San Lucas 8:8 - Wounaan Meu

⁸ Maagwai tagam khʉʉn jẽb wajaug ee burrjim aajem. Makhʉʉnan chadau oberwia chebaadeewai khaarpierr bich thʉʉ jopmajim aajem. Mag jaaumamua, aig narr khʉʉnag, —Keena, jʉ̃g ʉ̃rʉʉnaa chamʉg nem ĩgkhaadam mua jaau chirʉm ajapha ũrbat ajim anʉm.

Woun Meu

⁸ Maagwai tagam k'ʌʌn jẽb wajaug hee burrjim haajem. Mak'ʌʌnan chadau höbërwia chëbaadeewai k'aarpierr bich t'ʌʌ jopmajim haajem. Mag jaaumamua, haig narr k'ʌʌnag, —Keena, jʌ̃g hʌ̃rʌʌnaa chamʌg nem hĩgk'aadam mua jaau chirʌm hajap'a hũrbat hajim hanʌm.

San Lucas 8:8 Iomraidhean Croise

San Mateo 11:15

Magnaa ich Jesuupai, —Keena, jʉ̃g ʉ̃rʉʉnaa cha mua jaau chirʉm wajapha ũrbat ajim anʉm.

San Mateo 13:23

Magarrau ar Ẽwandam iek ũrwia thãraucha ʉkhaajem khʉʉnan chad, jũrr mag nemjĩir jẽb wajaug ee burrtarrjota nʉmgui ajim. Magʉm khʉʉn Ẽwandam athee nem waum khõsi wau naawai, amachdeu nem wauju ayagpierr waaujemgui ajim: ãaur khʉʉnau nemjĩir chi chemiejo dʉrrcha, ãaur khʉʉnau agpierrpai maimua ãaur khʉʉnau bʉchkhunpai. Mamʉ thumaam khʉʉnau ichiita ichdeu khõsimjo aajemgui ajim.

San Marcos 4:20

Pari ãaur khʉʉn thʉnʉmgui ajim anʉm, ar Ẽwandam iek thãraucha ʉkhawi, i dau na agchanaa, nem wajapha waaujem khʉʉn. Magʉm khʉʉnau ar Ẽwandamau nem wajapha waupi jaauwaijã nem par daúa ooba aajem. Mag waum khõsi wau naawai amachdeu nem wauju ayagpierr waaujem: ãaur khʉʉnau nemjĩir chi chemiejo dʉrrcha, ãaur khʉʉnau agpierrpai, maimua ãaur khʉʉnau bʉchkhunpai. Mamʉ thumaam khʉʉnau ichiita ichdeu khõsimjo aajem a jaaumajim aajem.

San Marcos 4:23

Magwi ich Jesuupai, —Jʉ̃g ʉ̃rʉʉnaa cha mua jaau chirʉmjo abat ajim anʉm amag.

San Marcos 4:8

Mamʉ tagam ʉu jẽb wajaug ee burrtarran wajaug oberwia ʉu nem ajaug sĩi phur jopjim aajem, nem bich dapag maimuajã bich thʉʉ, maimua pogkha bich daii; mamʉ mag sĩsidʉm chan bʉ̃ʉrjã chi vano chukhu.

San Marcos 7:16

Magnaa amag, Jʉ̃g ʉ̃rʉʉnaa wajapha ũrbat ajim anʉm cha mua pãrag jaau chirʉm.]

San Lucas 14:35

ni jẽb phʉichichag dʉi waaureunaa nemjĩir bʉ khuagjã serbiiba sĩsiju. Mag serbiiba sĩsiewai sĩi barpʉijugui ajim anaabá. Ich jãgaugui ajim anʉm ĩchab ar mʉ iek ʉkhamaaugau amach nem khõchag thum isegba nʉm khʉʉnjã. Keena, jʉ̃g ʉ̃rʉʉnaa cha mua jaau chirʉm ajapha ũrbat a jaaumajim aajem, ich Jesuu.

San Lucas 8:15

Mamʉ jũrr chi nemjĩir jẽb ajaug ee burrtarr, ar õrau Ẽwandam iek amach thãraucha ʉkhaa chaar ʉkhaajem khʉʉnta jaau simgui ajim anʉm. Magʉm khʉʉnau sĩi par jʉ̃gʉupai ũrba aajem. Amachdeu ʉkha nʉm gaaimua dau aug wauju akhiinjã, majã am gaai mas khaba simgui ajim anʉm, Ẽwandam athee nem ajapha waum khõchgau.

San Lucas 8:7

Mag pho nʉrrʉmua ĩchab ãaur khʉʉn miudo arr ee burrjim aajem. Mamʉ chi miuta ʉ̃rpabaadeewai nemjĩirdam õt khaba, sĩi ich magpai aphʉʉ nʉisijim aajem.

Efesios 2:10

Mamʉ warrgarwe Ẽwandamau khĩirju wai sĩerrjo ich athee mag nem ajapha wau wenʉrramkhĩirta Cristo gaaimua maach peerdʉ autarr aawai, maadeun chadcha nem ajaphamta wauju aai nʉm; pari majã dich peerdʉ aumkhĩir khaba, sĩi Ẽwandamau mag khõsi sĩewaita mag wauju aai nʉm.

Colosenses 1:10

Irigta pãar kõit jeeujem, chadcha maach Por Cristo denkha nʉm khʉʉnjo pãach nem wau nʉmpierr irua nem khõsimta wau nʉmua dich khapeen dʉi nem ajapha aju ayaamjã waub khaba waumkhĩir; mag nem wau nʉm gaaimua warag ich Ẽwandamjã ajapcha pãachig khap amkhĩir.

Apocalipsis 13:9

Magua jʉ̃g ʉ̃rʉʉ nʉm khai wajapha ũrbat:

Apocalipsis 2:11

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim. Ar ogkhaba ʉu magʉm thum ãwatpʉi nʉm khʉʉnan, warm khʉʉn khĩmie durr wet thʉnʉm daar, Ẽwandamau jũrr ich aarta phe auju aajem.

Apocalipsis 2:7

Magnaa ichdeupai, “Ar chi jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag nem jaau sim ũrbat” a sim. Ar phithurg au wenʉrrawiajã ich mag i khõsi wenʉrrʉm khʉʉnan ʉ̃gthar ich Ẽwandam dʉicha wenʉrraju aajem. Makhʉʉnag irua Ẽwandam nemjĩir gayam nemjõ jõpiju aajem, õor ich mag iiu wenʉrrapiejem nemjõ.

Apocalipsis 3:13

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.

Apocalipsis 3:6

Magnaa ichdeupai, “Ar jʉ̃g ʉ̃rʉʉ nʉm khʉʉnau Ẽwandam Akharau mʉkhʉʉn iglesiaag jaau sim ũrbat” a sim.