San Lucas 9:1 - Wounaan Meu

¹ Maimua Jesuu ich khapeen doce ich dʉi ogdʉba wenʉrraajerr khʉʉn ãbam aig thʉ̃rkhanaa agdaujo juapá deemajim aajem, ich denjo õor mor eem mepeen jʉrkhʉʉinaa mor masim khʉʉnjã monaau wenʉrraju ayaa amkhĩir.

Woun Meu

¹ Maimua Jesuu hich k'apeen doce hich dʌ̈i hogdʌba wënʌrraajerr k'ʌʌn hãbam haig t'ʌ̃rk'anaa hagdaujö juapá deemajim haajem, hich dënjö hõor mor heem mepeen jʌrk'ʌʌinaa mor masim k'ʌʌnjã monaau wënʌrraju hayaa hamk'ĩir.

San Lucas 9:1 Iomraidhean Croise

San Mateo 16:19

Pedro, pʉrʉgta mua mʉch iek jaaumkhĩir jaau chirʉmgui ajim. Pua mʉ iek jaaubaadem ũrwi ʉkha nʉm khʉʉn mʉ denkha nʉisiju. Mamʉ ĩchab pua jaau khitʉm ũr nʉmjã asekasba warag iseg nʉm khʉʉnan amach mag nʉm gaaimua warag ich mag okhoo wenʉrrajugui ajim. Mag nʉm aiguin pua chi mʉ aar oberju aai nʉm khʉʉnag puertdi weeu deenaa pod dubbaju aai nʉm khʉʉn athee sĩi warag phãar sĩsiukhamjota aju.

San Mateo 4:24

Siria durram magwe Jesús mag nʉrrʉmʉn bĩi wejorr aawai, õor khamor machag khĩirpierram khʉʉnta i aig waibeejeejim anaabá: sĩi khajapham khamor machag paraam khʉʉn, kha mamachdog paraam khʉʉn, dosãt ben paraam khʉʉn, por benmie paraam khʉʉn maimua bʉ wa jua khãijã jʉserm khʉʉnpa waibeemamʉn, Jesuu monaaupʉi maajeejim anaabá.

San Mateo 8:9

Muajã mʉch gaaita khaphʉ chitʉmgui ajim anʉm, mʉchjã ĩchab mʉch pornaan jua eegarpai chiraawai. Mag chirab mamʉ, mʉchdeujã ĩchab soldaaun mʉch jua eegar phe wai chirʉm. Makhʉʉn ee ãbamʉg khãijã mua “Pet” aawai maajem, mʉ ipierraa; maimua deeumʉgjã “Pidú” aawai beejem. Wa mʉch chogag khãijã “Mʉgta abá” aawai mʉ ipierr aajem. Magua, maupaimua pua monaaupi jaaumʉn chadcha monaauju khaphʉ chirʉmgui ajim anʉm irig.

San Lucas 10:1

Mag jũrram khʉʉnau Jesús dʉi ogdʉba wenʉrraju a thʉnarr khur maach Por Jesuu ichdeucha õor setenta jʉr auwia khĩir sĩsied nunumdo pʉyaagpajim aajem, ich na ich nʉrrajupierr.

San Lucas 10:19

Mua pãar jua theeg apijim, pãach garmuata mepeen dajẽk amkhĩir. Maagwai mʉchdeu pãrag nem waupi jaau chirʉm wau wenʉrrʉmta dosãtau pãar nemkhõrig ʉmnaa dojũrigjã ʉmwiajã pãar bʉ̃ʉrjã chig abaju, mʉ jua theegta pãar gaai sĩewai.

San Juan 14:12

Pãade mʉ iek ũrbat: Chadcha chi mʉ iekta ʉkha simuan mua nem wau chirʉmjo waunaa ag khãai ʉ̃rʉʉchajã waumajugui ajim, mʉch Aai aar pawia mammuajã mua mʉch juapá deeju aawai.

Hechos 1:8

Mag khãai Ẽwandam Akhaar pãach gaai phẽs sĩeichejuun chad pãrau khaphʉ aju aai nʉmgui ajim anʉm. Mag pãach gaai phẽs sĩeichem ed pãar jua theeg aphobaademua mua nem waaujerr pãach daúacha oonaa mʉ iek pãach jʉ̃gʉucha ũurjerrjã pãrau õrag jaau nʉrrjee aju. Nacha mʉg Jerusalén phobor ee, maigmua Judea durr, Samaria durr, ich mag khĩeb durrpierr jaau wetumua warp durr chaauram magwe pãrau jaau wenʉrrajugui ajim anʉm amag.

Hechos 3:16

Maimua mag chi woun bʉ ãkhãraa khitarr igwi, Pãade wajapha khĩirjubat ajim anʉm. Mʉig ni ãbmuajã meraajã khaba sim, warr jãga sĩejĩ mʉg woun. Mag sĩejieb mamʉ, chadcha Jesuu ich monaauju khaphʉ sĩerr aawaita jãg monaau sĩsimgui ajim anʉm. Pãrau ĩs mʉg woun monakha oo nʉmʉn, jãan maraujã maach khĩirjug ee ãba Jesús jua theegaupaita i monaauju khaphʉ narr gaaimuaugui ajim anʉm. Mag gaaimuata jãg warre ich bi eewe monakha thaabatarrjo pãrau ĩs i monakha oo nʉmgui ajim aajem.

Hechos 4:30

Mor masim khʉʉnjã monaaunaa pʉch Chaai pekau chukhu khitʉm Jesús ag jua theegau nem maadeu ooba aajempa marag waupibá, magʉm gaaimua õrag pʉch jua theeg oomkhĩir a jeeumajierram aajem.

Hechos 9:34

Magʉg Pedroou, —Eneas, phiidʉbá ajim anʉm; Jesucristoou pʉ monaaubarm. Pʉch putdam juur kherbá ajim anʉm. Magbaa chadcha ag bʉrre Eneas phiidʉbaadejim aajem.