San Lucas 8:47 - Wounaan Meu

⁴⁷ Mamʉ chi ʉʉirau ũurwai ichdeu meraa pʉrchetarrta Jesuu mag ijẽb aadeewai, khĩir naau nʉm iekhau, bʉ duui beewia i bʉkhʉrr phõbkhachewia, meerba õor thumaam khʉʉn dakhĩir jaaubaadejim anaabá, khan atheeta irua mag i gaai pʉrchejĩ, maimua jãga mag pʉrbarm bʉrre i monaau ʉisijĩ.

Woun Meu

⁴⁷ Mamʌ chi hʌʌirau hũurwai hichdëu meraa pʌrchëtarrta Jesuu mag hijẽb haadeewai, k'ĩir naau nʌm hiek'au, bʌ̈ duui bëewia hi bʌ̈k'ʌrr p'õbk'achëwia, meerba hõor t'umaam k'ʌʌn dak'ĩir jaaubaadëjim hanaabá, k'an hat'eeta hirua mag hi gaai pʌrchëjĩ, maimua jãga mag pʌrbarm bʌ̈rre hi monaau hʌisijĩ.

San Lucas 8:47 Iomraidhean Croise

San Mateo 28:8

Am iek amachig magbaawai aigmua apuraa ereubaadejim anaabá. Jãphierraa naajieb mamʉ agjo onee naajim aajem, amachig mag Jesús phiidʉbarm a jaaubaawai. Mag warag khajapha bʉ chʉp wetjim aajem, maach chi khapeenag jaauwimaag.

San Marcos 5:33

Mamʉ mag meraa i gaai pʉrtarrta ich khaug athaawai jãphierr nʉm iekhau sĩi kha duui Jesús aig beewia i khĩirphee kanieu phõbkhabaichejim anaabá. Magwi chadcha meerba jaaujim anʉm, mag ichdeu i khajũa gaai pʉrtarr.

San Lucas 8:46

Mamʉ Pedroou ichig magbaawai warag Jesuu, —Ʉ̃hʉ̃, sĩi õor phẽeudʉdʉkhamua khabam. Mua khaphʉ chirʉmgui ajim anʉm, juau ogthomta ãbmua mʉig mʉ gaai pʉrbaichem. Mag pʉrbaicheewai Ẽwandam juapá mʉ gaai simua monaaubapʉimjã mua khaphʉ chirʉmgui ajim anʉm.

San Lucas 8:48

Magbaawai Jesuu irig, —Oob chigaa am ajim anʉm. Mua pʉch monaauju khaphʉ mʉ gaai pʉrchetarr gaaimua ʉu pʉ monaauwia peerdʉ ʉisim. Pʉch diig maju aai ʉmgui ajim anʉm irig.

Hechos 16:29

Magbaawai chi guardiaau jopkharraa soldaaunag õtdau paa aibeepiwi, ag dʉi dubnaa, jãphierr ajaugau kha duui thʉnʉmua Pablo Silas dʉi nʉm bʉkhʉrr phõbkha thʉnaaimajim aajem.

1 Corintios 2:3

Pãrau khaphʉ naabá, jãga pãar ee mʉ chiraimajĩ. Mʉchdeu jaau chirʉm pãrau ʉkhabaju khãijã khĩirjuwia, kha thũumjonaa jãphierr thʉnʉmjota chirʉmua mʉ kha duui thʉnaajim.

2 Corintios 7:15

Magtarr aawai mag mʉchdeu jaau chirarrjo ich daúacha oobathuurwaita pãar aarmua beeu i onee sĩeichejim. Jãg pãachdeu irua nem khõsimjota waum khõchgau ich dʉi wajapha arr khĩirju nʉm dʉi jãga ichdeu nem jaauwaijã pãachdeu i ipierraa naajĩ a khĩirjubaadeewaita ichjã warag ʉ̃rcha pãar gaaimua onee sĩejem.

Filipenses 2:12

Cristo gaaimua khodamnaan, mua pãar daupii chitʉm. Mua khĩircha pãachig Ẽwandam iek jaau chitaawai pãachdeu mʉ ipierraa narrjo, magan mʉ mau warp chirʉmjã igba warag ich jãg ʉkhanaat. Maach Ẽwandam na nem khaigba wauju okho sĩi maach peerdʉajem iekta warag pãach ee ʉ̃rpai apiju ẽkhabat, mag wenʉrrʉmua ubʉ paaukhamaag.

Hebreos 12:28

Pãade khĩirjubat keen: Mag Ẽwandam iek iruan maach khaibagjã sĩi õt ee phaabapʉimjo warre chukhu apäaijem anaawai, mag nʉm dʉi ĩchab iruata durr jʉ̃a chirʉm chan bʉ̃ʉrjã chugpaa khaugba ich mag sĩerraju anʉm durrta maach phe auju anʉpí, irigta ʉu ajim anaa warag thãar onee jeeuju keena, ichdeu ichig jeeupiejemjo, i dau na nem khaigba waujujã okho.