

San Juan 6:11

Maimua Jesuu makhʉʉn pandam ich jua ee phe auwia, Ẽwandamag ʉu ajim anaa, jũrr marag ʉapʉimajim, jũrr õor pom mag ohood wejomʉg jigmamkhĩir. Maimua jũrr chi ãwarrdam paarjã ich agjo Ẽwandamag ʉu ajim anaa agjo jigpijim, amachdeu khom aig khomkhĩir.

San Juan 6:23

Mag nʉm ee ich ag thʉrrdo eepai phobor Tiberias anʉm aarmua bote beewia, mag ag noram Jesuu pan cinco ich jua ee aunaa ag paar ʉu ajim anaa õrag khopitarr dakha jopdʉtkhachejim aajem.

Hechos 27:35

Pabloou mag iekhapet awi, pan jua ee auwi, thumaam khʉʉn dakhĩir Ẽwandamag jeeuwi, khõor khobaadejim.

Romanos 14:6

Mag sĩewai, parhoobam ed awiajã, Ẽwandam khõsi aawai irig jewaag mag edta ʉ̃rcha ʉʉrkha nʉmʉn magan ʉu sim. [Pari mag edpai khaba, ed eepierr Ẽwandamag jeeukhiinjã, agjo nem wajaug sim, i khõsi aawaita irig jeeu naawai.] Ich agjota sim thach kho nʉm aigjã: Chi parhooba kho simua Ẽwandamag jeeunaata khomʉn ʉu sim, ich Ẽwandamau oowai ichig jeeunaata kho sĩewai. Pari chi nem parhooba khoba simuajã mag Ẽwandamau khõsi simjo aag awiata mag khoba simʉn, magan ich agjo nem wajaug sim, irua mag nemek khobahab mamʉ deeum nem ichdeu kho sim paar agjo Ẽwandamag ʉu ajim aajeewai.

1 Corintios 10:30

“Mua mʉch thach khoowai Ẽwandamag ʉu ajim anaa kho chirʉmta, jãga mag sĩi bigaaumua khoju khaba sim khĩirju sim gaaimuapai muajã khoju aai khaba chirʉ́” aju.

1 Corintios 11:24

ag paar nacha Ẽwandamag ʉu ajim anaa thorreupʉijim aajem. Magnaa ʉapʉiwia, “Pãach juau au khobat, mʉʉn mʉ morou” ajim anʉm ich khapeenag. “Wajapcharan mʉg pandam thorreubarmʉn mʉ cha chirʉmta pãar peerdʉ aum khõchgau dau aphʉʉ ajuuta jaau sim. Mʉg atag pawiajã mʉg pãachdeu mʉ jua ootarrjo khabat, mʉ thõotarr khĩir eyaa aag” ajim aajem, maach Por Jesuu ich khapeenag.