San Lucas 8:46 - Wounaan Meu

⁴⁶ Mamʉ Pedroou ichig magbaawai warag Jesuu, —Ʉ̃hʉ̃, sĩi õor phẽeudʉdʉkhamua khabam. Mua khaphʉ chirʉmgui ajim anʉm, juau ogthomta ãbmua mʉig mʉ gaai pʉrbaichem. Mag pʉrbaicheewai Ẽwandam juapá mʉ gaai simua monaaubapʉimjã mua khaphʉ chirʉmgui ajim anʉm.

Woun Meu

⁴⁶ Mamʌ Pedroou hichig magbaawai warag Jesuu, —Hʌ̃hʌ̃, sĩi hõor p'ẽeudʌdʌk'amua k'abam. Mua k'ap'ʌ chirʌmgui hajim hanʌm, juau hogt'omta hãbmua mʌig mʌ gaai pʌrbaichëm. Mag pʌrbaicheewai Hẽwandam juapá mʌ gaai simua monaaubapʌ̈imjã mua k'ap'ʌ chirʌmgui hajim hanʌm.

San Lucas 8:46 Iomraidhean Croise

San Lucas 5:17

Biek ãb Jesuu Ẽwandam iek jaau sim aig fariseonaan dʉi Ẽwandam iek athee chi machnaanpa ohood thʉnaajim. Makhʉʉn phobordam nʉnʉidʉmpierrmua beetarr khʉʉn ajim aajem: Galilea durrmua beetarr khʉʉn, Judea durrmua beetarr khʉʉn, maimua ĩchab Jerusalenpienpa dʉi naajim aajem. Maagwai Ẽwandam juapa theeg i gaai sĩejim anʉm, õor monawaag.

San Lucas 6:19

Mag oowia thumaam khʉʉnau i gaai pʉrm iigjeejim anʉm, amach monaaumkhĩir, amachdeu oowai sĩi i gaai pʉr nʉmuapaijã Ẽwandam jua theeg ich gaai wai simuata benegjã ich jua jʉmpiba monaaupʉpʉikham oowia.

San Lucas 8:47

Mamʉ chi ʉʉirau ũurwai ichdeu meraa pʉrchetarrta Jesuu mag ijẽb aadeewai, khĩir naau nʉm iekhau, bʉ duui beewia i bʉkhʉrr phõbkhachewia, meerba õor thumaam khʉʉn dakhĩir jaaubaadejim anaabá, khan atheeta irua mag i gaai pʉrchejĩ, maimua jãga mag pʉrbarm bʉrre i monaau ʉisijĩ.

1 Pedro 2:9

Pari pãar chan Ẽwandamau mag isegbam. Pãran ich Ẽwandamauchata ich chaain khamkhĩir ich garmua jʉr autarr khʉʉnau. Pãarta phadnaanau aajemjo õor kõit jeeujem khʉʉn khabahab, maach Rey Cristoou sĩi ich atheepai nem waumkhĩir jʉr autarr khʉʉn. Pãarta warr khĩchag eemjo naajerr khʉʉn Ẽwandamau ich iek ʉkhapi athamua araragag obeer autarr khʉʉn khabahab, mag pãach ararag ee obeer autarr Ẽwandam chadcha õor dʉi ajapha khitʉmta jũrr deeum khʉʉnagjã jaaumkhĩir ich õorkha autarr khʉʉn.