San Lucas 8:48 - Wounaan Meu

⁴⁸ Magbaawai Jesuu irig, —Oob chigaa am ajim anʉm. Mua pʉch monaauju khaphʉ mʉ gaai pʉrchetarr gaaimua ʉu pʉ monaauwia peerdʉ ʉisim. Pʉch diig maju aai ʉmgui ajim anʉm irig.

Woun Meu

⁴⁸ Magbaawai Jesuu hirig, —Hoob chigaa ham hajim hanʌm. Mua pʌch monaauju k'ap'ʌ mʌ gaai pʌrchëtarr gaaimua hʌ̈u pʌ monaauwia peerdʌ hʌisim. Pʌch diig maju haai hʌmgui hajim hanʌm hirig.

San Lucas 8:48 Iomraidhean Croise

San Mateo 12:20

Mag i pʉibarm chan õor dau aphʉʉ khitheem khʉʉn warag dau aug waupiegjã khaba, ni ich iek gaai ubʉ khaba khitheem khʉʉn okhoopiegjã khaba, warag ich meebarm gaaimua õor ʉu peerdʉju ayaa apiegta pʉiju.

San Mateo 8:13

Mag iekhapʉiwi deeu chi capitanag eerpanaa, —Pʉch diig petá; pʉchdeu ãba mua pʉch chog monaaujupaita khĩirju sĩewai chadcha pʉ chog monaaujugui a ajim anʉm irig. Mag Jesuu “Pʉ chog monaauju” abarm bʉrre mam warp mor mas kherarrta chadcha monakkha aadejim anaabá.

San Mateo 9:2

Mag i barbaichem khaug athaawai woun ãb sĩi khapá jʉser khitʉmta pa bʉʉrkham gaai i aig aibeejierram aajem. Mag ich aig aaunaan wai barbaichem oowia, chi wounaan o akhaar ãba iruata amach aaunaan monaaupʉiju khaphʉ sĩerr aawai, chi khapá jʉser khitʉmʉgta, —Onee abá, pʉ pekau ya thum chugpaa sĩsimgui ajim anʉm.

San Mateo 9:22

Pari mag ich gaai pʉrbaichemjã khaphʉ sĩerr aawai ich chi Jesuu irig ewag phʉʉrba oonaa, —Oob chigaa am; mua pʉch monaauju khaphʉ mʉ gaai pʉrchetarr gaaimua, ʉu pʉ monaauwi peerdʉjã peerdʉ ʉisibahab ajim chi ʉʉirag. Mag, chadcha Jesuu magbarm bʉrre mag ʉʉi monaau sĩsijim.

San Marcos 5:34

Mag ichig meerba jaaubaawai Jesuu irig, —Mua pʉch monaauju khaphʉ mʉ gaai pʉrchetarr gaaimua, ʉu pʉ monaauwi peerdʉjã peerdʉ ʉisimgui ajim anʉm. Ya pʉ monakha ʉisiewai pʉch diig maju aai ʉmgui ajim anʉm irig.

San Lucas 17:19

Maimua ichdeupai mag chi kokobé beneu bar khitarrag, —Phiidʉwia petá ajim anʉm. Mua jaautarr ipierr pʉch odegpai, “Chadcha i ipierraa amʉn mʉ monaauju” a khĩirjutarr gaaimua, ʉu pʉ peerdʉwia monaaujã monaau chirsim ajim aajem irig.

San Lucas 18:42

Magbaa Jesuu irig, —Magan dau eerdʉbaad ajim anʉm. Chadcha muata pʉch monaaupʉiju khĩirjutarr gaaimua, ʉu pʉ peerdʉwia monaaujã monaau chirsimgui ajim anʉm.

San Lucas 7:50

Mamʉ amau mag khĩirju nʉmjã igba warag chi ʉʉiragta, —Oob khĩirjum. Ʉu pʉ peerdʉ ʉisimgui ajim anʉm, pʉchdeu ʉkhatarr gaaimua. Pʉch diig maju aai ʉmgui ajim anʉm.

San Lucas 8:47

Mamʉ chi ʉʉirau ũurwai ichdeu meraa pʉrchetarrta Jesuu mag ijẽb aadeewai, khĩir naau nʉm iekhau, bʉ duui beewia i bʉkhʉrr phõbkhachewia, meerba õor thumaam khʉʉn dakhĩir jaaubaadejim anaabá, khan atheeta irua mag i gaai pʉrchejĩ, maimua jãga mag pʉrbarm bʉrre i monaau ʉisijĩ.

Hechos 14:9

Ich mag wounau Pablo ijẽjẽbkhamʉg bʉ̃ʉrjã dau thõba ũr oo sĩejim aajem. Pabloou mag khitʉmʉg oowai, ich odegpain “Magʉm Ẽwandamaun chadcha mʉ monaaupʉiju aai sim” a simjoo oobaawai, irig eerpanaa khĩesir,

2 Corintios 6:18

magbaawai mʉchta pãar Aaikha chirsiewai pãar jũrr mʉ chaainkha nʉisiju” a sim Ẽwandam maach Por chi jua thierriu. (2 S. 7:14; 1 Cr. 17:13; Is. 43:6; Jr. 31:9)

Hebreos 4:2

Amag jaautarrjo maachigjã maach peerdʉajem iek jaauwi nʉm. Mamʉ amaun mag amachig jaautarrjã sĩi par jʉ̃gʉupai ũrtarr aawai am athee chan bʉ̃ʉrjã serbiibajim aajem, ʉu chi ʉkha narr khʉʉn dʉi warag khĩirjug ãba am denjo i ipierraa aba arr aawai.