San Lucas 9:11 - Wounaan Meu

¹¹ Mamʉ õrau mag i petam khaugpʉitarr aawai i ẽudee pochag wetjim anʉm. Mag wetwia ich aar bardʉtkhabaimaawai Jesuu amag, —Ʉu pãar beejimgui awia, warag amag, Ẽwandamta thumaam khʉʉn Porkhaimʉʉ simgui ajim anʉm. Pãar peerdʉju khai, irigta ʉdʉraa pãach Porkhapibat a jaaumajim aajem. Mag jaaumamua ĩchab mor masim khʉʉnpa monaaupʉimajim aajem.

Woun Meu

¹¹ Mamʌ hõrau mag hi petam k'augpʌ̈itarr haawai hi hẽudee pochag wëtjim hanʌm. Mag wëtwia hich haar bardʌtk'abaimaawai Jesuu hamag, —Hʌ̈u pãar bëejimgui hawia, warag hamag, Hẽwandamta t'umaam k'ʌʌn Pörk'aimʌʌ simgui hajim hanʌm. Pãar peerdʌju k'ai, hirigta hʌdʌraa pãach Pörk'apibat ha jaaumajim haajem. Mag jaaumamua hĩchab mor masim k'ʌʌnpa monaaupʌ̈imajim haajem.

San Lucas 9:11 Iomraidhean Croise

San Mateo 12:15

Mag ich thõopʉiju khĩirju phobaadem ich Jesuu khaug athaawai ichta warag aigmua petajim. Mag i petaawai õor pom dʉi i ẽudee wetjim. Jesuu mor masim khʉʉn thum ich aig waibee nʉm monaaupʉi maajeejim.

San Mateo 14:14

Maimua ya jopimawia ooimaawai i na õor pooma thʉnaajim. Magbaawai am dau aug khaugwi am aaunaanjã monaaupʉimajim.

San Mateo 21:31

Mag nem ĩgkhaadam jaauwia, aig ũr narr khʉʉnag jũrr, —¿Chijãgua pãrau oowai ich ayau khõsi sĩerrjo i ipierraa ajĩ? a jeeujim ich Jesuu. Magbaa, —Chi iewaa chi jooirau ajierram, chi cuento ũr narr khʉʉnau. Magbaa deeu ich Jesuupai iekhakhagmamua, —Roma durram gobierno athee debpaar jeeujem khʉʉn chi khaigbam khʉʉnta ʉʉin amach durpa theegau parhooba sĩerrjeem khʉʉn dʉi pãar khãai ʉ̃gtharcha oberjugui ajim.

San Mateo 21:43

Magua mua pãrag mag chirʉmgui ajim: Ẽwandam pãar thãar ee ichta chi Porkhaju atarr chi Por khaba, deeum khʉʉn judionaan khabam khʉʉn ichdeu khõsi simjo nem wauju khʉʉn dʉita am Porkhaju ajim. [

San Lucas 1:53

Aphʉʉ jãdaúa durrumjo khitheem khʉʉnaujã pʉrʉg jeeuwai pua amachdeu nem ig nʉm thum deejem. Mamʉ riknaan, jũrr pua dau aug ee päaijem, pʉch igba nʉm kõit.

San Lucas 5:31

Magbaawai Jesuu magjim anʉm amag: —Kha monakha nʉm khʉʉnau chan doctor igba aajem; ãba mor masi nʉm khʉʉnauta doctor iigjem.

San Lucas 8:1

Maigmua maau Jesús phoborpierr nʉrrʉmua ĩchab phobor chaaur didam khapan khaba khekhedʉm eem magwe nʉrrajim aajem, maach peerdʉajem iek jaauwai. Mag jaau nʉrrʉmua, —Ẽwandamta ya thumaam khʉʉn porkhaimʉʉ sim. Pãar peerdʉm khõsi nʉm khai, irigta ʉdʉraa pãach phẽethʉgpibat aajeejim anʉm, ichta pãach Porkhamkhĩir. I dʉi ĩchab wenʉrrajim aajem ichdeu doce jʉr autarr khʉʉn,

San Lucas 8:10

Magbaawai ichdeu magjim anʉm amag: —Pãrau khaugam khõsi ũr naawai, mʉchdeun warre pãrag khaphʉ apiejem, jãgata Ẽwandam õor thãar ee sĩeicheejẽ. Mamʉ warm khʉʉnagan sĩi khajapham nem ĩgkhaadamjopaita ĩgkhaajemgui ajim anʉm, amau oo nʉmta oobamjo amkhĩir, maimua ũr nʉmjã bʉ̃ʉrjã khaugbamjo amkhĩir.

San Lucas 9:10

Mag doce ich Jesuucha pʉitarr khʉʉn wenʉrrʉʉ awia bardʉtkhacheeu amachdeu nem wau wenʉrrarr thum irig ĩgkhachejierram aajem. Magbaawai chi Jesuu chawag am phe arrjim aajem, phobor Betsaida anʉm igaau õor chukag ee.

San Lucas 9:12

Mag õor monaaupʉpʉikham ee, warag edau kheuju gar pabaadeewai chi doce ich dʉi ogdʉba wenʉrraajerr khʉʉnau i aig beewia irig, —Mʉig maach õor chukag eeta nʉpí, phobor ee wa di dakha nʉnʉidʉm ee khãijã amag wetpi jaaubá ajierram anʉm, magʉm aar thachdam khowia khãimkhĩir.

San Lucas 9:2

Mag pʉyaagpamua amag magjim anʉm: —Mua pãar pʉi chirʉm, õrag “Ẽwandamta thumaam khʉʉn Porkhaimʉʉ sim” a jaaumkhĩir, maimua ĩchab amag “Pãar peerdʉju khai irigta ʉdʉraa pãach Porkhapibat” a jaau wenʉrramkhĩir. Mag wenʉrrʉmua ĩchab khamor machagjã thum pãrau monaau wenʉrrajugui a jaaujim aajem.

San Juan 4:34

Pari maar mag iekha nʉm ũrbaawai Jesuu marag, —Mua mag thach khoju wai chirʉm a chirʉmʉn, Ẽwandamauta mʉ pʉitarr aawai irua khõsi simjota nem wau chirʉmʉugui ajim, mʉchig phidag jaaupʉitarr thumaa opʉyaag.

San Juan 6:37

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

Hechos 28:31

amag jaaujeejim, jãga amaujã Ẽwandamagta ʉdʉraa amach Porkhapiju aai nʉ. Mag jaaumam dʉi ĩchab maach Por Jesucristo iekjã thumaam khʉʉnag wajapha jaaujeejim. Mag irua nem jaau sim tag jaaupimaaugau awijã ni ãbmuajã irig magʉm aba aawai ichdeu jaaum aig jaaujeejim. Magta maach peerdʉajem iek warag aaidʉmajim, durrpierr.

Romanos 10:14

Pari mag pãach peerdʉmkhĩir irig jewaagan, ichiita nacha pãrau i iek ʉkhaju aai nʉm; mag ʉkhaagjã ichiita pãrau i iek jaau nʉm ũrju aai nʉm; mamʉ mag i iek ũraagjã chi jaaujem khʉʉnjã paraa aju aai nʉm, õrag jawaag.

Romanos 10:17

Pari mag amau wajap ʉkhabajieb mamʉ, mʉchdeu jaau chirʉmjo, ichiita ãbmua Cristoou maach peerdʉajem iek jaauju aai sim; magbaawain chadau mag iek ũrwiata ʉkhaju aai nʉm.

Romanos 15:3

Cristo mʉg jẽb gaai nʉrraawaijã sĩi wir aig ichdeu nem khõsimpaita wauba aajeejim. Mag khãai maach ʉu wenʉrramkhĩirta õrau ich khĩircha khaigba iekhamaajerrjã igba, ich Ayau khõsi sĩerrjota nʉrrajim. Mag nʉrrarr gaaimua Salmos gaai jaau simjo, ich Aai gaaimua jũrr ich khĩirta õrau khaigba iekhaajeejim. (Sal. 69:9)

2 Timoteo 4:2

õrau mag pʉchdeu jaau nʉm iek ũrmapha awiajã, ichiita jaaubá a chirʉm. Cristo iekta õrag ʉkhapi auju ẽkhabá; khaigba wenʉrrʉm khʉʉnag ikhʉaba iekhabá; ar Ẽwandam iek athee kha thũu nʉm khʉʉnjã khĩir onee apibá. Magnaa nem jaauwaijã ithũuta nem jaaubá.

Hebreos 4:16

Maach kõit iekhaajemua mag maach dau aug khaaugjem khaphʉ naawai bʉ̃ʉrjã ogkhaba warag Ẽwandam thumaam khʉʉn Porkhanaa thumaam khʉʉn dʉi ajapha khitʉmta jʉrju aai nʉm irig jeeu nʉmua, pekau ee burrjojoo aadephʉm aig i iigwaijã ʉu irua maach dau aug khaugwi maach khaigpermkhĩir.